Dalawang beses inilalabas ang mga Transparency Report ng Snapchat sa loob ng isang taon. Nagbibigay ang mga ulat na ito ng mahalagang pagtingin sa dami at katangian ng mga kahilingan ng gobyerno para sa impormasyon ng account ng Snapchatters at iba pang legal na notipikasyon.

Mula 2015, ang aming patakaran ay abisuhan ang mga Snapchatter kapag kami ay nakatanggap ng prosesong legal na nanghihingi ng impormasyon tungkol sa kanilang account, maliban na lang sa mga kaso kung saan kami ay legal na pinagbabawalang gawin iyon, o kung kami ay naniniwalang may 'di pangkaraniwang pangyayaring nagaganap (tulad ng pagsasamantala sa bata o kung may panganib ng kamatayan o pinsala sa katawan).

Sa Snap, sinusuportahan namin ang mga pagsusumikap sa buong industriya na pahusayin ang pag-uulat ukol sa pag-moderate ng content at mga kasanayan sa pagiging matapat. Kinikilala namin na sa mga platform ng teknolohiya, napapadali ang paggawa ng content, pagbabahagi, at pagpapanatili sa iba't ibang paraan. Sa pag-evolve ng aming platform, gayundin ang mangyayari sa mga Transparency Report ng Snap, na maglalatag sa pundasyon para makapag-publish ng mga bagong kategorya ng impormasyon na magbibigay-kaalaman sa aming komunidad sa hinaharap.

Para sa higit pang impormasyon tungkol sa kung paano namin hina-handle ang mga kahilingan ng tagapagpatupad ng batas para sa data, tingnan ang aming Gabay sa Tagapagpatupad ng Batas, Privacy Policy, at Terms of Service.

Tandaan: Bagama't hindi kami pormal na nagsasagawa ng pagsubaybay kapag nag-aalis kami ng content na lumalabag sa aming mga patakaran kapag hiniling sa amin ng gobyerno na gawin ito, naniniwala kaming bihirang-bihira itong mangyari. Kung naniniwala kaming kailangang paghigpitan ang content na itinuturing na labag sa batas ng isang partikular na bansa, ngunit hindi ito labag sa aming mga patakaran, sinisikap naming higpitan ang access dito sa partikular na lokasyon kung posible, kaysa alisin ito sa pangkalahatan.

* Ipinapakita sa "Mga Identifier ng Account" ang bilang ng mga identifier (hal. username, email address, phone number, atbp.) na tinutukoy ng tagapagpatupad ng batas sa prosesong legal kapag humihiling ng impormasyon ng user. Posibleng may kasamang higit sa isang identifier ang ilang prosesong legal. Sa ilang sitwasyon, maaaring matukoy ang isang account sa pamamagitan ng maraming identifier. Sa mga sitwasyon kung saan nakasaad sa maraming kahilingan ang isang identifier, kabilang dito ang bawat sitwasyon.