Snap Inc. ಒಂದು ಕ್ಯಾಮೆರಾ ಕಂಪನಿ. Snapchat, Bitmoji, ಸ್ಪೆಕ್ಟಕಲ್ಸ್, ಜಾಹೀರಾತು ಮತ್ತು ಈ ಗೌಪ್ಯತಾ ನೀತಿಗೆ ಲಿಂಕ್ ಒದಗಿಸುವ ಇತರೆಯವುಗಳನ್ನು ಒಳಗೊಂಡು — ನಮ್ಮ ಉತ್ಪನ್ನಗಳು ಮತ್ತು ಸೇವೆಗಳು — ನಿಮ್ಮನ್ನು ಅಭಿವೃಕ್ತಪಡಿಸಿಕೊಳ್ಳಲು, ಕ್ಷಣದಲ್ಲಿ ಲೈವ್ ಆಗಿರಲು, ವಿಶ್ವದ ಬಗ್ಗೆ ತಿಳಿದುಕೊಳ್ಳಲು ಮತ್ತು ಒಟ್ಟಾಗಿ ವಿನೋದ ಹೊಂದಲು ತ್ವರಿತವಾದ ಮತ್ತು ವಿನೋದದ ಮಾರ್ಗಗಳನ್ನು ಒದಗಿಸುತ್ತವೆ!

ನೀವು ಈ ಸೇವೆಗಳನ್ನು ಬಳಸುವಾಗ, ನಮ್ಮೊಂದಿಗೆ ನೀವು ಕೆಲವು ಮಾಹಿತಿಯನ್ನು ಹಂಚಿಕೊಳ್ಳುತ್ತೀರಿ. ಆದ್ದರಿಂದ ನಾವು ಸಂಗ್ರಹಿಸಿದ ಮಾಹಿತಿ, ನಾವು ಅದನ್ನು ಹೇಗೆ ಬಳಸುತ್ತೇವೆ, ನಾವು ಅದನ್ನು ಯಾರೊಂದಿಗೆ ಹಂಚಿಕೊಳ್ಳುತ್ತೇವೆ ಮತ್ತು ಮಾಹಿತಿಯನ್ನು ಪ್ರವೇಶಿಸಲು, ನವೀಕರಿಸಲು ಮತ್ತು ಅಳಿಸಲು ನಾವು ನಿಮಗೆ ಒದಗಿಸುವ ನಿಯಂತ್ರಣಗಳನ್ನು ನಾವು ಮೊದಲೇ ತಿಳಿದುಕೊಳ್ಳಲು ಬಯಸುತ್ತೇವೆ.

ಅದಕ್ಕಾಗಿಯೇ ನಾವು ಈ ಗೌಪ್ಯತೆ ನೀತಿಯನ್ನು ಅಳವಡಿಸಿಕೊಂಡಿದ್ದೇವೆ. ಮತ್ತು ಇದಕ್ಕಾಗಿಯೇ ನಾವು ನಮ್ಮ ಎಲ್ಲಾ ಬಳಕೆದಾರರಿಗಾಗಿ ತಿಳಿದುಕೊಳ್ಳಲು ಸುಲಭವಾದ ಮಾರ್ಗದಲ್ಲಿ ಬರೆಯಲು ಮತ್ತು ಈ ದಾಖಲೆಗಳನ್ನು ಹೆಚ್ಚಾಗಿ ಕ್ಲೌಡ್ ಮಾಡುವ ಲೀಗಲ್‌ಈಸ್‌ನ ಆನಂದಮುಕ್ತವಾದುದನ್ನು ಪ್ರಯತ್ನಿಸಿದ್ದೇವೆ. ಖಂಡಿತವಾಗಿಯೂ, ನೀವು ನಮ್ಮ ಗೌಪ್ಯತೆ ನೀತಿಯಲ್ಲಿರುವ ಯಾವುದರ ಬಗ್ಗೆಯಾದರೂ ಇನ್ನೂ ಪ್ರಶ್ನೆಗಳನ್ನು ಹೊಂದಿದ್ದರೆ ನಮ್ಮನ್ನು ಸಂಪರ್ಕಿಸಿ.

ನೀವು ನಮ್ಮ ಇಡೀ ಗೌಪ್ಯತೆ ನೀತಿಯನ್ನು ಓದಬೇಕು, ಆದರೆ ನೀವು ಕೆಲವೇ ನಿಮಿಷಗಳನ್ನು ಮಾತ್ರ ಹೊಂದಿರುವಾಗ, ನಂತರ ಏನನ್ನೊ ಬಯಸಿದಾಗ, ನೀವು ಈ ಅವಲೋಕನ ಮತ್ತು ವೀಡಿಯೊ.ದಲ್ಲಿ ಯಾವಾಗಲೂ ನೋಡಬಹುದು. ನಾವು ನಮ್ಮ ಗೌಪ್ಯತೆ ಕೇಂದ್ರದ ಉಳಿದುದನ್ನು ಪರೀಕ್ಷಿಸಬೇಕೆಂದೂ ನಿಮ್ಮನ್ನು ಪ್ರೋತ್ಸಾಹಿಸುತ್ತವೇ. ನಾವು ನಮ್ಮ ಗೌಪ್ಯತೆಯ ಪದ್ದತಿಗಳ ಸಾರಾಂಶಗಳನ್ನು ನೀವು ಸುಲಭವಾಗ ಅರ್ಥಮಾಡಿಕೊಳ್ಳುವ ರೀತಿಯಲ್ಲಿ ವಿನ್ಯಾಸಗೊಳಿಸಿದ್ದೇವೆ. ಉದಾಹರಣೆಗೆ, ನಮ್ಮ ಉತ್ಪನ್ನದ ಮೂಲಕ ಗೌಪ್ಯತೆ ಪುಟವು ನಮ್ಮ ಉತ್ಪನ್ನಗಳಿಗೆ ನಿರ್ದಿಷ್ಟ ಗೌಪ್ಯತೆ ವೈಶಿಷ್ಟ್ಯಗಳ ಬ್ರೇಕ್ ಡೌನ್ ಅನ್ನು ಒದಗಿಸುತ್ತದೆ.

ನಾವು ಸಂಗ್ರಹಿಸುವ ಮಾಹಿತಿಯಲ್ಲಿ ಮುಖ್ಯವಾಗಿ ಮೂರು ಮೂಲ ವರ್ಗಗಳಿವೆ:

• ನೀವು ಒದಗಿಸುವ ಮಾಹಿತಿ.

• ನೀವು ನಮ್ಮ ಸೇವೆಗಳನ್ನು ಬಳಸುವಾಗ ನಾವು ಪಡೆಯುವ ಮಾಹಿತಿ.

• ಮೂರನೇ ವ್ಯಕ್ತಿಗಳಿಂದ ನಾವು ಪಡೆಯುವ ಮಾಹಿತಿ.

ಈ ಪ್ರತಿ ವರ್ಗಗಳ ಬಗ್ಗೆ ಇಲ್ಲಿ ಸ್ವಲ್ಪ ಹೆಚ್ಚು ಮಾಹಿತಿ ಇದೆ.

ನಮ್ಮ ಸೇವೆಗಳೊಂದಿಗೆ ನೀವು ಸಂವಹನ ನಡೆಸಿದಾಗ, ನೀವು ನಮಗೆ ಒದಗಿಸುವ ಮಾಹಿತಿಯನ್ನು ನಾವು ಸಂಗ್ರಹಿಸುತ್ತೇವೆ. ಉದಾಹರಣೆಗೆ, ನಮ್ಮ ಹಲವು ಸೇವೆಗಳು ನಿಮ್ಮ ಹೆಸರು, ಬಳಕೆದಾರ ಹೆಸರು, ಪಾಸ್‌ವರ್ಡ್, ಇಮೇಲ್ ವಿಳಾಸ, ಫೋನ್ ನಂಬರ್, ಮತ್ತು ಜನ್ಮದಿನಾಂಕದಂತಹ ನಿಮ್ಮ ಬಗೆಗಿನ ಕೆಲವು ಮುಖ್ಯ ವಿವರಗಳನ್ನು ಸಂಗ್ರಹಿಸಲು ನಮಗೆ ಸಾಧ್ಯವಾಗಬಹುದಾದಂತೆ, ಒಂದು ಖಾತೆಯನ್ನು ಸೆಟಪ್ ಮಾಡಲು ನಿಮ್ಮನ್ನು ಅಗತ್ಯಪಡಿಸುತ್ತವೆ. ನಿಮ್ಮ ಪ್ರೊಫೈಲ್ ಚಿತ್ರ ಅಥವಾ Bitmoji ಅವತಾರ್‌ನಂಥ, ನಮ್ಮ ಸೇವೆಗಳಲ್ಲಿ ಸಾರ್ವಜನಿಕವಾಗಿ ಕಾಣಿಸುವ ಕೆಲವು ಹೆಚ್ಚುವರಿ ಮಾಹಿತಿ ಒದಗಿಸುವಂತೆಯೂ ನಾವು ನಿಮ್ಮನ್ನು ಕೇಳಬಹುದು. ವಾಣಿಜ್ಯ ಉತ್ಪನ್ನಗಳಂತಹ ಕೆಲವು ಸೇವೆಗಳು, ನಿಮ್ಮನ್ನು ನೀವು ನಮಗೆ ಡೆಬಿಟ್ ಅಥವಾ ಕ್ರೆಡಿಟ್ ಕಾರ್ಡ್ ನಂಬರ್ ಮತ್ತು ಅದರ ಸಹಭಾಗಿಯಾದ ಖಾತೆ ಮಾಹಿತಿಯನ್ನು ನಮಗೆ ಒದಗಿಸಬೇಕೆಂದು ಅಗತ್ಯಪಡಿಸಬಹುದು.

ಖಂಡಿತವಾಗಿ, ನಮ್ಮ ಸೇವೆಗಳ ಮೂಲಕ ಕಳುಹಿಸುವ ಯಾವುದೇ ಮಾಹಿತಿಯನ್ನು ಕೂಡ ನೀವು ನಮಗೆ ಒದಗಿಸುತ್ತೀರಿ, ಉದಾಹರಣೆಗೆ Snap ಗಳು ಮತ್ತು ಚಾಟ್‌ಗಳು. ನಿಮ್ಮ Snap ಗಳು, Chat ಗಳು ಮತ್ತು ಯಾವುದೇ ವಿಷಯವನ್ನು ನೋಡುವ ಬಳಕೆದಾರರು ಆ ವಿಷಯವನ್ನು ಯಾವಾಗಲೂ ಸೇವ್ ಮಾಡಬಹುದು ಅಥವಾ ಆಪ್ ಹೊರಗೆ ನಕಲು ಮಾಡಬಹುದು. ಹಾಗಾಗಿ, ಹೆಚ್ಚಿನ ಮಟ್ಟದಲ್ಲಿ ಇಂಟರ್ನೆಟ್‌ಗೆ ಅನ್ವಯವಾಗುವ ಅದೇ ಸಾಮಾನ್ಯ ಜ್ಞಾನವು ನಮ್ಮ ಸೇವೆಗಳಿಗೂ ಅನ್ವಯಿಸುತ್ತದೆ: ಬೇರೊಬ್ಬರು ಸೇವ್ ಮಾಡಿಕೊಳ್ಳಲು ಅಥವಾ ಹಂಚಿಕೊಳ್ಳಲು ನೀವು ಬಯಸಿದರುವ ಸಂದೇಶಗಳನ್ನು ಕಳುಹಿಸಬೇಡಿ ಅಥವಾ ವಿಷಯವನ್ನು ಹಂಚಿಕೊಳ್ಳಬೇಡಿ.

ನೀವು ಗ್ರಾಹಕ ಬೆಂಬಲ ಸೇವೆಯನ್ನು ಸಂಪರ್ಕಿಸಿದಾಗ ಅಥವಾ ಇತರ ಯಾವುದೇ ರೀತಿಯಲ್ಲಿ ನಮ್ಮೊಂದಿಗೆ ಸಂವಹನ ನಡೆಸಿದಾಗ, ನೀವು ನಮಗೆ ನೀಡುವ ಯಾವುದೇ ಮಾಹಿತಿಯನ್ನು ಅಥವಾ ನಿಮ್ಮ ಸಮಸ್ಯೆ ಬಗೆಹರಿಸಲು ಅಗತ್ಯವಿರುವ ಮಾಹಿತಿಯನ್ನು ನಾವು ಸಂಗ್ರಹಿಸುತ್ತೇವೆ.

ನೀವು ನಮ್ಮ ಸೇವೆಗಳನ್ನು ಬಳಸುವಾಗ, ನೀವು ಯಾವ ಸೇವೆಗಳನ್ನು ಬಳಸುತ್ತೀರಿ ಮತ್ತು ಅವುಗಳನ್ನು ಹೇಗೆ ಬಳಸುತ್ತೀರಿ ಎಂಬುದರ ಕುರಿತು ನಾವು ಮಾಹಿತಿಯನ್ನು ಸಂಗ್ರಹಿಸುತ್ತೇವೆ. ಉದಾಹರಣೆಗೆ, ಒಂದು ನಿರ್ದಿಷ್ಟ ಕತೆಯನ್ನು ನೀವು ನೋಡಿದಿರಿ, ನಿರ್ದಿಷ್ಟ ಸಮಯ ನಿರ್ದಿಷ್ಟ ಜಾಹೀರಾತನ್ನು ನೋಡಿದಿರಿ, ಮತ್ತು ಕೆಲವು Snap ಗಳನ್ನು ಕಳುಹಿಸಿದಿರಿ ಎನ್ನುವುದು ನಮಗೆ ತಿಳಿಯಬಹುದು. ನೀವು ನಮ್ಮ ಸೇವೆಗಳನ್ನು ಬಳಸುವಾಗ ನಾವು ಸಂಗ್ರಹಿಸುವ ಮಾಹಿತಿಯ ಪೂರ್ಣ ವಿವರಣೆ ಇಲ್ಲಿದೆ:

• ಬಳಕೆಯ ಮಾಹಿತಿ. ನಮ್ಮ ಸೇವೆಗಳನ್ನು ಬಳಸಿಕೊಂಡು ನೀವು ನಡೆಸುವ ಚಟುವಟಿಕೆಯ ಬಗ್ಗೆ ನಾವು ಮಾಹಿತಿಯನ್ನು ಸಂಗ್ರಹಿಸುತ್ತೇವೆ. ಉದಾಹರಣೆಗೆ, ನಾವು ಇದರ ಬಗ್ಗೆ ಮಾಹಿತಿಯನ್ನು ಸಂಗ್ರಹಿಸಬಹುದು:

  • Snap ಗಳಿಗೆ ನೀವು ಯಾವ ಫಿಲ್ಟರ್‌ಗಳನ್ನು ವೀಕ್ಷಿಸುತ್ತೀರಿ ಅಥವಾ ಅನ್ವಯಿಸುತ್ತೀರಿ, ಡಿಸ್ಕವರ್‌ನಲ್ಲಿ ನೀವು ನೋಡುವ ಕಥೆಗಳು, ನೀವು Spectacles ಗಳನ್ನು ಬಳಸುತ್ತಿರುವಿರಾ ಅಥವಾ ನೀವು ಯಾವ ಹುಡುಕಾಟ ಪ್ರಶ್ನೆಗಳನ್ನು ಸಲ್ಲಿಸುತ್ತೀರಿ ಎಂಬಂತಹ ನಮ್ಮ ಸೇವೆಗಳೊಂದಿಗೆ ನೀವು ಹೇಗೆ ಸಂವಹನ ನಡೆಸುತ್ತೀರಿ.

  • ಇತರ Snapchatter ಗಳೊಂದಿಗೆ ನೀವು ಹೇಗೆ ಸಂವಹನ ನಡೆಸುತ್ತೀರಿ, ಅವರ ಹೆಸರುಗಳು, ನಿಮ್ಮ ಸಂವಹನಗಳ ಸಮಯ ಮತ್ತು ದಿನಾಂಕ, ನಿಮ್ಮ ಸ್ನೇಹಿತರೊಂದಿಗೆ ನೀವು ವಿನಿಮಯ ಮಾಡಿಕೊಳ್ಳುವ ಸಂದೇಶಗಳ ಸಂಖ್ಯೆ, ಯಾವ ಸ್ನೇಹಿತರೊಂದಿಗೆ ನೀವು ಹೆಚ್ಚು ಸಂದೇಶಗಳನ್ನು ವಿನಿಮಯ ಮಾಡಿಕೊಳ್ಳುತ್ತೀರಿ ಮತ್ತು ಸಂದೇಶಗಳೊಂದಿಗಿನ ನಿಮ್ಮ ಸಂವಾದ (ಅಂದರೆ ನೀವು ಸಂದೇಶ ಓದಿದಾಗ ಅಥವಾ ಸ್ಕ್ರೀನ್‌ಶಾಟ್ ಸೆರೆಹಿಡಿದಾಗ).

• ವಿಷಯ ಮಾಹಿತಿ. ಕಸ್ಟಮ್ ಲೇಬಲ್‌ಗಳಂತಹ ನಮ್ಮ ಸೇವೆಗಳಲ್ಲಿ ನೀವು ರಚಿಸುವ ವಿಷಯ ಮತ್ತು ಸ್ವೀಕರಿಸುವವರು ವಿಷಯವನ್ನು ವೀಕ್ಷಿಸಿದ್ದಾರೆಯೇ ಮತ್ತು ವಿಷಯದೊಂದಿಗೆ ಮೆಟಾಡೇಟಾವನ್ನು ನೀವು ರಚಿಸುವ ಅಥವಾ ಒದಗಿಸುವ ವಿಷಯದ ಬಗ್ಗೆ ಮಾಹಿತಿಯನ್ನು ನಾವು ಸಂಗ್ರಹಿಸುತ್ತೇವೆ.

• ಸಾಧನ ಮಾಹಿತಿ. ನೀವು ಬಳಸುವ ಸಾಧನಗಳು ಮತ್ತು ಅದರ ಬಗ್ಗೆ ನಾವು ಮಾಹಿತಿಯನ್ನು ಸಂಗ್ರಹಿಸುತ್ತೇವೆ. ಉದಾಹರಣೆಗೆ, ನಾವು ಇವುಗಳನ್ನು ಸಂಗ್ರಹಿಸುತ್ತೇವೆ:

  • ಹಾರ್ಡ್‌ವೇರ್ ಮಾಡೆಲ್, ಆಪರೇಟಿಂಗ್ ಸಿಸ್ಟಂ ಆವೃತ್ತಿ, ಸಾಧನದ ಮೆಮೊರಿ, ಜಾಹೀರಾತು ಐಡೆಂಟಿಫೈಯರ್‌ಗಳು, ವಿಶಿಷ್ಟ ಅಪ್ಲಿಕೇಶನ್ ಐಡೆಂಟಿಫೈಯರ್‌ಗಳು, ಇನ್‌ಸ್ಟಾಲ್ ಮಾಡಿದ ಆ್ಯಪ್‌ಗಳು, ವಿಶಿಷ್ಟ ಸಾಧನ ಐಡೆಂಟಿಫೈಯರ್‌ಗಳು, ಬ್ರೌಸರ್ ವಿಧ, ಇನ್‌ಸ್ಟಾಲ್ ಮಾಡಿದ ಕೀಬೋರ್ಡ್‌ಗಳು, ಭಾಷೆ, ಬ್ಯಾಟರಿ ಮಟ್ಟ ಮತ್ತು ಸಮಯ ವಲಯದಂಥ ನಿಮ್ಮ ಹಾರ್ಡ್‌ವೇರ್ ಮತ್ತು ಸಾಫ್ಟ್‌ವೇರ್ ಕುರಿತ ಮಾಹಿತಿ;

  • ಸಾಧನ ಸಂವೇದಕಗಳಾದ ಅಕ್ಸೆಲೆರೊಮೀಟರ್‌ಗಳು, ಗೈರೊಸ್ಕೋಪ್‌ಗಳು, ದಿಕ್ಸೂಚಿಗಳು, ಮೈಕ್ರೊಫೋನ್‌ಗಳು ಮತ್ತು ಹೆಡ್‌ಫೋನ್‌ಗಳಿಗೆ ನೀವು ಸಂಪರ್ಕಿಸಿದ್ದೀರಾ ಎಂಬಂತಹ ಮಾಹಿತಿ; ಮತ್ತು

  • ಮೊಬೈಲ್ ಫೋನ್ ಸಂಖ್ಯೆ, ಸೇವಾ ಪೂರೈಕೆದಾರ, IP ವಿಳಾಸ ಮತ್ತು ಸಿಗ್ನಲ್ ಸಾಮರ್ಥ್ಯದಂತಹ ನಿಮ್ಮ ವೈಯರ್‌ಲೆಸ್ ಮತ್ತು ಮೊಬೈಲ್ ನೆಟ್‌ವರ್ಕ್ ಸಂಪರ್ಕಗಳ ಬಗ್ಗೆ ಮಾಹಿತಿಗಳು.

• ಸಾಧನ ಫೋನ್‌ಬುಕ್. ಏಕೆಂದರೆ ನಮ್ಮ ಸೇವೆಗಳು ಸ್ನೇಹಿತರೊಂದಿಗೆ ಸಂವಹನ ನಡೆಸುವ ಬಗ್ಗೆ ಎಲ್ಲವೂ ಆಗಿದೆ, ನಾವು — ನಿಮ್ಮ ಅನುಮತಿಯೊಂದಿಗೆ — ನಿಮ್ಮ ಸಾಧನದ ಫೋನ್‌ಬುಕ್‌ನಿಂದ ಮಾಹಿತಿಯನ್ನು ಸಂಗ್ರಹಿಸುತ್ತೇವೆ.

• ಕ್ಯಾಮೆರಾ ಮತ್ತು ಫೋಟೋಗಳು. ನಿಮ್ಮ ಸಾಧನದ ಕ್ಯಾಮೆರಾ ಮತ್ತು ಫೋಟೋಗಳಿಂದ ಚಿತ್ರಗಳು ಮತ್ತು ಇತರ ಮಾಹಿತಿಯನ್ನು ಸಂಗ್ರಹಿಸಲು ನಮ್ಮ ಅನೇಕ ಸೇವೆಗಳು ನಮಗೆ ಅಗತ್ಯವಿರುತ್ತದೆ. ಉದಾಹರಣೆಗೆ, ನಿಮ್ಮ ಕ್ಯಾಮೆರಾ ಅಥವಾ ಫೋಟೋಗಳಿಗೆ ನಮಗೆ ಪ್ರವೇಶವಿಲ್ಲದಿದ್ದರೆ, ನಿಮ್ಮ ಕ್ಯಾಮೆರಾ ರೋಲ್‌ನಿಂದ Snaps ಕ್ಥಳುಹಿಸಲು ಅಥವಾ ಫೋಟೋಗಳನ್ನು ಅಪ್‌ಲೋಡ್ ಮಾಡಲು ನಿಮಗೆ ಸಾಧ್ಯವಾಗುವುದಿಲ್ಲ.

• ಸ್ಥಳ ಮಾಹಿತಿ. ನೀವು ನಮ್ಮ ಸೇವೆಗಳನ್ನು ಬಳಸುವಾಗ ನಾವು ನಿಮ್ಮ ಸ್ಥಳದ ಬಗ್ಗೆ ಮಾಹಿತಿಯನ್ನು ಸಂಗ್ರಹಿಸಬಹುದು. ನಿಮ್ಮ ಅನುಮತಿಯೊಂದಿಗೆ, ನಿಮ್ಮ ನಿಖರವಾದ ಸ್ಥಳದ ಬಗ್ಗೆ ಮಾಹಿತಿಯನ್ನು ಸಂಗ್ರಹಿಸಲು ನಾವು GPS, ವೈರ್‌ಲೆಸ್ ನೆಟ್‌ವರ್ಕ್‌ಗಳು, ಸೆಲ್ ಟವರ್‌ಗಳು, ವೈ-ಫೈ ಎಕ್ಸೆಸ್ ಪಾಯಿಂಟ್‌ಗಳು ಮತ್ತು ಇತರ ಸೆನ್ಸರ್‌ಗಳು ಉದಾ: ಗೈರೊಸ್ಕೋಪ್‌ಗಳು, ಅಕ್ಸೆಲೆರೊಮೀಟರ್‌ಗಳು ಮತ್ತು ದಿಕ್ಸೂಚಿಗಳಂತಹ ವಿಧಾನಗಳನ್ನು ಸಹ ಬಳಸಬಹುದು.

• ಕುಕೀಸ್ ಮತ್ತು ಇತರ ತಂತ್ರಜ್ಞಾನಗಳಿಂದ ಸಂಗ್ರಹಿಸಲಾದ ಮಾಹಿತಿ. ಹೆಚ್ಚಿನ ಆನ್‌ಲೈನ್ ಸೇವೆಗಳು ಮತ್ತು ಮೊಬೈಲ್ ಅಪ್ಲಿಕೇಶನ್‌ಗಳಂತೆ, ನಿಮ್ಮ ಚಟುವಟಿಕೆ, ಬ್ರೌಸರ್ ಮತ್ತು ಸಾಧನದ ಬಗ್ಗೆ ಮಾಹಿತಿಯನ್ನು ಸಂಗ್ರಹಿಸಲು ನಾವು ಕುಕೀಗಳು ಮತ್ತು ಇತರ ತಂತ್ರಜ್ಞಾನಗಳನ್ನು ವೆಬ್ ಬೀಕನ್‌ಗಳು, ವೆಬ್ ಸಂಗ್ರಹಣೆ ಮತ್ತು ಅನನ್ಯ ಜಾಹೀರಾತು ಗುರುತಿಸುವಿಕೆಗಳನ್ನು ನಾವು ಬಳಸಬಹುದು. ನಮ್ಮ ಪಾಲುದಾರರ ಮೂಲಕ ನಾವು ನೀಡುವ ಸೇವೆಗಳೊಂದಿಗೆ ನೀವು ಸಂವಹನ ನಡೆಸಿದಾಗ ಮಾಹಿತಿಯನ್ನು ಸಂಗ್ರಹಿಸಲು ನಾವು ಈ ತಂತ್ರಜ್ಞಾನಗಳನ್ನು ಬಳಸಬಹುದು, ಉದಾ. ಜಾಹೀರಾತು ಮತ್ತು ವಾಣಿಜ್ಯ ವೈಶಿಷ್ಟ್ಯತೆಗಳು. ಉದಾಹರಣೆಗೆ, ನಿಮಗೆ ಅತ್ಯಂತ ಪ್ರಸ್ತುತವಾದ ಜಾಹೀರಾತುಗಳನ್ನು ತೋರಿಸುವಾಗ ಇತರ ವೆಬ್‌ಸೈಟ್‌ಗಳಲ್ಲಿ ಸಂಗ್ರಹಿಸಿದ ಮಾಹಿತಿಯನ್ನು ನಾವು ಬಳಸಬಹುದು. ಹೆಚ್ಚಿನ ವೆಬ್ ಬ್ರೌಸರ್‌ಗಳನ್ನು ಪೂರ್ವನಿಯೋಜಿತವಾಗಿ ಕುಕೀಗಳನ್ನು ಸ್ವೀಕರಿಸಲು ಹೊಂದಿಸಲಾಗಿದೆ. ನೀವು ಬಯಸಿದರೆ, ನಿಮ್ಮ ಬ್ರೌಸರ್ ಅಥವಾ ಸಾಧನದಲ್ಲಿನ ಸೆಟ್ಟಿಂಗ್‌ಗಳ ಮೂಲಕ ನೀವು ಸಾಮಾನ್ಯವಾಗಿ ಬ್ರೌಸರ್ ಕುಕೀಗಳನ್ನು ತೆಗೆದುಹಾಕಬಹುದು ಅಥವಾ ತಿರಸ್ಕರಿಸಬಹುದು. ಕುಕೀಗಳನ್ನು ತೆಗೆದುಹಾಕುವುದು ಅಥವಾ ತಿರಸ್ಕರಿಸುವುದು ನಮ್ಮ ಸೇವೆಗಳ ಲಭ್ಯತೆ ಮತ್ತು ಕ್ರಿಯಾತ್ಮಕತೆಯ ಮೇಲೆ ಪರಿಣಾಮ ಬೀರಬಹುದು ಎಂಬುದನ್ನು ನೆನಪಿನಲ್ಲಿಡಿ. ನಮ್ಮ ಸೇವೆಗಳಲ್ಲಿ ಮತ್ತು ನಿಮ್ಮ ಆಯ್ಕೆಗಳಲ್ಲಿ ನಾವು ಮತ್ತು ನಮ್ಮ ಪಾಲುದಾರರು ಕುಕೀಗಳನ್ನು ಹೇಗೆ ಬಳಸುತ್ತೇವೆ ಎನ್ನುವುದರ ಕುರಿತು ಇನ್ನಷ್ಟು ಮಾಹಿತಿಗಾಗಿ, ದಯವಿಟ್ಟು ನಮ್ಮ ಕುಕೀ ನೀತಿ ಪರಿಶೀಲಿಸಿ.

• ಲಾಗ್ ಮಾಹಿತಿ. ನಮ್ಮ ವೆಬ್‌ಸೈಟ್‌ಗಳನ್ನು ನೀವು ಬಳಸಿದಾಗ, ಈ ರೀತಿಯ ಲಾಗ್‌ ಮಾಹಿತಿಗಳನ್ನೂ ನಾವು ಸಂಗ್ರಹಿಸುತ್ತೇವೆ:

  • ನೀವು ನಮ್ಮ ಸೇವೆಗಳನ್ನು ಹೇಗೆ ಬಳಸಿದ್ದೀರಿ ಎಂಬುದರ ಬಗ್ಗೆ ಮಾಹಿತಿ;

  • ಸಾಧನದ ಮಾಹಿತಿ, ಉದಾಹರಣೆಗೆ ನಿಮ್ಮ ವೆಬ್ ಬ್ರೌಸರ್ ವಿಧ ಮತ್ತು ಭಾಷೆ;

  • ಆಕ್ಸೆಸ್ ಸಮಯಗಳು;

  • ನೋಡಲಾದ ಪುಟಗಳು;

  • IP ವಿಳಾಸ;

  • ನಿಮ್ಮ ಸಾಧನ ಅಥವಾ ಬ್ರೌಸರ್ ಅನ್ನು ಅನನ್ಯವಾಗಿ ಗುರುತಿಸಬಹುದಾದ ಕುಕೀಸ್ ಅಥವಾ ಇತರ ತಂತ್ರಜ್ಞಾನಗಳೊಂದಿಗೆ ಸಂಬಂಧಿಸಿ ಗುರುತಿಸುವಿಕೆಗಳು; ಮತ್ತು

  • ನೀವು ನಮ್ಮ ವೆಬ್‌ಸೈಟ್ ಅನ್ನು ನ್ಯಾವಿಗೇಟ್ ಮಾಡುವ ಮೊದಲು ಅಥವಾ ನಂತರ ಭೇಟಿ ನೀಡಿದ ಪುಟಗಳು.

ನಿಮ್ಮ ಬಗ್ಗೆ ಇತರ ಬಳಕೆದಾರರು, ನಮ್ಮ ಅಂಗಸಂಸ್ಥೆಗಳುಮತ್ತು ಮೂರನೇ ವ್ಯಕ್ತಿಗಳಿಂದ ನಾವು ಮಾಹಿತಿಯನ್ನು ಸಂಗ್ರಹಿಸಬಹುದು. ಕೆಲವು ಉದಾಹರಣೆಗಳು ಇಲ್ಲಿವೆ:

• ನಿಮ್ಮ Snapchat ಖಾತೆಯನ್ನು ನೀವು ಇನ್ನೊಂದು ಸೇವೆಗೆ ಲಿಂಕ್ ಮಾಡಿದರೆ (Bitmoji ಅಥವಾ ಥರ್ಡ್ ಪಾರ್ಟಿ ಅಪ್ಲಿಕೇಶನ್‌ನಂತಹ), ನೀವು ಆ ಸೇವೆಯನ್ನು ಹೇಗೆ ಬಳಸುವಿರಿ ಎಂಬಂತಹ ಇತರ ಸೇವೆಯಿಂದ ನಾವು ಮಾಹಿತಿಯನ್ನು ಪಡೆಯಬಹುದು.

• ಜಾಹೀರಾತುದಾರರು, ಆ್ಯಪ್ ಡೆವಲಪರ್‌ಗಳು, ಪ್ರಕಾಶಕರು, ಮತ್ತು ಇತರ ತೃತೀಯ ಪಕ್ಷಗಳು ಕೂಡ ನಮ್ಮೊಂದಿಗೆ ಮಾಹಿತಿ ಹಂಚಿಕೊಳ್ಳಬಹುದು. ಈ ಮಾಹಿತಿಯನ್ನು ನಾವು, ಜಾಹೀರಾತುಗಳ ಕಾರ್ಯಕ್ಷಮತೆಯನ್ನು ಗುರಿಯಾಗಿಸಲು ಅಥವಾ ಅಳೆಯಲು ನೆರವಾಗುವುದಕ್ಕೆ, ಬೇರೆ ವಿಧಾನಗಳಲ್ಲಿ ಬಳಸಿಕೊಳ್ಳಬಹುದು. ತೃತೀಯ-ಪಕ್ಷದ ಡೇಟಾದ ಈ ರೀತಿಯ ನಮ್ಮ ಬಳಕೆಯ ಕುರಿತು ನೀವು ನಮ್ಮ ಬೆಂಬಲ ಕೇಂದ್ರದಲ್ಲಿ ಇನ್ನಷ್ಟು ತಿಳಿದುಕೊಳ್ಳಬಹುದು.

• ಮತ್ತೊಬ್ಬ ಬಳಕೆದಾರ ತಮ್ಮ ಸಂಪರ್ಕಪಟ್ಟಿಯನ್ನು ಅಪ್‌ಲೋಡ್ ಮಾಡಿದರೆ, ನಾವು ಆ ಬಳಕೆದಾರರ ಸಂಪರ್ಕಪಟ್ಟಿಯಿಂದ ನಿಮ್ಮ ಬಗ್ಗೆ ಸಂಗ್ರಹಿಸಿದ ಇತರ ಮಾಹಿತಿಯೊಂದಿಗೆ ನಮ್ಮ ಮಾಹಿತಿಯನ್ನು ಸಂಯೋಜಿಸಬಹುದು.

ಸಂಗ್ರಹಿಸಿದ ಮಾಹಿತಿಯನ್ನು ನಾವು ಏನು ಮಾಡುತ್ತೇವೆ? ವಿವರವಾದ ಉತ್ತರಕ್ಕಾಗಿ, ಇಲ್ಲಿಗೆ ಹೋಗಿ. ಸಂಕ್ಷಿಪ್ತ ಉತ್ತರ: ನಾವು ನಿರಂತರವಾಗಿ ಶ್ರಮವಹಿಸಿ ಸುಧಾರಿಸಿದ ವಿವಿಧ ಉತ್ಪನ್ನಗಳು ಮತ್ತು ಸೇವೆಗಳನ್ನು ಒದಗಿಸುತ್ತೇವೆ. ನಾವು ಅದನ್ನು ಹೇಗೆ ಮಾಡುತ್ತೇವೆ ಎಂಬುದು ಇಲ್ಲಿದೆ:

• ನಮ್ಮ ಉತ್ಪನ್ನಗಳು ಮತ್ತು ಸೇವೆಗಳನ್ನು ಅಭಿವೃದ್ಧಿಪಡಿಸುವುದು, ನಿರ್ವಹಿಸುವುದು, ಸುಧಾರಿಸುವುದು, ತಲುಪಿಸುವುದು ಮತ್ತು ರಕ್ಷಿಸುವುದು.

• ನಿಮ್ಮ ಇಮೇಲ್ ವಿಳಾಸ ಸೇರಿದಂತೆ ನಿಮ್ಮ ಸಂಪರ್ಕ ಮಾಹಿತಿ ಕಳುಹಿಸಿ. ಉದಾಹರಣೆಗೆ, ಬೆಂಬಲ ಕೇಂದ್ರಕ್ಕೆ ಸಲ್ಲಿಸಿದ ವಿನಂತಿಗಳಿಗೆ ಪ್ರತಿಕ್ರಿಯಿಸಲು ಅಥವಾ ನಿಮಗೆ ಆಸಕ್ತಿ ಇರಬಹುದು ಎಂದು ನಾವು ಭಾವಿಸುವ ನಮ್ಮ ಉತ್ಪನ್ನಗಳು, ಸೇವೆಗಳು ಮತ್ತು ಪ್ರಚಾರದ ಕೊಡುಗೆಗಳ ಬಗ್ಗೆ ಮಾಹಿತಿಯನ್ನು ವಿನಿಮಯ ಮಾಡಿಕೊಳ್ಳಲು ನಾವು ಇಮೇಲ್ ಅನ್ನು ಬಳಸಬಹುದು.

• ಪ್ರವೃತ್ತಿಗಳು ಮತ್ತು ಬಳಕೆಗಳ ಮೇಲ್ವಿಚಾರಣೆ ಮತ್ತು ವಿಶ್ಲೇಷಣೆ.

• ಸ್ನೇಹಿತರನ್ನು ಸೂಚಿಸುವುದು, ಪ್ರೊಫೈಲ್ ಮಾಹಿತಿ, ಅಥವಾ Bitmoji ಸ್ಟಿಕ್ಕರ್‌ಗಳಂತಹ ಇತರ ವಿಷಯಗಳ ಜೊತೆಗೆ, ಸ್ನ್ಯಾಪ್‌ಚಾಟರ್‌ಗಳು Snapchat, ಅಂಗಸಂಸ್ಥೆ ಮತ್ತು ತೃತೀಯ-ಪಕ್ಷ ಅಪ್ಲಿಕೇಶನ್‌ಗಳು ಮತ್ತು ಸೇವೆಗಳಲ್ಲಿ ಪರಸ್ಪರ ಹುಡುಕಲು ಸಹಾಯ ಮಾಡುವುದು ಅಥವಾ ಜಾಹೀರಾತುಗಳು ಸೇರಿದಂತೆ ನಾವು ನಿಮಗೆ ತೋರಿಸುವ ವಿಷಯವನ್ನು ಕಸ್ಟಮೈಸ್ ಮಾಡುವುದರ ಮೂಲಕ ನಮ್ಮ ಸೇವೆಗಳನ್ನು ವೈಯಕ್ತೀಕರಿಸುವುದು.

• ನಿಮ್ಮ Snapchat ಅನುಭವಕ್ಕೆ ಪ್ರಸಂಗವನ್ನು ಸೇರಿಸಿ, ಉದಾಹರಣೆಗೆ, ನಿಮ್ಮ ಸ್ಥಳದ ಆಧಾರದ ಮೇಲೆ ಹುಡುಕಬಹುದಾದ ಲೇಬಲ್‌ಗಳು (ಖಂಡಿತ, ನೀವು ನಿಮ್ಮ ಸ್ಥಳವನ್ನು ಸಂಗ್ರಹಿಸಲು ನಮಗೆ ಅನುಮತಿ ನೀಡಿದ್ದರೆ) ಮತ್ತು ನಿಮ್ಮ ಫೋಟೊ ಅಥವಾ ವೀಡಿಯೊದ ವಿಷಯಗಗಳನ್ನು (ಉದಾ., ನಿಮ್ಮ ಫೋಟೊದಲ್ಲಿ ಒಂದು ನಾಯಿ ಇದ್ದರೆ, "ನಾಯಿ" ಪದದಿಂದ ಮೆಮೊರಿಗಳಲ್ಲಿ ಇದನ್ನು ಹುಡುಕಬಹುದಾದ) ಟ್ಯಾಗ್ ಮಾಡುವುದು.

• ನಮ್ಮ ಸೇವೆಗಳಲ್ಲಿ ಮತ್ತು ಹೊರಗೆ ಎರಡೂ ಕಡೆ, ನಿಮ್ಮ ನಿಖರ ಸ್ಥಳ ಮಾಹಿತಿ ಬಳಸುವುದರ ಮೂಲಕ (ಮತ್ತೊಮ್ಮೆ, ಆ ಮಾಹಿತಿಯನ್ನು ಸಂಗ್ರಹಿಸಲು ನೀವು ನಮಗೆ ಅನುಮತಿ ನೀಡಿದ್ದರೆ ಮಾತ್ರ) ಸೇರಿದಂತೆ, ನಮ್ಮ ಜಾಹೀರಾತು ಸೇವೆಗಳು, ಜಾಹೀರಾತು ಗುರಿಯಾಗಿಸುವಿಕೆ, ಮತ್ತು ಜಾಹೀರಾತು ಅಳೆಯುವಿಕೆಯನ್ನು ಒದಗಿಸುವುದು ಮತ್ತು ಸುಧಾರಿಸುವುದು. ಇದನ್ನು ಮಾಡಲು ನಿಮ್ಮ ಸಾಧನದಲ್ಲಿ ತೃತೀಯ-ಪಕ್ಷ ಅಪ್ಲಿಕೇಶನ್‌ಗಳು ಮತ್ತು ವೆಬ್‌ಸೈಟ್‌ಗಳ ನಿಮ್ಮ ಬಳಕೆಯ ಕುರಿತು ನಾವು ಮಾಹಿತಿಯನ್ನು ಸಂಗ್ರಹಿಸಬಹುದು. ಹೆಚ್ಚು ತಿಳಿಯಿರಿ. Snap Inc.‌ನ ಜಾಹೀರಾತು ಅಭ್ಯಾಸಗಳು ಮತ್ತು ನಿಮ್ಮ ಆಯ್ಕೆಗಳ ಕುರಿತು ಹೆಚ್ಚಿನ ಮಾಹಿತಿಗಾಗಿ, ದಯವಿಟ್ಟು ಕೆಳಗಿನ ನಿಮ್ಮ ಮಾಹಿತಿಯ ನಿಯಂತ್ರಣ ವಿಭಾಗವನ್ನು ನೋಡಿ.

• ನಮ್ಮ ಉತ್ಪನ್ನಗಳು ಮತ್ತು ಸೇವೆಗಳ ಭದ್ರತೆ ಮತ್ತು ಸುರಕ್ಷತೆಯನ್ನು ವರ್ಧಿಸಿ.

• ನಿಮ್ಮ ಗುರುತನ್ನು ಪರಿಶೀಲಿಸಿ ಮತ್ತು ವಂಚನೆ ಅಥವಾ ಇತರ ಅನಧಿಕೃತ ಅಥವಾ ಕಾನೂನುಬಾಹಿರ ಚಟುವಟಿಕೆಯನ್ನು ತಡೆಯಿರಿ.

• ನಮ್ಮ ಸೇವೆಗಳನ್ನು ಮತ್ತು ಅವುಗಳೊಂದಿಗಿನ ನಿಮ್ಮ ಅನುಭವವನ್ನು ಹೆಚ್ಚಿಸಲು ನಾವು ಕುಕೀಸ್ ಮತ್ತು ಇತರ ತಂತ್ರಜ್ಞಾನದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಬಳಸುವುದು.

• ನಮ್ಮ ಸೇವೆಯ ನಿಯಮಗಳು ಮತ್ತು ಇತರ ಬಳಕೆಯ ನೀತಿಗಳನ್ನು ಉಲ್ಲಂಘಿಸುವ ನಡವಳಿಕೆಯ ವಿರುದ್ಧ ಕ್ರಮ ಜಾರಿ ಮಾಡುವುದು, ಅದನ್ನು ತನಿಖೆ ಮಾಡುವುದು ಮತ್ತು ವರದಿ ಮಾಡುವುದು, ಕಾನೂನು ಜಾರಿ ಸಂಸ್ಥೆಯ ವಿನಂತಿಗಳಿಗೆ ಸ್ಪಂದಿಸಿ ಮತ್ತು ಕಾನೂನು ಅಗತ್ಯಗಳ ಅನುಸರಣೆ ಮಾಡುವುದು.

ಲೆನ್ಸ್‌ಗಳ ಗುಣಮಟ್ಟವನ್ನು ಸುಧಾರಿಸಲು ನಾವು Apple ‌ನ TrueDepth ಕ್ಯಾಮೆರಾದ ಮಾಹಿತಿಯನ್ನು ಸಹ ಬಳಸಬಹುದು. TrueDepth ಕ್ಯಾಮೆರಾದಿಂದ ಮಾಹಿತಿಯನ್ನು ನೈಜ ಸಮಯದಲ್ಲಿ ಬಳಸಲಾಗುತ್ತದೆ - ನಾವು ಈ ಮಾಹಿತಿಯನ್ನು ನಮ್ಮ ಸರ್ವರ್‌ಗಳಲ್ಲಿ ಸಂಗ್ರಹಿಸುವುದಿಲ್ಲ ಅಥವಾ ಅದನ್ನು ಮೂರನೇ ಪಕ್ಷಕಾರರೊಂದಿಗೆ ಹಂಚಿಕೊಳ್ಳುವುದಿಲ್ಲ.

ನಾವು ನಿಮ್ಮ ಬಗ್ಗೆ ಮಾಹಿತಿಯನ್ನು ಈ ಕೆಳಗಿನ ರೀತಿಯಲ್ಲಿ ಹಂಚಿಕೊಳ್ಳಬಹುದು:

• ಇತರ Snapchatter ಳೊಂದಿಗೆ. ನಾವು ಈ ಕೆಳಗಿನ ಮಾಹಿತಿಯನ್ನು ಇತರ Snapchatter ಗಳೊಂದಿಗೆ ಹಂಚಿಕೊಳ್ಳಬಹುದು:

  • ನಿಮ್ಮ ಬಗ್ಗೆ ಮಾಹಿತಿ, ಅಂದರೆ ನಿಮ್ಮ ಬಳಕೆದಾರ ಹೆಸರು, ಹೆಸರು ಮತ್ತು Bitmoji.

  • ನಮ್ಮ ಸೇವೆಗಳ ಜೊತೆಗೆ ನೀವು ಹೇಗೆ ಸಂವಹನ ನಡೆಸಿದ್ದೀರಿ ಎಂಬುದರ ಕುರಿತು ಮಾಹಿತಿ ಉದಾ: ನಿಮ್ಮ Snapchat ಸ್ಕೋರ್, ನಿಮ್ಮ ಸ್ನೇಹಿತರಾಗಿರುವ Snapchatters ಹೆಸರುಗಳು ಮತ್ತು ನಮ್ಮ ಸೇವೆಗಳ ಇತರ ಬಳಕೆದಾರರೊಂದಿಗೆ ನಿಮ್ಮ ಸಂಪರ್ಕಗಳನ್ನು ಅರ್ಥಮಾಡಿಕೊಳ್ಳಲು Snapchattersಗೆ ಸಹಾಯ ಮಾಡುವ ಇತರ ಮಾಹಿತಿ. ಉದಾಹರಣೆಗೆ, ಹೊಸ ಸ್ನೇಹಿತರ ವಿನಂತಿಯು ನಿಮಗೆ ನಿಜವಾಗಿ ತಿಳಿದಿರುವ ವ್ಯಕ್ತಿಯಿಂದ ಬಂದಿದೆಯೆ ಎಂಬುದು ಸ್ಪಷ್ಟವಾಗಿಲ್ಲದ ಕಾರಣ, ನೀವು ಮತ್ತು ವಿನಂತಿಸುವವರು ಸಾಮಾನ್ಯವಾಗಿ Snapchat ಸ್ನೇಹಿತರನ್ನು ಹೊಂದಿದ್ದೀರಾ ಎಂದು ನಾವು ನಿಮಗೆ ತಿಳಿಸಬಹುದು.

  • ವೀಕ್ಷಣಾ ವಿಧಾನದಲ್ಲಿ ನೀವು ಚಾಟ್‌ಗಳು, Snapಗಳು ಮತ್ತು ಇತರೆ ವಿಷಯಗಳನ್ನು ಸ್ವೀಕರಿಸಲು ಸಹಾಯಕವಾಗುವುದಕ್ಕಾಗಿ ಕಾರ್ಯನಿರ್ವಹಣೆ ವ್ಯವಸ್ಥೆ ಮತ್ತು ಸಾಧನದ ವಿಧಗಳಂತಹ ನಿಮ್ಮ ಸಾಧನದ ಕುರಿತು ಮಾಹಿತಿ.

  • ಹಂಚಿಕೊಳ್ಳಲು ನೀವು ನಮಗೆ ನಿರ್ದೇಶಿಸಿದ ಯಾವುದೇ ಹೆಚ್ಚುವರಿ ಮಾಹಿತಿ. ಉದಾಹರಣೆಗೆ, ತೃತೀಯ-ಪಕ್ಷಕ್ಕೆ ನೀವು ನಿಮ್ಮ Snapchat ಖಾತೆಯನ್ನು ಸಂಪರ್ಕಿಸಿದಾಗ, ಮತ್ತು ಒಂದು ವೇಳೆ ನೀವು Snapchat ನಿಂದ ಮಾಹಿತಿ ಅಥವಾ ಕಂಟೆಂಟ್ ಅನ್ನು ತೃತೀಯ-ಪಕ್ಷದ ಆ್ಯಪ್‌ನೊಂದಿ ಗೆ ಹಂಚಿಕೊಂಡರೆ ಆಗ Snap ನಿಮ್ಮ ಮಾಹಿತಿಯನ್ನು ಹಂಚಿಕೊಳ್ಳುತ್ತದೆ.

  • ನೀವು ಪೋಸ್ಟ್ ಮಾಡುವ ಅಥವಾ ಕಳುಹಿಸುವ ವಿಷಯ. ನಿಮ್ಮ ವಿಷಯವನ್ನು ಎಷ್ಟು ವ್ಯಾಪಕವಾಗಿ ಹಂಚಿಕೊಳ್ಳಲಾಗಿದೆ ಎಂಬುದು ನಿಮ್ಮ ವೈಯಕ್ತಿಕ ಸೆಟ್ಟಿಂಗ್‌ಗಳು ಮತ್ತು ನೀವು ಬಳಸುತ್ತಿರುವ ಸೇವೆಯ ಪ್ರಕಾರವನ್ನು ಅವಲಂಬಿಸಿರುತ್ತದೆ. ಉದಾಹರಣೆಗೆ, ನೀವು ಆಯ್ಕೆ ಮಾಡಿದ ಸ್ನೇಹಿತರಿಗೆ ಮಾತ್ರ Snap ಕಳುಹಿಸಬಹುದು, ಆದರೆ ನಿಮ್ಮ ನನ್ನ ಸ್ಟೋರಿ ವಿಭಾಗದಲ್ಲಿರುವ ವಿಷಯ ನೋಡಲು ನೀವು ಅನುಮತಿಸುವ ಯಾವುದೇ Snapchatter ‌ಗಳಿಂದ ನಿಮ್ಮ ನನ್ನ ಕಥೆಯ ವಿಷಯವನ್ನು ನೋಡಬಹುದು.

• ಎಲ್ಲಾ Snapchatter ಗಳು, ನಮ್ಮ ವ್ಯವಹಾರ ಪಾಲುದಾರರು ಮತ್ತು ಸಾರ್ವಜನಿಕರ ಜೊತೆಗೆ. ನಾವು ಈ ಕೆಳಗಿನ ಮಾಹಿತಿಯನ್ನು ಎಲ್ಲಾ Snapchatter‌ ಗಳೊಂದಿಗೆ ಮತ್ತು ನಮ್ಮ ವ್ಯವಹಾರ ಪಾಲುದಾರರು ಮತ್ತು ಸಾರ್ವಜನಿಕರೊಂದಿಗೆ ಹಂಚಿಕೊಳ್ಳಬಹುದು:

  • ನಿಮ್ಮ ಹೆಸರು, ಬಳಕೆದಾರರ ಹೆಸರು, ಪ್ರೊಫೈಲ್ ಚಿತ್ರಗಳು, Snapcode ಮತ್ತು ಸಾರ್ವಜನಿಕ ಪ್ರೊಫೈಲ್‌ನಂಥ ಸಾರ್ವಜನಿಕ ಮಾಹಿತಿ.

  • ನಿಮ್ಮ ಹೈಲೈಟ್‌ಗಳು, ಕಸ್ಟಮ್ ಸ್ಟಿಕ್ಕರ್‌ಗಳು, ಲೆನ್ಸ್‌ಗಳು, ಎಲ್ಲರೂ ನೋಡಬಹುದಾದವು ಎಂದು ಸೆಟ್ ಮಾಡಲಾಗಿರುವ ಕಥೆ ಸಲ್ಲಿಕೆಗಳು, ಮತ್ತು ಸ್ಪಾಟ್‌ಲೈಟ್, ಅಂತರ್ಗತವಾಗಿ ಸಾರ್ವಜನಿಕ ಸೇವೆಗೆ ನೀವು ಸಲ್ಲಿಸುವ ಯಾವುದೇ ಕಂಟೆಂಟ್, Snap Map ಮತ್ತು ಇತರ ಕ್ರೌಡ್-ಸೋರ್ಸ್ ಮಾಡಿದ ಸೇವೆಗಳಂಥ ಸಾರ್ವಜನಿಕ ವಿಷಯ. ಹುಡುಕಾಟ ಫಲಿತಾಂಶಗಳ ಮೂಲಕ, ವೆಬ್‌ಸೈಟ್‌ಗಳಲ್ಲಿ, ಆ್ಯಪ್‌ಗಳಲ್ಲಿ ಮತ್ತು ಆನ್‌ಲೈನ್ ಮತ್ತು ಆಫ್‌ಲೈನ್ ಬ್ರಾಡ್‌ಕಾಸ್ಟ್‌ಗಳಲ್ಲಿ ಸೇರಿದಂತೆ, ಈ ಕಂಟೆಂಟ್ ಅನ್ನು ಸೇವೆಗಳಲ್ಲಿ ಮತ್ತು ಹೊರಗೆ ಸಾರ್ವಜನಿಕರು ನೋಡಬಹುದು, ಬಳಸಬಹುದು, ಮತ್ತು ಹಂಚಿಕೊಳ್ಳಬಹುದು.

• ನಮ್ಮ ಅಂಗಸಂಸ್ಥೆಗಳೊಂದಿಗೆ. ಕಂಪೆನಿಗಳ Snap Inc. ಕುಟುಂಬದೊಳಗಿನ ಘಟಕಗಳೊಂದಿಗೆ ನಾವು ಮಾಹಿತಿಯನ್ನು ಹಂಚಿಕೊಳ್ಳಬಹುದು.

• ಮೂರನೇ ವ್ಯಕ್ತಿಗಳೊಂದಿಗೆ. ನಾವು ಮಾಹಿತಿಯನ್ನು ಈ ಕೆಳಗಿನ ರೀತಿಯಲ್ಲಿ ಮೂರನೇ ಪಕ್ಷಕಾರರೊಂದಿಗೆ ಹಂಚಿಕೊಳ್ಳಬಹುದು:

  • ಪಾವತಿಗಳನ್ನು ಸುಗಮಗೊಳಿಸುವುದು ಮತ್ತು ಜಾಹೀರಾತುಗಳ ಕಾರ್ಯಕ್ಷಮತೆಯನ್ನು ಅಳೆಯುವುದು ಮತ್ತು ಉತ್ತಮಗೊಳಿಸುವುದು ಮತ್ತು ತೃತೀಯ-ಪಕ್ಷ ವೆಬ್‌ಸೈಟ್‌ಗಳು ಮತ್ತು ಅಪ್ಲಿಕೇಶನ್‌ಗಳು ಸೇರಿದಂತೆ ಹೆಚ್ಚು ಸಂಬಂಧಿತ ಜಾಹೀರಾತುಗಳನ್ನು ತಲುಪಿಸುವುದು ಸೇರಿದಂತೆ ನಮ್ಮ ಪರವಾಗಿ ಸೇವೆಗಳನ್ನು ನಿರ್ವಹಿಸುವ ಸೇವಾ ಪೂರೈಕೆದಾರ ರೊಂದಿಗೆ ನಿಮ್ಮ ಕುರಿತು ಮಾಹಿತಿಯನ್ನು ನಾವು ಹಂಚಿಕೊಳ್ಳಬಹುದು.

  • ನಮ್ಮ ಸೇವೆಗಳಲ್ಲಿ ಸೇವೆಗಳು ಮತ್ತು ಕಾರ್ಯವಿಧಾನಗಳನ್ನು ಒದಗಿಸುವ ವ್ಯವಹಾರ ಪಾಲುದಾರರೊಂದಿಗೆ ನಾವು ನಿಮ್ಮ ಕುರಿತ ಮಾಹಿತಿ ಹಂಚಿಕೊಳ್ಳಬಹುದು. ನಮ್ಮ ಸೇವೆಗಳಲ್ಲಿ ಮೂರನೇ ವ್ಯಕ್ತಿಗಳು ಸಂಗ್ರಹಿಸಿದ ಮಾಹಿತಿಯ ಕುರಿತು ಹೆಚ್ಚಿನ ಮಾಹಿತಿಗಾಗಿ, ನಮ್ಮ ಗ್ರಾಹಕ ಸೇವಾ ಸೈಟ್ಗೆ ಭೇಟಿ ನೀಡಿ.

  • ವಂಚನೆಯನ್ನು ತಡೆಗಟ್ಟುವುದಕ್ಕೆ ನಮಗೆ ಮತ್ತು ಇತರರಿಗೆ ನೆರವಾಗಲು, ಸಾಧನ ಮತ್ತು ಬಳಕೆ ಮಾಹಿಯಿಯಂಥ, ನಿಮ್ಮ ಕುರಿತಾದ ಮಾಹಿತಿಯನ್ನು ನಾವು ಹಂಚಿಕೊಳ್ಳಬಹುದು.

  • ಕಾನೂನು, ಸುರಕ್ಷತೆ, ಮತ್ತು ಭದ್ರತಾ ಕಾರಣಗಳಿಗಾಗಿ ನಿಮ್ಮ ಕುರಿತ ಮಾಹಿತಿಯನ್ನು ನಾವು ಹಂಚಿಕೊಳ್ಳಬಹುದು. ಮಾಹಿತಿಯನ್ನು ಬಹಿರಂಗಪಡಿಸುವುದು ಅಗತ್ಯವೆಂದು ನಾವು ಸಮಂಜಸವಾಗಿ ನಂಬಿದರೆ ನಿಮ್ಮ ಬಗ್ಗೆ ಮಾಹಿತಿಯನ್ನು ನಾವು ಹಂಚಿಕೊಳ್ಳಬಹುದು:

    • ಯಾವುದೇ ಮಾನ್ಯವಾದ ಕಾನೂನು ಪ್ರಕ್ರಿಯೆ, ಸರ್ಕಾರದ ವಿನಂತಿ ಅಥವಾ ಅನ್ವಯವಾಗುವ ಕಾನೂನು, ನಿಯಮ ಅಥವಾ ನಿಯಂತ್ರಣದ ಅನುಸರಣೆ ಮಾಡಲು.

    • ಸಂಭಾವ್ಯ ಸೇವೆಯ ನಿಯಮಗಳು ಮತ್ತು ಕಮ್ಯುನಿಟಿ ಮಾರ್ಗಸೂಚಿಗಳ ಉಲ್ಲಂಘನೆಗಳ ತನಿಖೆ, ಪರಿಹಾರೋಪಾಯ ಅಥವಾ ಕ್ರಮ ಜಾರಿ ಮಾಡಲು.

    • ನಮ್ಮ ಮತ್ತು ನಮ್ಮ ಬಳಕೆದಾರರ ಅಥವಾ ಇತರರ ಹಕ್ಕುಗಳು, ಆಸ್ತಿಯ ಸಂರಕ್ಷಣೆ ಅಥವಾ ಸುರಕ್ಷತೆಗಾಗಿ.

    • ಯಾವುದೇ ವಂಚನೆ ಅಥವಾ ಭದ್ರತಾ ಕಾಳಜಿಗಳನ್ನು ಪತ್ತೆ ಮಾಡಿ ಪರಿಹರಿಸುವುದು.

  • ವಿಲೀನ ಅಥವಾ ಸ್ವಾಧೀನದ ಭಾಗವಾಗಿ ನಾವು ನಿಮ್ಮ ಕುರಿತ ಮಾಹಿತಿಯನ್ನು ಹಂಚಿಕೊಳ್ಳಬಹುದು. Snap Inc. ವಿಲೀನ, ಆಸ್ತಿ ಮಾರಾಟ, ಹಣಕಾಸು, ದಿವಾಳಿ ಅಥವಾ ದಿವಾಳಿತನದಲ್ಲಿ ಭಾಗವಹಿಸಿದರೆ ಅಥವಾ ನಮ್ಮ ವ್ಯವಹಾರದ ಎಲ್ಲಾ ಅಥವಾ ಕೆಲ ಭಾಗವನ್ನು ಮತ್ತೊಂದು ಕಂಪನಿಗೆ ಸ್ವಾಧೀನಪಡಿಸಿಕೊಂಡರೆ, ವ್ಯವಹಾರ ಪೂರ್ಣಗೊಳ್ಳುವ ಮೊದಲು ಮತ್ತು ನಂತರ ನಾವು ನಿಮ್ಮ ಮಾಹಿತಿಯನ್ನು ಆ ಕಂಪನಿಯೊಂದಿಗೆ ಹಂಚಿಕೊಳ್ಳಬಹುದು.

• ವೈಯಕ್ತಿಕೇತರ ಮಾಹಿತಿ.  ನಾವು ನಮಗೆ ಸೇವೆ ಒದಗಿಸುವ ಅಥವಾ ನಮಗಾಗಿ ಕ್ರೋಢೀಕರಿಸಿದ ವ್ಯವಹಾರ ಉದ್ದೇಶಗಳನ್ನು ನಿರ್ವಹಿಸುವ, ವೈಯಕ್ತಿಕವಾಗಿ ಗುರುತಿಸಲಾಗದ ಅಥವಾ ಗುರುತಿನಿಂದ ಪ್ರತ್ಯೇಕಿಸಿದ ಮಾಹಿತಿಯನ್ನು ಒದಗಿಸುವ ಮೂರನೇ ಪಕ್ಷಕಾರರೊಂದಿಗೂ ಹಂಚಿಕೊಳ್ಳಬಹುದು.

ನಮ್ಮ ಸೇವೆಗಳು ಮೂರನೇ-ವ್ಯಕ್ತಿಯ ವಿಷಯ ಮತ್ತು ಏಕೀಕರಣಗಳು ಒಳಗೊಂಡಿರಬಹುದು. ಉದಾಹರಣೆಗಳಲ್ಲಿ ಕ್ಯಾಮೆರಾಗಳಲ್ಲಿನ ಮೂರನೇ-ವ್ಯಕ್ತಿಯ ಏಕೀಕರಣಗಳು, ಚಾಟ್‌ನಲ್ಲಿನ ಮೂರನೇ-ವ್ಯಕ್ತಿಯ ಗೇಮ್‌ಗಳು ಮತ್ತು ಮೂರನೇ-ವ್ಯಕ್ತಿಯ Snap ಕಿಟ್ ಏಕೀಕರಣಗಳು ಸೇರಿವೆ. ಈ ಏಕೀಕರಣಗಳ ಮೂಲಕ, ನೀವು ಮೂರನೇ ವ್ಯಕ್ತಿಗೆ ಹಾಗೂ Snap ಗೆ ಮಾಹಿತಿಯನ್ನು ಒದಗಿಸುತ್ತಿರಬಹುದು. ನಿಮ್ಮ ಮಾಹಿತಿಯನ್ನು ಆ ತೃತೀಯ ಪಕ್ಷಗಳು ಹೇಗೆ ಸಂಗ್ರಹಿಸುತ್ತವೆ ಅಥವಾ ಬಳಸುತ್ತವೆ ಎನ್ನುವುದಕ್ಕೆ ನಾವು ಜವಾಬ್ದಾರರಲ್ಲ. ಯಾವಾಗಲೂ, ನಮ್ಮ ಸೇವೆಗಳ ಮೂಲಕ ನೀವು ಸಂವಹನ ನಡೆಸುವ ಮೂರನೇ ವ್ಯಕ್ತಿಗಳನ್ನು ಒಳಗೊಂಡಂತೆ ನೀವು ಭೇಟಿ ನೀಡುವ ಅಥವಾ ಬಳಸುವ ಪ್ರತಿ ಮೂರನೇ ವ್ಯಕ್ತಿಯ ಸೇವೆಯ ಗೌಪ್ಯತೆ ನೀತಿಗಳನ್ನು ಪರಿಶೀಲಿಸಲು ನಾವು ನಿಮ್ಮನ್ನು ಪ್ರೋತ್ಸಾಹಿಸುತ್ತೇವೆ. Snapchat ನಲ್ಲಿ ಮೂರನೇ-ಪಕ್ಷಕಾರ ಸೇವೆಗಳ ಕುರಿತು ನೀವು ಇನ್ನಷ್ಟನ್ನು ಇಲ್ಲಿ ತಿಳಿದುಕೊಳ್ಳಬಹುದು.

ಪ್ರಸ್ತುತ ಜೀವನದ ಪ್ರತಿ ಕ್ಷಣವನ್ನು ಸೆರೆಹಿಡಿಯಲು Snapchat ನಿಮಗೆ ಅನುಮತಿಸುತ್ತದೆ. ನಮ್ಮ ಕಡೆಯಿಂದ, ಅಂದರೆ Snapchat ನಲ್ಲಿ ಕಳುಹಿಸಲಾದ — Snap ಗಳು ಮತ್ತು ಚಾಟ್‌ಗಳಂತಹ — ಬಹುತೇಕ ಸಂದೇಶಗಳನ್ನು ಅವುಗಳನ್ನು ಎಲ್ಲಾ ಸ್ವೀಕೃತಿದಾರರಿಂದ ತೆರೆಯಲ್ಪಟ್ಟಿವೆ ಅಥವಾ ಕಾಲಗತಿಸಿವೆ ಎಂಬುದನ್ನು ನಾವು ಕಂಡುಕೊಂಡ ನಂತರ ನಮ್ಮ ಸರ್ವರ್‌ಗಳಿಂದ ಡೀಫಾಲ್ಟ್ ಆಗಿ ಸ್ವಯಂಚಾಲಿತವಾಗಿ ಅಳಿಸಿಹಾಕಲ್ಪಡುತ್ತವೆ. ಸ್ಟೋರಿ ಪೋಸ್ಟ್‌ಗಳಂತಹ ಇತರ ವಿಷಯವನ್ನು ಹೆಚ್ಚು ಕಾಲ ಸಂಗ್ರಹಿಸಲಾಗುತ್ತದೆ. ನಾವು ವಿವಿಧ ರೀತಿಯ ವಿಷಯವನ್ನು ಎಷ್ಟು ಸಮಯದವರೆಗೆ ಸಂಗ್ರಹಿಸುತ್ತೇವೆ ಎಂಬುದರ ಕುರಿತು ವಿವರವಾದ ಮಾಹಿತಿಗಾಗಿ, ದಯವಿಟ್ಟು ನಮ್ಮ ಗ್ರಾಹಕ ಸೇವಾ ಸೈಟ್‌ಗೆ ಭೇಟಿ ನೀಡಿ.

ನಾವು ಇತರ ಮಾಹಿತಿಯನ್ನು ಹೆಚ್ಚಿನ ಸಮಯದವರೆಗೆ ಸಂಗ್ರಹಿಸುತ್ತೇವೆ. ಉದಾಹರಣೆಗೆ:

• ನೀವು ನೀವು ಅವುಗಳನ್ನು ಅಳಿಸಬೇಕೆಂದು ಕೇಳುವವರೆಗೆ ನಿಮ್ಮ ಹೆಸರು, ಫೋನ್ ನಂಬರ್ ಇಮೇಲ್ ವಿಳಾಸ ಮತ್ತು — ಸ್ನೇಹಿತರ ಪಟ್ಟಿಯಂತಹ — ಮೂಲಭೂತ ಖಾತೆಯ ಮಾಹಿತಿಯನ್ನು ಶೇಖರಿಸುತ್ತೇವೆ.

• ಸ್ಥಳ ಮಾಹಿತಿ ಎಷ್ಟು ನಿಖರವಾಗಿದೆ ಮತ್ತು ನೀವು ಯಾವ ಸೇವೆಗಳನ್ನು ಬಳಸುತ್ತೀರಿ ಎಂಬುದರ ಆಧಾರದ ಮೇಲೆ ಅದನ್ನು ನಾವು ವಿವಿಧ ಸಮಯದವರೆಗೆ ಸಂಗ್ರಹಿಸಿ ಇರಿಸುತ್ತೇವೆ. ಒಂದುವೇಳೆ ಸ್ಥಳ ಮಾಹಿತಿಯು Snap ನೊಂದಿಗೆ ಸಹಭಾಗಿಯಾಗಿದ್ದರೆ — ಅವುಗಳು ಮೆಮೊರಿಗಳಲ್ಲಿ ಸೇವ್ ಆಗಿದ್ದರೆ ಅಥವಾ Snap Map ಅಥವಾ Spotlight ನಲ್ಲಿ ಪೋಸ್ಟ್ ಮಾಡಲ್ಪಟ್ಟಿದ್ದರೆ — ನಾವು Snap ಅನ್ನು ಶೇಖರಿಸಿಟ್ಟಿರುವವರೆಗೆ ಆ ಸ್ಥಳವನ್ನು ನಾವು ಉಳಿಸಿಕೊಳ್ಳುತ್ತೇವೆ. ವೃತ್ತಿಪರ ಸಲಹೆ: ನಿಮ್ಮ ಡೇಟಾವನ್ನು ಡೌನ್‌ಲೋಡ್ ಮಾಡುವ ಮೂಲಕ ನಿಮ್ಮ ಕುರಿತು ನಾವು ಉಳಿಸಿಕೊಂಡಿರುವ ಸ್ಥಳ ಡೇಟಾವನ್ನು ನೀವು ನೋಡಬಹುದು.

ನೀವು ಎಂದಾದರೂ Snapchat ಬಳಸುವುದನ್ನು ನಿಲ್ಲಿಸಲು ನಿರ್ಧರಿಸಿದರೆ, ನಿಮ್ಮ ಖಾತೆಯನ್ನು ಅಳಿಸಲು ನಮ್ಮನ್ನು ನೀವು ಕೇಳಬಹುದು. ನೀವು ಒಂದಿಷ್ಟು ಸಮಯ ನಿಷ್ಕ್ರಿಯರಾಗಿದ್ದ ಬಳಿಕ ಕೂಡ ನಿಮ್ಮ ಕುರಿತು ಸಂಗ್ರಹಿಸಿದ ಬಹುತೇಕ ಮಾಹಿತಿಯನ್ನು ನಾವು ಅಳಿಸುತ್ತೇವೆ!

ನಮ್ಮ ಅಳಿಸುವಿಕೆಯ ಅಭ್ಯಾಸಗಳನ್ನು ಸ್ವಯಂಚಾಲಿತವಾಗಿ ನಿರ್ವಹಿಸಲು ನಮ್ಮ ಸಿಸ್ಟಮ್‌ಗಳನ್ನು ವಿನ್ಯಾಸಗೊಳಿಸಲಾಗಿದ್ದರೂ, ಅಳಿಸುವಿಕೆಯು ಒಂದು ನಿರ್ದಿಷ್ಟ ಸಮಯದೊಳಗೆ ಸಂಭವಿಸುತ್ತದೆ ಎಂದು ನಾವು ಭರವಸೆ ನೀಡಲಾಗುವುದಿಲ್ಲ ಎಂಬುದನ್ನು ನೆನಪಿನಲ್ಲಿಡಿ. ನಿಮ್ಮ ಡೇಟಾವನ್ನು ಸಂಗ್ರಹಿಸಿ ಇಡಬೇಕಾದ ಕಾನೂನು ಅಗತ್ಯತೆಗಳಿರಬಹುದು ಮತ್ತು ಒಂದು ವೇಳೆ ವಿಷಯ ಉಳಿಸುವಂತೆ ಮಾನ್ಯ ಕಾನೂನು ಪ್ರಕ್ರಿಯೆಯಿಂದ ವಿನಂತಿ ಸ್ವೀಕರಿಸಿದರೆ, ದುರ್ಬಳಕೆ ಅಥವಾ ಇತರ ಸೇವೆಯ ನಿಯಮಗಳ ಉಲ್ಲಂಘನೆಯ ವರದಿಗಳನ್ನು ಸ್ವೀಕರಿಸಿದರೆ, ಅಥವಾ ನಿಮ್ಮ ಖಾತೆ ಅಥವಾ ನೀವು ಸೃಷ್ಟಿಸಿದ ಕಂಟೆಂಟ್ ಅನ್ನು ದುರ್ಬಳಕೆ ಅಥವಾ ಇತರ ಸೇವೆಯ ನಿಯಮಗಳ ಉಲ್ಲಂಘನೆಗಾಗಿ ಇತರರು ಅಥವಾ ನಮ್ಮ ಸಿಸ್ಟಂಗಳು ವರದಿ ಮಾಡಿದರೆ, ಆ ಅಳಿಸುವಿಕೆ ಅಭ್ಯಾಸಗಳನ್ನು ನಾವು ಅಮಾನತು ಮಾಡಬೇಕಾಗಬಹುದು. ಅಂತಿಮವಾಗಿ, ನಾವು ಕೆಲವು ಮಾಹಿತಿಯನ್ನು ಬ್ಯಾಕ್ಅಪ್‌ನಲ್ಲಿ ಸೀಮಿತ ಅವಧಿಗೆ ಅಥವಾ ಕಾನೂನಿನ ಅಗತ್ಯಕ್ಕೆ ಅನುಸಾರವಾಗಿಯೂ ಉಳಿಸಿಕೊಳ್ಳಬಹುದು.

ನಿಮ್ಮ ಮಾಹಿತಿಯ ನಿಯಂತ್ರಣವನ್ನು ನೀವು ಹೊಂದಬೇಕೆಂದು ನಾವು ಬಯಸುತ್ತೇವೆ, ಆದ್ದರಿಂದ ನಾವು ನಿಮಗೆ ಈ ಕೆಳಗಿನ ಪರಿಕರಗಳನ್ನು ಒದಗಿಸುತ್ತೇವೆ.

• ಪ್ರವೇಶ, ತಿದ್ದುಪಡಿ ಮತ್ತು ಪೋರ್ಟೆಬಿಲಿಟಿ. ನಿಮ್ಮ ಹೆಚ್ಚಿನ ಮೂಲಭೂತ ಮಾಹಿತಿಯನ್ನು ನೀವು ನಮ್ಮ ಅಪ್ಲಿಕೇಶನ್‌ಗಳಲ್ಲಿಯೇ ಪ್ರವೇಶಿಸಬಹುದು ಮತ್ತು ಸಂಪಾದಿಸಬಹುದು. ಪೋರ್ಟಬಲ್ ಸ್ವರೂಪದಲ್ಲಿ ನಮ್ಮ ಅಪ್ಲಿಕೇಶನ್‌ಗಳಲ್ಲಿ ಲಭ್ಯವಿಲ್ಲದ ಮಾಹಿತಿಯ ನಕಲನ್ನು ಪಡೆಯಲು ನೀವು ನನ್ನ ಡೇಟಾವನ್ನು ಡೌನ್‌ಲೋಡ್ ಮಾಡಿ ಅನ್ನು ಸಹ ಬಳಸಬಹುದು, ಆದ್ದರಿಂದ ನೀವು ಅದನ್ನು ಸರಿಸಲು ಅಥವಾ ನಿಮಗೆ ಬೇಕಾದಲ್ಲೆಲ್ಲಾ ಸಂಗ್ರಹಿಸಬಹುದು. ಏಕೆಂದರೆ ನಿಮ್ಮ ಖಾಸಗಿತನವು ನಮಗೆ ಮುಖ್ಯ, ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ಪ್ರವೇಶಿಸಲು ಅಥವಾ ನವೀಕರಿಸಲು ನಾವು ಅನುಮತಿಸುವ ಮೊದಲು ನಿಮ್ಮ ಗುರುತನ್ನು ಪರಿಶೀಲಿಸಲು ಅಥವಾ ಹೆಚ್ಚುವರಿ ಮಾಹಿತಿಯನ್ನು ಒದಗಿಸಲು ನಾವು ನಿಮ್ಮನ್ನು ಕೇಳಬಹುದು. ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ವಿವಿಧ ಕಾರಣಗಳಿಗಾಗಿ ಪ್ರವೇಶಿಸಲು ಅಥವಾ ನವೀಕರಿಸಲು ನಿಮ್ಮ ವಿನಂತಿಯನ್ನು ನಾವು ನಿರಾಕರಿಸಬಹುದು, ಉದಾಹರಣೆಗೆ, ವಿನಂತಿಯು ಇತರ ಬಳಕೆದಾರರ ಗೌಪ್ಯತೆಗೆ ಅಪಾಯವನ್ನುಂಟುಮಾಡುತ್ತದೆ ಅಥವಾ ಕಾನೂನುಬಾಹಿರವಾಗಿದೆ.

• ಅನುಮತಿಗಳನ್ನು ಹಿಂಪಡೆಯುವುದು. ಬಹುತೇಕ ಪ್ರಕರಣಗಳಲ್ಲಿ, ನೀವು ನಿಮ್ಮ ಮಾಹಿತಿಯನ್ನು ಬಳಸಲು ನಮಗೆ ಅವಕಾಶ ನೀಡಿದ್ದರೆ, ಆ್ಯಪ್‌ನಲ್ಲಿ ಅಥವಾ ನಿಮ್ಮ ಸಾಧನ ಆ ಆಯ್ಕೆಗಳನ್ನು ಒದಗಿಸುತ್ತಿದ್ದರೆ ನಿಮ್ಮ ಸಾಧನದಲ್ಲಿ ಸೆಟ್ಟಿಂಗ್‌ಗಳನ್ನು ಬದಲಾಯಿಸುವ ಮೂಲಕ ನೀವು ನಿಮ್ಮ ಅನುಮತಿಯನ್ನು ಹಿಂಪಡೆಯಬಹುದು. ಸಹಜವಾಗಿ, ನೀವು ಅದನ್ನು ಮಾಡಿದರೆ, ಕೆಲವು ಸೇವೆಗಳು ಸಂಪೂರ್ಣ ಕಾರ್ಯವನ್ನು ಕಳೆದುಕೊಳ್ಳಬಹುದು.

• ಅಳಿಸುವಿಕೆ. ನೀವು ಜೀವನಕ್ಕಾಗಿ Snapchatter ಆಗಿ ಉಳಿಯುತ್ತೀರಿ ಎಂದು ನಾವು ಭಾವಿಸುತ್ತೇವೆ. ಆದಾಗ್ಯೂ, ಯಾವುದೇ ಕಾರಣಕ್ಕಾಗಿ ನಿಮ್ಮ ಖಾತೆಯನ್ನು ಅಳಿಸಲು ನೀವು ಬಯಸಿದರೆ, ಹೇಗೆ ಎಂಬ ಮಾಹಿತಿ ಇಲ್ಲಿದೆ. ನೀವು ನೆನಪುಗಳಿಗೆ ಉಳಿಸಿದ ಫೋಟೋಗಳು, ಸ್ಪಾಟ್‌ಲೈಟ್ ಸಲ್ಲಿಕೆಗಳು ಮತ್ತು ಹುಡುಕಾಟ ಇತಿಹಾಸದಂಥ ಆ್ಯಪ್‌ನಲ್ಲಿನ ಕೆಲವು ಮಾಹಿತಿಯನ್ನು ಕೂಡ ನೀವು ಅಳಿಸಬಹುದು.

• ಜಾಹೀರಾತು ಆದ್ಯತೆಗಳು. ನಿಮ್ಮ ಆಸಕ್ತಿಗಳಿಗೆ ಸಂಬಂಧಿಸಿದೆ ಎಂದು ನಾವು ಭಾವಿಸುವ ಜಾಹೀರಾತುಗಳನ್ನು ನಿಮಗೆ ತೋರಿಸಲು ನಾವು ಪ್ರಯತ್ನಿಸುತ್ತೇವೆ. ಈ ಜಾಹೀರಾತುಗಳನ್ನು ಆಯ್ಕೆ ಮಾಡಲು ನಾವು ಮತ್ತು ನಮ್ಮ ಜಾಹೀರಾತು ಪಾಲದಾರರು ಬಳಸುವ ಮಾಹಿತಿಯನ್ನು ಒಂದು ವೇಳೆ ನೀವು ಮಾರ್ಪಾಡು ಮಾಡಲು ಬಯಸಿದರೆ, ನೀವು ಆ್ಯಪ್‌ನಲ್ಲಿ ಮತ್ತು ನಿಮ್ಮ ಸಾಧನದ ಆದ್ಯತೆಗಳ ಮೂಲಕ ಹಾಗೆ ಮಾಡಬಹುದು. ಇನ್ನಷ್ಟು ತಿಳಿಯಲು ಇಲ್ಲಿಗೆ ಹೋಗಿ.

• ಟ್ರ್ಯಾಕ್ ಮಾಡುವುದು. ಒಂದುವೇಳೆ ನೀವು iOS 14.5 ಅಥವಾ ಹೆಚ್ಚು ಇತ್ತೀಚಿನ ಆವೃತ್ತಿಗಳೊಂದಿಗೆ ಚಾಲನೆಯಾಗಿರುತ್ತವ ಸಾಧನಗಳ ಟ್ರ್ಯಾಂಕಿಂಗ್ ಆಯ್ದುಕೊಂಡರೆ, ನಾವು ನಿಮ್ಮ ಸಾಧನವನ್ನು ಹೊರತುಪಡಿಸಿ, ಜಾಹೀರಾತು ಉದ್ದೇಶಕ್ಕಾಗಿ Snapchat ನಿಂದ ಗುರುತಿಸಬಹುದಾದ ಮಾಹಿತಿಯೊಂದಿಗೆ ಮೂರನೇ ಪಕ್ಷಕಾರರ ಆಪ್‌ಗಳು ಮತ್ತು ವೆಬ್‌ಸೈಟ್‌ಗಳಿಂದ ಗುರುತಿಸಬಹುದಾದ ಮಾಹಿತಿಯನ್ನು ಲಿಂಕ್ ಮಾಡುವುದಿಲ್ಲ. ನೀವು Snapchat ಜಾಹೀರಾತು ಆದ್ಯತೆಗಳ ಸೆಟ್ಟಿಂಗ್‌ಗಳಲ್ಲಿ ಚಟುವಟಿಕೆ-ಆಧಾರಿತ ಜಾಹೀರಾತನ್ನು ಆಯ್ದುಕೊಳ್ಳುವ ಮೂಲಕ ಜಾಹೀರಾತಿಗೆ ಈ ಆನ್-ಡಿವೈಸ್ ಡೇಟಾ ಬಳಕೆಯನ್ನು ನಿಯಂತ್ರಿಸ್ಬಹುದು. ಇನ್ನಷ್ಟು ತಿಳಿಯಲು ಇಲ್ಲಿಗೆ ಹೋಗಿ.

• ಇತರ Snapchatterಗಳ ಜೊತೆಗೆ ಸಂವಹನ. ನೀವು ಯಾರೊಂದಿಗೆ ಸಂವಹನ ನಡೆಸುತ್ತೀರಿ ಎಂಬುದರ ಮೇಲೆ ನೀವು ನಿಯಂತ್ರಣದಲ್ಲಿರುವುದು ನಮಗೆ ಮುಖ್ಯವಾಗಿದೆ. ಅದಕ್ಕಾಗಿಯೇ ನಾವು ಸೆಟ್ಟಿಂಗ್‌ಗಳಲ್ಲಿ ಹಲವಾರು ಪರಿಕರಗಳನ್ನು ನಿರ್ಮಿಸಿದ್ದೇವೆ, ಇತರ ವಿಷಯಗಳ ಜೊತೆಗೆ, ನಿಮ್ಮ ಕಥೆಗಳನ್ನು ಯಾರು ನೋಡಲು ಬಯಸುತ್ತೀರಿ, ನಿಮ್ಮ ಸ್ನೇಹಿತರಿಂದ ಅಥವಾ ಎಲ್ಲಾ ಸ್ನ್ಯಾಪ್‌ಚ್ಯಾಟರ್‌ಗಳಿಂದ ನೀವು ಸ್ನ್ಯಾಪ್‌ಗಳನ್ನು ಸ್ವೀಕರಿಸಲು ಬಯಸುತ್ತೀರಾ ಮತ್ತು ನೀವು ಬಯಸುತ್ತೀರಾ ಎಂದು ಸೂಚಿಸಲು ನಿಮಗೆ ಅವಕಾಶ ನೀಡುತ್ತದೆ. ಮತ್ತೊಂದು ಸ್ನ್ಯಾಪ್‌ಚಾಟರ್ ನಿಮ್ಮನ್ನು ಮತ್ತೆ ಸಂಪರ್ಕಿಸದಂತೆ ನಿರ್ಬಂಧಿಸಲು ಇಷ್ಟ. ಇನ್ನಷ್ಟು ತಿಳಿಯಲು ಇಲ್ಲಿಗೆ ಹೋಗಿ.

ಯುನೈಟೆಡ್ ಸ್ಟೇಟ್ಸ್ ಮತ್ತು ನೀವು ವಾಸಿಸುವ ಸ್ಥಳದಿಂದ ಹೊರಗೆ ಇತರ ದೇಶಗಳಿಂದ ನಿಮ್ಮ ವೈಯಕಿಕ್ತ ಮಾಹಿತಿಯನ್ನು ನಾವು ಸಂಗ್ರಹಿಸಬಹುದು, ವರ್ಗಾಯಿಸಬಹುದು ಮತ್ತು ಶೇಖರಿಸಬಹುದು ಮತ್ತು ಪ್ರಕ್ರಿಯೆಗೊಳಿಸಬಹುದು. ನೀವು ವಾಸಿಸುತ್ತಿರುವ ಸ್ಥಳದಿಂದ ಹೊರಗೆ ನಾವು ಮಾಹಿತಿಯನ್ನು ಹಂಚಿಕೊಂಡಾಗಲೆಲ್ಲ, ನಾವು ಹಾಗೆ ಮಾಡುವ ಕಾನೂನು ಅಗತ್ಯವಿರುವಾಗ, ಸೂಕ್ತ ವರ್ಗಾವಣೆ ಕಾರ್ಯವಿಧಾನ ಜಾರಿಯಲ್ಲಿದೆ ಎನ್ನುವುದನ್ನು ನಾವು ಖಚಿತಪಡಿಸಿಕೊಳ್ಳುತ್ತೇವೆ. ನಾವು ಮಾಹಿತಿ ಹಂಚಿಕೊಳ್ಳುವ ಯಾವುದೇ ತೃತೀಯ ಪಕ್ಷಗಳೂ ಸಹ ಸೂಕ್ತ ವರ್ಗಾವಣೆ ಕಾರ್ಯವಿಧಾನಗಳನ್ನು ಹೊಂದಿವೆ ಎನ್ನುವುದನ್ನೂ ಕೂಡ ನಾವು ಖಚಿತಪಡಿಸಿಕೊಳ್ಳುತ್ತೇವೆ. ನಾವು ಮಾಹಿತಿಯನ್ನು ಹಂಚಿಕೊಳ್ಳುವ ಮೂರನೇ ವ್ಯಕ್ತಿಗಳ ವರ್ಗಗಳ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ನೀವು ಇಲ್ಲಿ ಕಾಣಬಹುದು.

ನಿಮ್ಮ ರಾಜ್ಯ ಅಥವಾ ಪ್ರದೇಶದಲ್ಲಿ ನೀವು ನಿರ್ದಿಷ್ಟ ಗೌಪ್ಯತೆ ಹಕ್ಕುಗಳನ್ನು ಹೊಂದಿರಬಹುದು. ಉದಾಹರಣೆಗೆ, ಯುನೈಟೆಡ್ ಸ್ಟೇಟ್ಸ್‌ನಲ್ಲಿ, ಕ್ಯಾಲಿಫೋರ್ನಿಯಾ ಮತ್ತು ಇತರ ರಾಜ್ಯಗಳ ನಿವಾಸಿಗಳು ನಿರ್ದಿಷ್ಟ ಗೌಪ್ಯತೆ ಹಕ್ಕುಗಳನ್ನು ಹೊಂದಿದ್ದಾರೆ. ಯುರೋಪಿಯನ್ ಆರ್ಥಿಕ ಪ್ರದೇಶ (EEA), UK, ಬ್ರೆಜಿಲ್, ರಿಪಬ್ಲಿಕ್ ಆಫ್ ಕೊರಿಯಾ, ಮತ್ತು ಇತರ ಕಾನೂನುವ್ಯಾಪ್ತಿಗಳ Snapchatter ಗಳೂ ಕೂಡ ನಿರ್ದಿಷ್ಟ ಹಕ್ಕುಗಳನ್ನು ಹೊಂದಿದ್ದಾರೆ. ನಾವು ರಾಜ್ಯ ಮತ್ತು ಪ್ರದೇಶದ ನಿರ್ದಿಷ್ಟ ಬಹಿರಂಗಪಡಿಸುವಿಕೆಯ ಅಪ್-ಟು-ಡೇಟ್ ಅವಲೋಕನವನ್ನು ಇಲ್ಲಿ ಇಟ್ಟುಕೊಳ್ಳುತ್ತೇವೆ.

ನಮ್ಮ ಸೇವೆಗಳು — ಉದ್ದೇಶಿತವಾಗಿಲ್ಲ ಮತ್ತು 13 ಕ್ಕಿಂತ ಕಡಿಮೆ ವಯಸ್ಸಿನ ಯಾರೊಬ್ಬರಿಗೂ — ನಾವು ಅವುಗಳನ್ನು ನಿರ್ದೇಶಿಸುವುದಿಲ್ಲ ಮತ್ತು ಅದಕ್ಕಾಗಿಯೇ ನಾವು 13 ಕ್ಕಿಂತ ಕಡಿಮೆ ವಯಸ್ಸಿನ ಯಾರೊಬ್ಬರಿಂದಲೂ ಗೊತ್ತಿದ್ದೂ ವೈಯಕ್ತಿಕ ಮಾಹಿತಿಯನ್ನು ಹೆಚ್ಚುವರಿಯಾಗಿ ಸಂಗ್ರಹಿಸುವುದಿಲ್ಲ. ನಾವು 13 ಮತ್ತು 16 ವರ್ಷದ ನಡುವಿನ ಇಇಎ ಮತ್ತು ಯುಕೆ ಬಳಕೆದಾರರ ಕೆಲವು ಮಾಹಿತಿಯನ್ನು ಸಂಗ್ರಹಿಸುವುದು, ಬಳಸುವುದು ಮತ್ತು ಶೇಖರಿಸುವುದು ಹೇಗೆ ಎಂಬಷ್ಟಕ್ಕೆ ಸೀಮಿತವಾಗಬಹುದು. ಕೆಲವು ಪ್ರಕರಣಗಳಲ್ಲಿ, ಈ ಬಳಕೆದಾರರಿಗೆ ನಿರ್ದಿಷ್ಟವಾದ ಕೆಲಸ ಒದಗಿಸಲು ನಾವು ಸಾಧ್ಯವಾಗುವುದಿಲ್ಲ. ನಿಮ್ಮ ಮಾಹಿತಿಯನ್ನು ಪ್ರಕ್ರಿಯೆಗೊಳಿಸಲು ನಾವು ಕಾನೂನಿನ ಆಧಾರವಾಗಿ ಒಪ್ಪಿಗೆಯನ್ನು ಅವಲಂಬಿಸಬೇಕಾದ ಅಗತ್ಯತೆಯಿದ್ದರೆ ಮತ್ತು ನಿಮ್ಮ ದೇಶವು ಪೋಷಕರ ಒಪ್ಪಿಗೆ ಅಗತ್ಯಪಡಿಸಿದರೆ, ನಾವು ಆ ಮಾಹಿತಿಯನ್ನು ಸಂಗ್ರಹಿಸುವ ಮತ್ತು ಬಳಸುವ ಮೊದಲು ನಮಗೆ ನಿಮ್ಮ ಪೋಷಕರ ಒಪ್ಪಿಗೆ ಅಗತ್ಯವಿರಬಹುದು.

ನಾವು ಈ ಗೌಪ್ಯತೆ ನೀತಿಯನ್ನು ಕಾಲಕಾಲಕ್ಕೆ ಬದಲಾಯಿಸಬಹುದು. ಆದರೆ ನಾವು ಹಾಗೆ ಮಾಡಿದಾಗ, ನಾವು ನಿಮಗೆ ಯಾವುದಾದರೂ ರೀತಿಯಲ್ಲಿ ತಿಳಿಸುತ್ತೇವೆ. ಕೆಲವೊಮ್ಮೆ, ನಮ್ಮ ವೆಬ್‌ಸೈಟ್ ಮತ್ತು ಮೊಬೈಲ್ ಅಪ್ಲಿಕೇಶನ್‌ನಲ್ಲಿ ಲಭ್ಯವಿರುವ ಗೌಪ್ಯತೆ ನೀತಿಯ ಮೇಲ್ಭಾಗದಲ್ಲಿರುವ ದಿನಾಂಕವನ್ನು ಪರಿಷ್ಕರಿಸುವ ಮೂಲಕ ನಾವು ನಿಮಗೆ ತಿಳಿಸುತ್ತೇವೆ. ಇತರ ಸಮಯಗಳಲ್ಲಿ, ನಾವು ನಿಮಗೆ ಹೆಚ್ಚುವರಿ ನೋಟಿಫಿಕೇಶನ್‌ಗಳನ್ನು ಒದಗಿಸಬಹುದು (ನಮ್ಮ ವೆಬ್‌ಸೈಟ್‌ನ ಮುಖಪುಟದಲ್ಲಿ ಹೇಳಿಕೆಯನ್ನು ಸೇರಿಸುವುದು ಅಥವಾ ಅಪ್ಲಿಕೇಶನ್‌ನಲ್ಲಿನ ನೋಟಿಫಿಕೇಶನ್‌ ಅನ್ನು ನಿಮಗೆ ಒದಗಿಸುವಂತಹ).