Snap Inc. ஒரு கேமரா நிறுவனம். Snapchat, Bitmoji, Spectacles, விளம்பரம் மற்றும் இந்தத் தனியுரிமைக் கொள்கையுடன் தொடர்புடைய மற்றயவை உள்ளிட்ட எங்கள் தயாரிப்புகளும் சேவைகளும்—உங்களை வெளிப்படுத்தவும், கணத்தில் வாழவும், உலகைப் பற்றி அறியவும், ஒன்றாக மகிழ்ந்திருக்கவும் விரைவான வேடிக்கையான வழிகளை வழங்குகின்றன!

இந்தச் சேவைகளைப் பயன்படுத்தும்போது, நீங்கள் சில தகவல்களை எங்களுடன் பகிர்ந்து கொள்வீர்கள். எனவே, நாங்கள் சேகரிக்கும் தகவல்கள், அவற்றை எவ்வாறு பயன்படுத்துகிறோம், யாருடன் பகிர்ந்து கொள்கிறோம், மேலும் உங்கள் தகவல்களை அணுக, புதுப்பிக்க, நீக்குவதற்காக நாங்கள் உங்களுக்கு வழங்கும் கட்டுப்பாடுகள் ஆகியவை குறித்து முன்பே தெரிவிக்க விரும்புகிறோம்.

அதனால்தான் இந்தத் தனியுரிமைக் கொள்கையை எழுதியுள்ளோம். மேலும், இந்த ஆவணங்களில் வழக்கமாக இருக்கும் சட்டப்பூர்வக் குழப்பங்கள் எதுவுமின்றி மகிழ்ச்சிகரமானதாக இருக்கும் வகையில் இதை உருவாக்க முயற்சித்துள்ளோம். எங்கள் தனியுரிமைக் கொள்கையில் உள்ள எதைப் பற்றியேனும் உங்களுக்குக் கேள்விகள் இருந்தால், எங்களைத் தொடர்பு கொள்க.

நீங்கள் எங்கள் முழுத் தனியுரிமைக் கொள்கையையும் படிக்க வேண்டும், ஆனால் உங்களிடம் குறைவான நேரம் மட்டுமே இருந்தால் அல்லது சிலவற்றைப் பின்னர் நினைவுபடுத்திக்கொள்ள விரும்பினால், நீங்கள் இந்தச் சுருக்கத்தை எப்போதும் பார்க்கலாம் - இதன் மூலம் சில நிமிடங்களில் சில அடிப்படைகளை மீளாய்வு செய்ய முடியும்.

நாங்கள் சேகரிக்கும் தகவல்களில் மூன்று அடிப்படை பிரிவுகள் உள்ளன:

• நீங்கள் வழங்கும் தகவல்கள்.

• நீங்கள் எங்கள் சேவைகளைப் பயன்படுத்தும்போது நாங்கள் பெறும் தகவல்கள்.

• மூன்றாம் தரப்பினர்களிடமிருந்து நாங்கள் பெறும் தகவல்கள்.

இந்த வகைகள் ஒவ்வொன்றைக் குறித்த சற்று கூடுதல் விவரம் இங்கே உள்ளது.

நீங்கள் எங்கள் சேவைகளுடன் ஊடாடும்போது, நீங்கள் எங்களுக்கு வழங்கும் தகவல்களை நாங்கள் சேகரிக்கிறோம். எடுத்துக்காட்டாக எங்கள் பெரும்பாலான சேவைகளுக்கு நீங்கள் Snapchat கணக்கை அமைக்க வேண்டியுள்ளது, எனவே உங்கள் பெயர், பயனர்பெயர், கடவுச்சொல், மின்னஞ்சல் முகவரி, தொலைபேசி எண், பிறந்ததேதி போன்ற உங்களைப் பற்றிய சில முக்கிய விவரங்களை நாங்கள் சேகரிக்க வேண்டும். தகவல் பக்கப் படம் அல்லது Bitmoji அவதார் போன்ற எங்கள் சேவைகளில் பொதுவில் தெரியும் சில கூடுதல் தகவல்களையும் எங்களுக்கு வழங்கும்படி நாங்கள் உங்களிடம் கேட்கலாம். வணிகத் தயாரிப்புகள் போன்ற பிற சேவைகளுக்கு, நீங்கள் உங்களது பற்று அல்லது கடன் அட்டை எண் மற்றும் அதனுடன் தொடர்புடைய கணக்கு விவரத் தகவல்களை எங்களுக்கு வழங்க வேண்டியிருக்கலாம்.

மேலும் எங்கள் சேவைகள் மூலம் நீங்கள் அனுப்பும் Snapகள் அரட்டைகள் போன்ற எந்தத் தகவல்களையும் எங்களுக்கும் நீங்கள் வழங்குவீர்கள். உங்கள் Snapகள், அரட்டைகள் மற்றும் பிற எந்த உள்ளடக்கத்தைப் பார்க்கும் பயனர்களால் அந்த உள்ளடக்கத்தை சேமிக்க அல்லது செயலிக்கு வெளியே நகலெடுக்க எப்போதும் முடியும் என்பதை நினைவில் கொள்ளுங்கள். எனவே இணையத்திற்குப் பொருந்தும் அதே பொது அறிவு Snapchat இற்கும் பொருந்தும்: வேறொருவர் சேமிப்பதையோ பகிர்வதையோ நீங்கள் விரும்பாத உள்ளடக்கத்தைச் செய்திகளில் அனுப்பவோ பகிரவோ வேண்டாம்.

நீங்கள் வாடிக்கையாளர் சேவையைத் தொடர்புகொள்ளும்போது அல்லது வேறு ஏதேனும் வழியில் எங்களைத் தொடர்புகொள்ளும்போது, நீங்களாக அளிக்கும் அல்லது உங்கள் கேள்வியைத் தீர்க்க எங்களுக்குத் தேவைப்படும் எந்தத் தகவலையும் சேகரிப்போம்.

நீங்கள் எங்கள் சேவைகளைப் பயன்படுத்தும்போது, நீங்கள் எந்தச் சேவைகளைப் பயன்படுத்தினீர்கள், அவற்றை எப்படிப் பயன்படுத்தினீர்கள் என்பது பற்றிய தகவல்களை நாங்கள் சேகரிப்போம். எடுத்துக்காட்டாக, நீங்கள் ஒரு குறிப்பிட்ட கதையைப் பார்த்தீர்கள், குறிப்பிட்ட விளம்பரத்தைக் குறிப்பிட்ட காலத்திற்குப் பார்த்தீர்கள், மற்றும் சில Snapகளை அனுப்பினீர்கள் என்பதை நாங்கள் அறிந்திருக்கலாம். நீங்கள் எங்கள் சேவைகளைப் பயன்படுத்தும்போது நாங்கள் சேகரிக்கும் தகவல்களின் வகைகள் பற்றிய முழுமையான விளக்கம் இதோ:

• பயன்பாட்டுத் தகவல்கள். எங்கள் சேவைகள் மூலம் உங்கள் செயல்பாடு குறித்த தகவல்களை நாங்கள் சேகரிக்கிறோம். எடுத்துக்காட்டாக, நாங்கள் பின்வருபவை பற்றிய தகவல்களைச் சேகரிக்கலாம்:

  • நீங்கள் பார்க்கும் அல்லது Snaps இல் பயன்படுத்தும் வடிகட்டிகள், Discover இல் நீங்கள் பார்க்கும் கதைகள், நீங்கள் Spectacles பயன்படுத்துகிறீர்களா, அல்லது நீங்கள் சமர்பிக்கும் தேடல் வினவல்களைப் போன்ற எங்கள் சேவைகளுடன் எவ்வாறு ஊடாடுகிறீர்கள்.

  • பிற Snapchat பயனர்கள் எப்படித் தொடர்பு கொள்கிறீர்கள், அதாவது அவர்களின் பெயர்கள், உங்கள் தகவல் தொடர்புகளின் நேரம் தேதி, உங்கள் நண்பர்களுடன் நீங்கள் பரிமாறிக்கொள்ளும் செய்திகளின் எண்ணிக்கை, எந்த நண்பர்களுடன் நீங்கள் அதிகம் செய்தி பரிமாறிக்கொள்கிறீர்கள், செய்திகளுடனான உங்களின் ஊடாடும் விதம் (செய்திகளை எப்போது திறக்கிறீர்கள் அல்லது ஸ்கிரீன்ஷாட் எடுக்கிறீர்கள்) போன்றவை.

• உள்ளடக்கத் தகவல்கள். சொந்த ஸ்டிக்கர்கள் போன்ற எங்கள் சேவைகளில் நீங்கள் உருவாக்கும் உள்ளடக்கத்தையும், நீங்கள் உருவாக்கிய அல்லது வழங்கும் உள்ளடக்கத்தைப் பற்றிய தகவல்களான, பெறுநர் உள்ளடக்கத்தைப் பார்த்தாரா என்பதையும் உள்ளடக்கத்துடன் வழங்கப்பட்ட மேனிலை தரவுகளையும் நாங்கள் சேகரிக்கிறோம்.

• சாதனத் தகவல்கள். நீங்கள் பயன்படுத்தும் சாதனங்களிலிருந்தும் சாதனங்களைப் பற்றியும் தகவல்களை நாங்கள் சேகரிக்கிறோம். எடுத்துக்காட்டாக, நாங்கள் சேகரிப்பவை:

  • வன்பொருள் மாதிரி, இயக்க முறைமைப் பதிப்பு, சாதன நினைவகம், விளம்பர அடையாளங்காட்டிகள், தனித்துவமான செயலி அடையாளங்காட்டிகள், நிறுவப்பட்ட செயலிகள், தனிப்பட்ட சாதன அடையாளங்காட்டிகள், உலாவி வகை, நிறுவப்பட்ட விசைப்பலகைகள், மொழி, பேட்டரி நிலை, நேர மண்டலம் போன்ற உங்கள் வன்பொருள் மென்பொருள் பற்றிய தகவல்கள்;

  • முடுக்கமானிகள், கைரோஸ்கோப்புகள், திசைகாட்டிகள், ஒலிவாங்கிகள் போன்ற சாதன உணர்விகளிடமிருந்து கிடைக்கிற தகவல்கள், நீங்கள் ஹெட்ஃபோன் இணைத்துள்ளீர்களா என்பது; மற்றும்

  • மொபைல் போன் எண், சேவை வழங்குநர், IP முகவரி மற்றும் சமிக்ஞை வலிமை போன்ற உங்கள் வயர்லெஸ் மற்றும் மொபைல் இணைய இணைப்புகள் பற்றிய தகவல்கள்.

• சாதன தொலைபேசிப் புத்தகம். Snapchat என்பது நண்பர்களுடன் தொடர்புகொள்வதற்கானது என்பதால், நாங்கள் உங்கள் அனுமதியுடன் உங்கள் சாதனத்தின் தொலைபேசிப் புத்தகத்திலிருந்து தகவல்களைச் சேகரிக்கலாம்.

• கேமராவும் புகைப்படங்களும். எங்களுடைய பல சேவைகளுக்கு உங்கள் சாதனத்தின் கேமரா, புகைப்படங்களிலிருந்து படங்களையும் பிற தகவல்களையும் சேகரிக்க வேண்டியுள்ளது. எடுத்துக்காட்டாக, உங்கள் கேமரா அல்லது புகைப்படங்களை எங்களால் அணுக முடிந்தாலொழிய, உங்கள் கேமரா சுருளிலிருந்து உங்களால் Snapகளை அனுப்பவோ, புகைப்படங்களைப் பதிவேற்றவோ முடியாது.

• இடத் தகவல்கள். நீங்கள் எங்கள் சேவைகளைப் பயன்படுத்தும்போது, உங்கள் இடம் பற்றிய தகவல்களை நாங்கள் சேகரிக்கலாம். உங்கள் அனுமதியுடன், GPS, வயர்லெஸ் நெட்வொர்க்குகள், செல்பேசி கோபுரங்கள், வை-பை அணுகல் மையங்கள் மற்றும் பிற உணர்விகளான கைரோஸ்கோப்புகள், முடுக்கமானிகள் மற்றும் திசைகாட்டி ஆகியவற்றை உள்ளடக்கிய முறைகளைப் பயன்படுத்தி உங்கள் துல்லியமான இடத் தகவலையும் நாங்கள் சேகரிக்கலாம்.

• குக்கீகள், பிற தொழில்நுட்பங்களால் சேகரிக்கப்படுகிற தகவல்கள். பெரும்பாலான இணையச் சேவைகள் மற்றும் மொபைல் செயலிகளையும் போலவே, உங்கள் செயல்பாடு, உலாவி, சாதனம் பற்றிய தகவல்களைச் சேகரிக்கக் குக்கீகள் மற்றும் வெப் பீக்கான்கள், இணையச் சேமிப்பகம், தனித்துவ விளம்பர அடையாளங்காட்டிகள் போன்ற பிற தொழில்நுட்பங்களையும் நாங்கள் பயன்படுத்தலாம். எங்கள் கூட்டாளர்களில் ஒருவர் மூலம் நாங்கள் வழங்கும் விளம்பரம், வணிக அம்சங்கள் போன்ற சேவைகளுடன் ஊடாடும் போது தகவல்களைச் சேகரிக்க நாங்கள் இந்தத் தொழினுட்பங்களைப் பயன்படுத்தலாம். எடுத்துக்காட்டாக உங்களுக்கு அதிக பொருத்தமான விளம்பரங்களைக் காட்ட பிற வலைத்தளங்களில் சேகரிக்கப்பட்ட தகவல்களை நாங்கள் பயன்படுத்தலாம். பெரும்பாலான இணைய உலாவிகள் இயல்பாக குக்கீகளை ஏற்க அமைக்கப்பட்டுள்ளன. நீங்கள் விரும்பினால், உங்கள் உலாவி அல்லது சாதனத்தில் உள்ள அமைப்புகள் மூலம் உலாவியின் குக்கீகளை அகற்றலாம் அல்லது நிராகரிக்கலாம். இருப்பினும் நினைவில் கொள்ளுங்கள், குக்கீகளை அகற்றுவது அல்லது நிராகரிப்பது எங்கள் சேவைகளின் கிடைக்கும் தன்மையையும் செயல்பாட்டையும் பாதிக்கலாம். நாங்களும் எங்கள் கூட்டாளர்களும் எங்கள் சேவைகளில் குக்கீகளை எப்படிப் பயன்படுத்துகிறோம் மேலும் உங்களின் வாய்ப்புகள் பற்றி மேலும் அறிய எங்கள் குக்கீக் கொள்கையைப் பாருங்கள்.

• பதிவுத் தகவல்கள். நீங்கள் எங்கள் வலைத்தளத்தைப் பயன்படுத்தும்போது பதிவுத் தகவலையும் சேகரிக்கிறோம், எடுத்துக்காட்டுகள்:

  • எங்கள் சேவைகளை எப்படிப் பயன்படுத்தினீர்கள் என்பது பற்றிய விவரங்கள்;

  • உங்கள் இணைய உலாவி வகை மற்றும் மொழி போன்ற சாதனத் தகவல்;

  • அணுகல் நேரங்கள்;

  • பார்த்த பக்கங்கள்;

  • IP முகவரி;

  • உங்கள் சாதனம் அல்லது உலாவியை தனித்து அடையாளம் காணக்கூடிய குக்கீகள் அல்லது பிற தொழில்நுட்பங்களுடன் தொடர்புடைய அடையாளங்காட்டிகள்; மற்றும்

  • எங்கள் இணையதளத்திற்கு செல்லும் முன் அல்லது சென்ற பின் நீங்கள் பார்வையிடுகிற பக்கங்கள்.

நாங்கள் உங்களைப் பற்றிய தகவல்களைப் பிற பயனர்கள், எங்கள் துணை நிறுவனங்கள் மற்றும் மூன்றாம் நபர்களிடமிருந்து சேகரிக்கலாம். சில எடுத்துக்காட்டுகள் இதோ:

• நீங்கள் உங்கள் Snapchat கணக்கை வேறொரு சேவையுடன் இணைத்தால் (Bitmoji அல்லது மூன்றாம்-நபர் செயலி போன்றவை), நீங்கள் அந்தச் சேவையை எப்படிப் பயன்படுத்துகிறீர்கள் என்பது போன்ற தகவல்களைப் பிற சேவையிலிருந்து பெறலாம்.

• விளம்பரதாரர்கள், செயலி வடிவமைத்தவர்கள், பதிப்பாளர்கள் மற்றும் பிற மூன்றாம் நபர்களும் எங்களுடன் தகவல்களைப் பகிரலாம். விளம்பரங்களின் செயல்திறனை இலக்குவைக்க அல்லது அளவிட, நாங்கள் இந்தத் தகவல்களை வேறு வழிகளில் பயன்படுத்தலாம். இந்த வகையான மூன்றாம் நபர் தரவுகளின் எங்கள் பயன்பாடு குறித்து எங்கள் உதவி மையத்தில் மேலும் அறியலாம்.

• மற்றொரு பயனர் தனது தொடர்புப் பட்டியலைப் பதிவேற்றினால், நாங்கள் உங்களைப் பற்றி சேகரித்துள்ள பிற தகவல்களுடன் அந்த பயனரின் தொடர்புப் பட்டியலின் தகவல்களை ஒருங்கிணைக்கக்கூடும்.

நாங்கள் சேகரிக்கும் தகவல்களை என்ன செய்கிறோம்? விரிவான பதிலுக்கு, இங்குச் செல்க. குறுகிய பதில்: நாங்கள் இடைவிடாமல் மேம்படுத்தும் அற்புதமான தயாரிப்புகளையும் சேவைகளையும் உங்களுக்கு வழங்குதல். நாங்கள் அதைச் செய்யும் வழிகள் இதோ:

• எங்கள் தயாரிப்புகளையும் சேவைகளையும் உருவாக்குதல், செயல்படுத்துதல், மேம்படுத்துதல், வழங்குதல், பராமரித்தல் மற்றும் பாதுகாத்தல்.

• மின்னஞ்சல் உள்ளிட்டவை மூலம் தகவல்களை உங்களுக்கு அனுப்புதல். எடுத்துக்காட்டாக, உதவி விசாரணைகளுக்குப் பதிலளிக்க அல்லது உங்களுக்குப் பிடித்தவை என நாங்கள் கருதும் எங்கள் தயாரிப்புகள், சேவைகள், விளம்பரச் சலுகைகள் பற்றிய தகவல்களைப் பகிர்ந்து கொள்ள மின்னஞ்சலைப் பயன்படுத்தலாம்.

• போக்குகளையும் பயன்பாட்டையும் கண்காணித்தல் மற்றும் பகுப்பாய்வு செய்தல்.

• நண்பர்கள், சுயவிவரத் தகவல் அல்லது Bitmoji ஸ்டிக்கர்களைப் பரிந்துரைப்பது, Snapchat பயனர்கள் Snapchat, இணைப்பு மற்றும் மூன்றாம் நபர் பயன்பாடுகள் மற்றும் சேவைகளில் ஒருவரையொருவர் கண்டறிய உதவவது அல்லது விளம்பரங்கள் உட்பட நாங்கள் உங்களுக்குக் காட்டும் உள்ளடக்கத்தைத் தனிப்பயனாக்குவதன் மூலம் எங்கள் சேவைகளைத் தனிப்பயனாக்குங்கள்.

• உங்கள் அனுபவத்தைச் சூழ்நிலைப்படுத்த உங்கள் துல்லியமான இருப்பிடத் தகவலைப் (அதனை சேகரிக்க நீங்கள் எங்களுக்கு அனுமதி வழங்கியிருந்தால்) பயன்படுத்தி உங்கள் நினைவக உள்ளடக்கத்தைக் குறித்தல், உள்ளடக்கத்தின் அடிப்படையில் பிற லேபிள்களைப் பயன்படுத்துதல் போன்ற பிற விடயங்கள்.

• எங்கள் சேவைகளுக்கு உள்ளேயும் வெளியேயும் உங்கள் துல்லியமான இடத் தகவலைப் பயன்படுத்துவது (அதனைச் சேகரிக்க நீங்கள் எங்களுக்கு அனுமதி வழங்கியிருந்தால்) உள்ளிடவை மூலமாக எங்கள் விளம்பரச் சேவைகள், இலக்கு விளம்பரங்கள் மற்றும் விளம்பர அளவீடுகளை வழங்குதல் மற்றும் மேம்படுத்துதல். Snap Inc. இன் விளம்பர நடைமுறைகளையும் உங்கள் தேர்வுகளையும் பற்றிய கூடுதல் தகவல்களுக்குக் கீழே உள்ள உங்கள் தகவல் மீதான கட்டுப்பாடு என்ற பகுதியைப் பாருங்கள்.

• எங்கள் தயாரிப்புகள் சேவைகளின் ஏமத்தையும் பாதுகாப்பையும் மேம்படுத்துதல்.

• உங்கள் அடையாளத்தை சரிபார்த்து மோசடி அல்லது பிற அங்கீகரிக்கப்படாத அல்லது சட்டவிரோதச் செயல்பாடுகளைத் தடுத்தல்.

• எங்கள் சேவைகளையும் அவற்றுடனான உங்கள் அனுபவத்தையும் மேம்படுத்த குக்கீகள் மற்றும் பிற தொழினுட்பங்களிலிருந்து சேகரித்த தகவல்களைப் பயன்படுத்துதல்.

• எங்கள் சேவை நிபந்தனைகள் மற்றும் பிற பயன்பாட்டு கொள்கைகளை மீறுவது, சட்ட அமலாக்கத்தின் கோரிக்கைகளுக்கு பதிலளிப்பது மற்றும் சட்டத் தேவைகளுடன் இணங்குவது போன்றவற்றில் நடைமுறைப்படுத்துதல், விசாரணை செய்தல் மற்றும் அறிக்கை அளித்தல்.

நாங்கள் எங்கள் லென்சஸின் தரத்தை மேம்படுத்த Apple இன் TrueDepth கேமராவிலிருந்து கிடைக்கும் தகவல்களையும் பயன்படுத்தலாம். TrueDepth கேமராவிலிருந்து கிடைக்கும் தகவல்கள் நிகழ்நேரத்தில் பயன்படுத்தப்படுகின்றன - நாங்கள் இந்தத் தகவல்களை எங்களது சேவையகங்களில் சேமிக்கவோ மூன்றாம் நபர்களுடன் பகிரவோ மாட்டோம்.

நாங்கள் உங்களைப் பற்றிய தகவல்களை பின்வரும் வழிகளில் பகிர்ந்து கொள்ளலாம்:

• பிற Snapchat பயனர்களுடன். நாங்கள் பின்வரும் தகவல்களைப் பிற Snapchat பயனர்களுடன் பகிர்ந்து கொள்ளலாம்:

  • உங்கள் பயனர்பெயர், பெயர், Bitmoji போன்ற உங்களைப் பற்றிய தகவல்கள்.

  • உங்கள் Snapchat “மதிப்பெண்”, நீங்கள் நண்பர்களாக இருக்கும் Snapchat பயனர்களின் பெயர்கள் மற்றும் எங்கள் சேவைகளைப் பயன்படுத்தி மற்றவர்களுடனான உங்கள் தொடர்புகளைப் புரிந்துகொள்ள Snapchat பயனர்களுக்கு உதவும் பிற தகவல்கள் ஆகியவை போன்ற எங்கள் சேவைகளுடன் நீங்கள் எப்படித் ஊடாடுகிறீர்கள் என்பது பற்றிய தகவல்கள். எடுத்துக்காட்டாக, உங்களுக்குத் தெரிந்த நபரிடமிருந்து தான் புதிய நட்புக் கோரிக்கை வந்துள்ளதா என்பது தெளிவாகத் தெரியாது என்பதால், உங்களுக்கும் கோருபவருக்கும் இடையே பொதுவான Snapchat நண்பர்கள் இருக்கிறார்களா என்பதை நாங்கள் பகிரலாம்.

  • பகிருமாறு நீங்கள் எங்களை அறிவுறுத்திய ஏதேனும் கூடுதல் தகவல்கள். எடுத்துக்காட்டாக உங்கள் Snapchat கணக்கை மூன்றாம் நபர் செயலியுடன் இணைக்கும் போதும், Snapchat இலிருந்து மூன்றாம் நபர் செயலிக்குத் தகவலையோ உள்ளடக்கத்தையோ பகிர்ந்தாலும், Snap உங்கள் தகவல்களைப் பகிரும்.

  • நீங்கள் பதிவிடும் அல்லது அனுப்பும் உள்ளடக்கம். உங்கள் உள்ளடக்கம் எவ்வளவு பரவலாகப் பகிரப்படுகிறது என்பது உங்கள் தனிப்பட்ட அமைப்புகள் மற்றும் நீங்கள் பயன்படுத்தும் சேவை வகையைப் பொறுத்தது. எடுத்துக்காட்டாக, ஒரு Snap ஐ நீங்கள் தேர்ந்தெடுத்த ஒரு நண்பருக்கு மட்டும் அனுப்பலாம், ஆனால் உங்கள் என் கதையைப் பார்க்க நீங்கள் அனுமதிக்கும் எந்த Snapchat பயனராலும் உங்கள் என் கதை உள்ளடக்கம் பார்க்கப்படலாம்.

• அனைத்து Snapchat பயனர்கள், எங்கள் வணிகக் கூட்டாளர்கள் மற்றும் பொது மக்களுடன். பின்வரும் தகவல்களை அனைத்து Snapchat பயனர்களுடனும், எங்கள் வணிகக் கூட்டாளர்களுடனும் பொது மக்களுடனும் நாங்கள் பகிரலாம்:

  • உங்கள் பெயர், பயனர்பெயர், தகவல் குறிப்புப் படங்கள், Snapcode மற்றும் பொதுத் தகவல் பக்கம் போன்ற பொதுத் தகவல்.

  • உங்கள் முதன்மைகள், தனிப்பயன் ஸ்டிக்கர்கள், லென்ஸஸ், கதை சமர்ப்பிப்புகள் போன்ற பொது உள்ளடக்கம், அனைவரும் பார்க்கும்படி அமைக்கப்பட்டுள்ளது, மேலும் நீங்கள் ஸ்பாட்லைட், Snap வரைபடம் மற்றும் பிற கூட்டம் சார்ந்த சேவைகள் போன்ற இயல்பான பொது சேவைக்கு சமர்ப்பிக்கும் உள்ளடக்கம். தேடல் முடிவுகள், வலைதளங்கள், செயலிகள், இணைய இணையமில்லா ஒளிபரப்புகள் உள்ளிட்டவை மூலமாக எங்கள் சேவைகளுக்கு உள்ளேயும் வெளியேயும் இந்த உள்ளடக்கத்தைப் பொதுமக்களால் பார்க்கவும், பயன்படுத்தவும், பகிரவும் முடியும்.

• எங்கள் துணை நிறுவனங்களுடன். Snap Inc. குடும்பத்தில் உள்ள நிறுவனங்களுடன் நாங்கள் தகவல்களைப் பகிரலாம்.

• மூன்றாம் நபர்களுடன். விளம்பரங்களின் செயல்திறனை அளவிடுவதற்கும் மேம்படுத்துவதற்கும், மூன்றாம் நபர் வலைத்தளங்கள் செயலிகள் உள்ளிட்டவற்றில் மிகவும் பொருத்தமான விளம்பரங்களை வழங்குவது போன்ற சேவைகளை எங்கள் சார்பாக மேற்கொள்ளும் சேவை வழங்குநர்களுடன் உங்களைப் பற்றிய தகவல்களைப் பகிரலாம். மேலும் இங்கு அறிக.

  • சேவைகளையும் எங்கள் சேவைகளில் செயல்பாட்டையும் வழங்கும் வணிகக் கூட்டாளர்களுடன் உங்களைப் பற்றிய தகவல்களை நாங்கள் பகிரலாம். எங்கள் சேவைகளில் மூன்றாம் நபர்களால் சேகரிக்கப்படும் தகவல்களைப் பற்றிய கூடுதல் விவரங்களுக்கு, எங்கள் உதவித் தளத்திற்குச் செல்க.

  • மோசடியைத் தடுப்பதில் எங்களுக்கும் மற்றவர்களுக்கும் உதவுவதற்காக சாதனம் மற்றும் பயன்பாட்டுத் தகவல் போன்ற உங்களைப் பற்றிய தகவல்களை நாங்கள் பகிரலாம்.

  • சட்டம், பாதுகாப்பு மற்றும் பத்திரமாக்குதல் காரணங்களுக்காக நாங்கள் உங்களைப் பற்றிய தகவல்களைப் பகிரலாம். பின்வருனவற்றிற்காகத் தகவலை வெளியிடுவது தேவை என்று நாங்கள் நியாயமாக நம்பினால் நாங்கள் உங்களைப் பற்றிய தகவல்களைப் பகிரலாம்:

    • ஏதேனும் செல்லுபடியாகும் சட்டச் செயல்முறை, அரசாங்கக் கோரிக்கை அல்லது பொருந்தக்கூடிய சட்டம், விதி அல்லது ஒழுங்குமுறைக்கு இணங்க.

    • சாத்தியமான சேவை நிபந்தனைகள் மற்றும் சமூக வழிகாட்டுதல்கள் மீதான மீறல்களை விசாரிக்கவும், தீர்வுசெய்யவும் அல்லது செயல்படுத்தவும்.

    • எங்கள், எங்களது பயனர்கள் அல்லது பிறரின் உரிமைகள், சொத்து அல்லது ஏமத்தைப் பாதுகாக்க.

    • ஏதேனும் மோசடி அல்லது பாதுகாப்புச் சிக்கல்களைக் கண்டறிந்து தீர்க்க.

  • இணைப்பு அல்லது கையகப்படுத்துதலின் ஒரு பகுதியாக நாங்கள் உங்களைப் பற்றிய தகவல்களைப் பகிரலாம். இணைப்பு, சொத்து விற்பனை, நிதியுதவி பெறுதல், நிறுவனக் கலைப்பு அல்லது திவால்நிலை ஆகியவற்றில் Snap Inc. ஈடுபட்டால், அல்லது எங்கள் வணிகத்தின் பகுதிகள் அனைத்தையும் அல்லது சிலவற்றை வேறொரு நிறுவனம் கையகப்படுத்தினால், பரிமாற்றம் முடிவடைவதற்கு முன்பும் பின்பும் உங்கள் தகவலை நாங்கள் அந்த நிறுவனத்துடன் பகிர்ந்து கொள்ளலாம்.

• தனிப்பட்டதல்லாத தகவல்கள். திரட்டப்பட்ட, தனிப்பட்ட முறையில் அடையாளம் காண முடியாத அல்லது அடையாளம் நீக்கப்பட்ட தகவல்களை எங்களுக்குச் சேவைகளை வழங்கும் அல்லது எங்களுக்காகத் தொழில் நோக்கங்களைச் செய்யும் மூன்றாம் நபர்களுடனும் நாங்கள் பகிரலாம்.

எங்கள் சேவைகள் மூன்றாம் நபர் உள்ளடக்கம் மற்றும் ஒருங்கிணைப்புகளைக் கொண்டிருக்கலாம். கேமராவில் மூன்றாம் நபர் ஒருங்கிணைப்புகள், அரட்டையில் மூன்றாம் நபர் விளையாட்டுகள், மூன்றாம் நபர் Snap கிட் ஒருங்கிணைப்புகள் ஆகியன எடுத்துக்காட்டுகளில் அடங்கும். இந்த ஒருங்கிணைப்புகள் மூலமாக நீங்கள் மூன்றாம் நபருக்கும் Snap இற்கும் உங்கள் தகவல்களை வழங்கிக் கொண்டிருக்கலாம். அந்த மூன்றாம் நபர்கள் உங்கள் தகவல்களை எவ்வாறு சேகரிக்கிறார்கள் அல்லது பயன்படுத்துகிறார்கள் என்பதற்கு நாங்கள் பொறுப்பல்ல. எப்போதும்போல, எங்கள் சேவைகளின் மூலம் நீங்கள் ஊடாடும் மூன்றாம் நபர்கள் உள்ளிட்ட, நீங்கள் பார்வையிடும் அல்லது பயன்படுத்தும் ஒவ்வொரு மூன்றாம் நபர் சேவையின் தனியுரிமைக் கொள்கைகளையும் மீளாய்வு செய்யுமாறு நாங்கள் உங்களை ஊக்குவிக்கிறோம். நீங்கள் Snapchat இல் மூன்றாம் நபர் சேவைகள் பற்றி இங்கு மேலும் அறியலாம்.

அக்கணத்தில் வாழ்வதைப் படம் பிடிக்க Snapchat உதவுகிறது. எங்கள் தரப்பில், அதன் பொருள் என்னவெனில், Snapchat இல் அனுப்பப்படுகிற Snaps அரட்டைகள் போன்ற பெரும்பாலான செய்திகள், பெறுநர்கள் அனைவராலும் திறக்கப்பட்டன அல்லது காலாவதியாகிவிட்டன என நாங்கள் கண்டறிந்த பின்னர், இயல்பாக எங்கள் சேவையகங்களிலிருந்து தானாகவே நீக்கப்படும். கதைப் பதிவுகள் போன்ற பிற உள்ளடக்கங்கள் நீண்ட காலத்திற்குச் சேமிக்கப்படும். பல்வேறு வகையான உள்ளடக்கங்களை நாங்கள் எவ்வளவு காலம் சேமித்து வைக்கிறோம் என்பது பற்றிய விரிவான தகவல்களுக்கு, எங்கள் உதவித் தளத்தைக் காணவும்.

பிற தகவல்களை நாங்கள் நீண்ட காலத்திற்குச் சேமித்து வைக்கிறோம். எடுத்துக்காட்டிற்கு:

• உங்கள் பெயர், தொலைபேசி எண், மின்னஞ்சல் முகவரி போன்ற உங்கள் அடிப்படைக் கணக்குத் தகவல்களையும் நண்பர்களின் பட்டியலையும் நீங்கள் அவற்றை நீக்குமாறு எங்களைக் கோரும்வரையில் நாங்கள் சேமித்து வைக்கிறோம்.

• இருப்பிடத் தகவல்கள் எவ்வளவு துல்லியமானது, எந்தச் சேவைகளை நீங்கள் பயன்படுத்துகிறீர்கள் என்பதன் அடிப்படையில் இருப்பிடத் தகவல்களை வெவ்வேறு கால அளவிற்குச் சேமித்து வைக்கிறோம். நினைவகங்களில் சேமிக்கப்பட்டவை அல்லது Snap வரைபடத்தில் பதிவிடப்பட்டவை போன்ற Snap உடன் தொடர்புடைய இருப்பிடத் தகவல்களாக இருந்தால், நாங்கள் Snap ஐச் சேமித்து வைத்திருக்கும் வரை அந்த இருப்பிடத் தகவல்களையும் தக்கவைப்போம். நிபுணர் உதவிக்குறிப்பு: உங்கள் தரவைப் பதிவிறக்குவதன் மூலம் உங்களைப் பற்றி நாங்கள் வைத்திருக்கும் இருப்பிடத் தரவை நீங்கள் பார்க்கலாம்.

நீங்கள் Snapchat பயன்படுத்துவதை எப்போதாவது நிறுத்த முடிவு செய்தால், நீங்கள்உங்கள் கணக்கை நீக்குமாறு நீங்கள் எங்களிடம் கேட்கலாம். நீங்கள் சிறிது காலம் செயல்படவில்லை என்றால். உங்களைப் பற்றி நாங்கள் சேகரித்த பெரும்பாலான தகவல்களையும் நீக்கிவிடுவோம்!

நினைவில் கொள்ளுங்கள், எங்கள் நீக்குதல் நடைமுறைகளைத் தானாகவே செயல்படுத்தும் வகையில் எங்கள் அமைப்புகள் வடிவமைக்கப்பட்டுள்ள போதிலும், ஒரு குறிப்பிட்ட காலவரையறைக்குள் நீக்குதல் நடைபெறும் என்று எங்களால் உறுதியளிக்க முடியாது. உங்கள் தரவைச் சேமிக்க சட்டத் தேவைகள் இருக்கலாம் மேலும் நாங்கள் உள்ளடக்கத்தைப் பாதுகாக்கும்படி எங்களைக் கோரும் செல்லுபடியாகும் சட்டச் செயல்முறையை பெற்றால், தவறான பயன்பாடு அல்லது பிற சேவை நிபந்தனை மீறல்கள் குறித்த புகார்களைப் பெற்றால், அல்லது உங்கள் கணக்கோ உங்களால் உருவாக்கப்பட்ட உள்ளடக்கமோ எங்கள் அமைப்புகளால் தவறான பயன்பாடு அல்லது பிற சேவை நிபந்தனை மீறல்கள் என மற்றவர்களால் அடையாளமிடப்பட்டால் நாங்கள் அந்த நீக்குதல் நடைமுறைகளை நிறுத்தி வைக்க வேண்டியிருக்கும். இறுதியாக, வரையறுக்கப்பட்ட காலத்திற்கு அல்லது சட்டத்தின் தேவைக்கு ஏற்பச் சில தகவல்களை நாங்கள் காப்புப்பிரதி எடுத்து வைக்கலாம்.

உங்கள் தகவலை நீங்கள் கட்டுப்படுத்த வேண்டுமென நாங்கள் விரும்புகிறோம், எனவே தான் பின்வரும் கருவிகளை நாங்கள் உங்களுக்கு வழங்குகிறோம்.

• அணுகல், திருத்தம் மற்றும் பெயர்வுத்திறன். நீங்கள் உங்கள் பெரும்பாலான அடிப்படை கணக்குத் தகவல்களை எங்கள் செயலிகளிலேயே அணுகலாம் திருத்தலாம். எங்கள் செயலிகளில் பெயர்வு வடிவத்தில் கிடைக்காத தகவல்களின் நகலைப் பெற எனது தரவுகளைப் பதிவிறக்குக என்பதையும் நீங்கள் பயன்படுத்தலாம், எனவே நீங்கள் விரும்பும் இடத்திற்கு அதை நகர்த்தலாம் அல்லது சேமிக்கலாம். உங்கள் தனியுரிமை எங்களுக்கு முக்கியமானது என்பதால், உங்கள் தனிப்பட்ட தகவல்களை அணுக அல்லது புதுப்பிக்க உங்களை அனுமதிப்பதற்கு முன்பு உங்கள் அடையாளத்தைச் சரிபார்க்குமாறு அல்லது கூடுதல் தகவல்களை வழங்குமாறு நாங்கள் உங்களைக் கேட்கலாம். பல காரணங்களுக்காக உங்கள் தனிப்பட்ட தகவல்களை அணுகுவதற்கான அல்லது புதுப்பிப்பதற்கான உங்கள் கோரிக்கையை நாங்கள் நிராகரிக்கலாம், எடுத்துக்காட்டாக, அக்கோரிக்கை பிற பயனர்களின் தனியுரிமையை இடருக்குள்ளாக்குகிறது அல்லது சட்டவிரோதமானது போன்றவை.

• அனுமதிகளை இரத்து செய்தல். பெரும்பாலான சந்தர்ப்பங்களில், நீங்கள் உங்கள் தகவலைப் பயன்படுத்த எங்களை அனுமதித்தால், உங்கள் சாதனத்தில் வசதியிருக்கும்பட்சத்தில், உங்கள் செயலியில் அல்லது சாதனத்தில் அமைப்புகளை மாற்றுவதன் மூலம் உங்கள் அனுமதியை எளிதில் இரத்து செய்யலாம். நீங்கள் அவ்வாறு செய்தால், சில சேவைகள் அதன் முழுச் செயல்பாட்டை இழக்கக்கூடும்.

• நீக்குதல். நீங்கள் வாழ்நாள் முழுவதும் Snapchat பயனராக இருப்பீர்கள் என்று நாங்கள் நம்பும் அதே வேளையில், சில காரணங்களுக்காக நீங்கள் உங்கள் கணக்கை நீக்க விரும்பினால், அதை எப்படிச் செய்வது என்பதை அறிய, இங்குச் செல்க. நீங்கள் நினைவுகளில் சேமித்த புகைப்படங்கள், ஸ்பாட்லைட் சமர்ப்பிப்புகள் மற்றும் தேடல் வரலாறு போன்ற சில தகவல்களையும் நீங்கள் செயலியில் நீக்கலாம்.

• விளம்பர விருப்பத்தேர்வுகள். உங்கள் ஆர்வங்களுக்கு ஏற்றதாக இருக்கும் என்று நாங்கள் கருதும் விளம்பரங்களை உங்களுக்குக் காண்பிக்க நாங்கள் முயற்சிக்கிறோம். இந்த விளம்பரங்களைத் தேர்ந்தெடுக்க நாங்களும் எங்கள் விளம்பரக் கூட்டாளர்களும் பயன்படுத்தும் தகவல்களை நீங்கள் மாற்ற விரும்பினால், நீங்கள் அதனைச் செயலியில் மற்றும் உங்கள் சாதன விருப்பத்தேர்வுகளின் வழியாகச் செய்யலாம். மேலும் அறிய, இங்குச் செல்க.

• பிற Snapchat பயனர்களுடன் தொடர்புகொள்ளுதல். நீங்கள் யாருடன் தொடர்புகொள்கிறீர்கள் என்பது உங்கள் கட்டுப்பாட்டில் இருப்பது எங்களுக்கு முக்கியமாகும். அதனால்தான் அமைப்புகளில் பல கருவிகளை நாங்கள் உருவாக்கியுள்ளோம், அவை நீங்கள் உங்கள் கதைகளை யார் பார்க்க வேண்டும் என்று விரும்புகிறீர்கள், Snapகளை உங்கள் நண்பர்களிடமிருந்து மட்டும் பெற விரும்புகிறீர்களா அல்லது அனைத்து Snapchat பயனர்களிடமிருந்தும் பெற விரும்புகிறீர்களா மற்றும் உங்களை மீண்டும் தொடர்புகொள்வதிலிருந்து மற்றொரு Snapchat பயனரைத் தடுக்க விரும்புகிறீர்களா போன்றவற்றையும் மேலும் பிறவற்றையும் குறிப்பிட உதவுகின்றன. மேலும் அறிய, இங்குச் செல்க.

நாங்கள் உங்கள் தனிப்பட்ட தகவல்களைச் சேகரித்து, அதை இடமாற்றி, நீங்கள் வசிக்கும் நாட்டிற்கு வெளியே, அமெரிக்கா மற்றும் பிற நாடுகளில் சேமிக்கலாம், செயலாக்கலாம். நீங்கள் வசிக்கும் இடத்திற்கு வெளியே நாங்கள் தகவல்களைப் பகிரும்போதெல்லாம், நாங்கள் சட்டப்பூர்வமாக அவ்வாறு செய்ய வேண்டியிருக்கும் போது, போதுமான பரிமாற்றப் வழிமுறை இருப்பதை உறுதிசெய்கிறோம். நாங்கள் தகவல்களைப் பகிரும் எந்தவொரு மூன்றாம் நபரும் போதுமான பரிமாற்ற வழிமுறையை கொண்டிருப்பதை உறுதிசெய்கிறோம். நாங்கள் இங்கே எந்த தரவு பரிமாற்ற வழிமுறையைப் பயன்படுத்துகிறோம் என்றும், நாங்கள் எந்த மூன்றாம் நபரின் பிரிவுகளுடன் இங்கே தகவல்களைப் பகிர்கிறோம் என்ற தகவல்களையும் நீங்கள் காணலாம்.

உங்கள் மாநிலம் அல்லது பிராந்தியத்தில் குறிப்பிட்ட தனியுரிமை உரிமைகள் உங்களுக்கு இருக்கக்கூடும். உதாரணமாக, அமெரிக்காவில், கலிபோர்னியா மற்றும் பிற மாநிலங்களில் வசிப்பவர்களுக்கு குறிப்பிட்ட தனியுரிமை உரிமைகள் உள்ளன. ஐரோப்பிய பொருளாதார பகுதி (EEA), இங்கிலாந்து, பிரேசில், தென்கொரியா மற்றும் பிற அதிகார எல்லைகளில் உள்ள Snapchat பயனர்களுக்கும் குறிப்பிட்ட உரிமைகள் உள்ளன. நாங்கள் மாநில மற்றும் பிராந்திய குறிப்பிட்ட வெளிப்பாடுகளின் புதுப்பித்த கண்ணோட்டத்தை இங்கு வைத்திருக்கிறோம்.

எங்கள் சேவைகள் 13 வயதிற்குட்பட்டவர்களுக்கானது இல்லை, மேலும் அவற்றை நாங்கள் அவர்களுக்குப் பரிந்துரைப்பதும் இல்லை. அதனால்தான் 13 வயதிற்கு உட்பட்டவர்களிடமிருந்து தனிப்பட்ட தகவல்களை நாங்கள் தெரிந்தே சேகரிப்பதில்லை. கூடுதலாக, 13 முதல் 16 வயது வரையிலான EEA மற்றும் UK பயனர்களின் தகவல்கள் சிலவற்றை எவ்வாறு சேகரிப்பது, பயன்படுத்துவது மற்றும் சேமிப்பது என்பதை நாங்கள் கட்டுப்படுத்தலாம். சில சந்தர்ப்பங்களில், இந்தப் பயனர்களுக்குச் சில செயல்பாடுகளை எங்களால் வழங்க முடியாது என்பதே இதன் பொருள். உங்கள் தகவல்களைச் செயலாக்குவதற்கு ஒப்புதலைச் சட்டரீதியான அடிப்படையாக நாங்கள் சார்ந்திருக்க வேண்டும் என்றால், மற்றும் பெற்றோர் ஒருவரின் ஒப்புதல் உங்கள் நாட்டில் தேவை என்றால், அந்தத் தகவலை நாங்கள் சேகரித்துப் பயன்படுத்துவதற்கு முன்பு உங்கள் பெற்றோரின் ஒப்புதல் எங்களுக்குத் தேவைப்படலாம்.

நாங்கள் இந்தத் தனியுரிமைக் கொள்கையை அவ்வப்போது மாற்றலாம். ஆனால் நாங்கள் அவ்வாறு செய்யும்போது, ஏதாவது ஒரு வழியில் உங்களுக்குத் தெரியப்படுத்துவோம். சில நேரங்களில், எங்கள் இணையதளத்திலும் மொபைல் செயலியிலும் இருக்கும் தனியுரிமைக் கொள்கையின் மேல் உள்ள தேதியைத் திருத்துவதன் மூலம் நாங்கள் உங்களுக்கு அதனைத் தெரியப்படுத்துவோம். மற்ற நேரங்களில், நாங்கள் உங்களுக்குக் கூடுதல் அறிவிப்பை வழங்கலாம் (எங்கள் இணையதளங்களின் முகப்புப் பக்கங்களில் அறிக்கையைச் சேர்ப்பது அல்லது செயலியிலேயே உங்களுக்கு அறிவிப்பை வழங்குவது போன்றவை).