Snap Shopping Suite ಗೌಪ್ಯತೆ ಸೂಚನೆ
ಜಾರಿ: ಆಗಸ್ಟ್ 1, 2023
ನಮ್ಮ Fit Finder ('ನನ್ನ ಗಾತ್ರ ಹುಡುಕಿ', 'Fit Finder' ಅಥವಾ 'ಗಾತ್ರ ಹುಡುಕುವಿಕೆ' ಮುಂತಾದ ಪದಗಳ ಮೂಲಕ ಪ್ರವೇಶಿಸಬಹುದು), AR ಟ್ರೈ-ಆನ್, 3D ವ್ಯೂವರ್ ಮತ್ತು ಸ್ಟೈಲ್ ಫೈಂಡರ್ ಸೇವೆಗಳು ಸೇರಿದಂತೆ, ಉಡುಪುಗಳು, ಶೂಗಳು ಮತ್ತು ಪರಿಕರಗಳನ್ನು ಖರೀದಿಸುವ ಶಾಪರ್ಗಳಿಗಾಗಿ Snap ವೈಶಿಷ್ಟ್ಯಗಳ ಒಂದು Shopping Suite ಅನ್ನು ಒದಗಿಸುತ್ತದೆ. ಈ ತಂತ್ರಜ್ಞಾನಗಳು ಗಾತ್ರ ಮತ್ತು ಸ್ಟೈಲ್ ಶಿಫಾರಸುಗಳನ್ನು ಒದಗಿಸಲು ಶಾಪರ್ಗಳು ಒದಗಿಸಿದ ಫಿಟ್ ಮತ್ತು ಗಾತ್ರದ ಮಾಹಿತಿ, ಖರೀದಿ ಮತ್ತು ಹಿಂತಿರುಗಿಸುವಿಕೆ ಡೇಟಾ ಮತ್ತು ಶಾಪರ್ಗಳ ಬ್ರೌಸಿಂಗ್ ಅವಲೋಕನಗಳನ್ನು ಆಧರಿಸಿ ಅತ್ಯಾಧುನಿಕ ಮೆಷಿನ್ ಲರ್ನಿಂಗ್ ಕ್ರಮಾವಳಿಗಳನ್ನು ಬಳಸುತ್ತವೆ.
Shopping Suite ವೈಶಿಷ್ಟ್ಯಗಳನ್ನು ಕಮಿಷನ್ಗೆ ಪ್ರತಿಯಾಗಿ ನಮ್ಮ ಪಾಲುದಾರರ ಮಳಿಗೆಗಳ ವೆಬ್ಸೈಟ್ಗಳು ಮತ್ತು ಆ್ಯಪ್ಗಳಲ್ಲಿ ಲಭ್ಯವಾಗಿಸಲಾಗುತ್ತದೆ. ಇದರ ಅರ್ಥ:
ನಮ್ಮ Shopping Suite ವೈಶಿಷ್ಟ್ಯಗಳನ್ನು ನಿಮಗೆ ಶುಲ್ಕವಿಲ್ಲದೆ ಒದಗಿಸಲಾಗುತ್ತದೆ.
ನಮ್ಮ Shopping Suite ವೈಶಿಷ್ಟ್ಯಗಳು ನಿಮಗೆ ಐಚ್ಛಿಕ ಸಹಾಯವನ್ನು ಒದಗಿಸುತ್ತವೆ ಮತ್ತು ಒಂದು ಖರೀದಿ ಮಾಡಬೇಕಾದ ಅಗತ್ಯವಿಲ್ಲ.
ನೀವು ನಮ್ಮ ಯಾವುದೇ Shopping Suite ವೈಶಿಷ್ಟ್ಯಗಳನ್ನು ಬಳಸಲು ಆಯ್ಕೆ ಮಾಡಿದರೆ, ನಾವು ನಮ್ಮ ಪಾಲುದಾರ ಮಳಿಗೆಗಳಲ್ಲಿ ನಿಮ್ಮ ಖರೀದಿಗಳ ಕುರಿತ ಮಾಹಿತಿಯನ್ನು ಸಂಗ್ರಹಿಸುತ್ತೇವೆ, ಇದರಿಂದಾಗಿ ನಾವು ಅವರಿಗೆ ಶುಲ್ಕ ವಿಧಿಸಬಹುದು.
ನೀವು ನಮ್ಮ Shopping Suite ಅನ್ನು ಬಳಸಿದಾಗ ವೈಯಕ್ತಿಕ ಮಾಹಿತಿಯನ್ನು 'ಯಾರು, ಏನು ಮತ್ತು ಹೇಗೆ' ಪ್ರಕ್ರಿಯೆಗೊಳಿಸಲಾಗುತ್ತದೆ ಎಂದು ನಿಮಗೆ ತಿಳಿಸಲು ಈ ಸೂಚನೆಯನ್ನು ವಿನ್ಯಾಸಗೊಳಿಸಲಾಗಿದೆ.
ನೀವು ನಮ್ಮ Shopping Suite ಬಳಸಿದಾಗ, ನಾವು ನಿಮ್ಮ ಕುರಿತ ವೈಯಕ್ತಿಕ ಮಾಹಿತಿಯನ್ನು ಸಂಗ್ರಹಿಸುತ್ತೇವೆ. ಇದನ್ನು Snap Inc. ನಿಯಂತ್ರಿಸುತ್ತದೆ. Snap ನಲ್ಲಿ, ನಿಮ್ಮ ಗೌಪ್ಯತೆಗೆ ನಾವು ಆದ್ಯತೆ ನೀಡುತ್ತೇವೆ. ನೀವು ನಮ್ಮ ಉತ್ಪನ್ನಗಳು ಮತ್ತು ಸೇವೆಗಳನ್ನು ಪ್ರತಿ ಬಾರಿ ಬಳಸಿದಾಗ ನಿಮ್ಮ ವಿಶ್ವಾಸವನ್ನು ಗಳಿಸುತ್ತೇವೆ ಎನ್ನುವುದು ನಮಗೆ ತಿಳಿದಿದೆ. ನೀವು ಯಾವುದೇ ಪ್ರಶ್ನೆಗಳನ್ನು ಹೊಂದಿದ್ದರೆ, ನಮ್ಮನ್ನು ಸಂಪರ್ಕಿಸಿ.
ನೀವು ನಮ್ಮ ಯಾವುದೇ ಪಾಲುದಾರರ ಶಾಪ್ನ ವೆಬ್ಸೈಟ್ಗಳು ಮತ್ತು ಆ್ಯಪ್ಗಳಿಗೆ ಭೇಟಿ ನೀಡಿದಾಗ ನಾವು ನಿಮ್ಮ ಕುರಿತ ವೈಯಕ್ತಿಕ ಮಾಹಿತಿಯನ್ನು ಸಂಗ್ರಹಿಸಬಹುದು: (i) ನೀವು ನಮ್ಮ Shopping Suite ವೈಶಿಷ್ಟ್ಯಗಳನ್ನು ಬಳಸಲು ಆಯ್ಕೆ ಮಾಡಿದರೆ ಅಥವಾ (ii) ಒಂದು ವೇಳೆ ನಮ್ಮ ಅವಶ್ಯಕವಲ್ಲದ ಕುಕೀಗಳನ್ನು ಅನುಮತಿಸಿದರೆ.
ನಾವು ಸಂಗ್ರಹಿಸಬಹುದಾದ ವೈಯಕ್ತಿಕ ಮಾಹಿತಿಯ ಪ್ರವರ್ಗಗಳು:
ವರ್ಗ
ಅದು ಏನು?
ಉದಾಹರಣೆ(ಗಳು)
ಅದು ಎಲ್ಲಿಂದ ಬರುತ್ತದೆ?
Shopper ಪ್ರೊಫೈಲ್
ಇದು ಗಾತ್ರ ಮತ್ತು ಫಿಟ್ ಶಿಫಾರಸು ಟೂಲ್ ಮೂಲಕ ನೀವು ನಮಗೆ ಒದಗಿಸುವ ಮಾಹಿತಿಯಾಗಿದೆ. ಇರುವಂತೆಯೇ ನಾವು ನಿಮ್ಮ ಅಳತೆಗಳನ್ನು ಬಳಸುತ್ತೇವೆ - ಮತ್ತು ಅವುಗಳಿಂದ ನಾವು ಇತರ ಮಾಹಿತಿಗಳನ್ನು ನಿರ್ಧರಿಸುವುದಿಲ್ಲ.
- ಅಳತೆಗಳು, ಉದಾಹರಣೆಗೆ ಎತ್ತರ, ತೂಕ, ಬ್ರಾ ಗಾತ್ರ
- ಜನಸಂಖ್ಯಾತ್ಮಕ ವಿವರಗಳು, ಉದಾಹರಣೆಗೆ ಲಿಂಗ, ವಯಸ್ಸು
- ಉಲ್ಲೇಖ ಉಡುಪು ಅಥವಾ ಬ್ರ್ಯಾಂಡ್
- ದೇಹದ ಆಕಾರ
- ಫಿಟ್ ಆದ್ಯತೆ
ನೀವು
ಅಪ್ಲೋಡ್ ಮಾಡಿದ ಚಿತ್ರ ಟ್ರೈ-ಆನ್ ಡೇಟಾ
ಒಂದು ವೇಳೆ ನೀವು ಈ ವೈಶಿಷ್ಟ್ಯವನ್ನು ಬಳಸಿದರೆ, ನೀವು ಒಂದು ಫೋಟೋ ಅಪ್ಲೋಡ್ ಮಾಡಬೇಕಾಗುತ್ತದೆ ಅಥವಾ ನಮ್ಮ ಕ್ಯಾಮೆರಾದಿಂದ ಒಂದನ್ನು ತೆಗೆದುಕೊಳ್ಳಬೇಕಾಗುತ್ತದೆ. ನಿಮ್ಮ ಆಯ್ದ ಉತ್ಪನ್ನವನ್ನು ತೋರಿಸಲು ಎರಡನೆಯ ಚಿತ್ರವನ್ನು ಸ್ವಯಂಚಾಲಿತವಾಗಿ ಸೃಷ್ಟಿಸಲು ನಾವು ಇದನ್ನು ಬಳಸುತ್ತೇವೆ.
ನಿಮ್ಮ ಮೊಬೈಲ್ ಸಾಧನ (ಉದಾ. ಫೋನ್ ಅಥವಾ ಟ್ಯಾಬ್ಲೆಟ್) ಅಥವಾ ಕಂಪ್ಯೂಟರ್ನಿಂದ ತೆಗೆದುಕೊಂಡ ಅಥವಾ ಅಪ್ಲೋಡ್ ಮಾಡಿದ ಒಂದು ಫೋಟೋ
ನಿಮ್ಮ ಚಿತ್ರವನ್ನು ನೀವೇ ಒದಗಿಸಿದ್ದೀರಿ.
2D ಟ್ರೈ ಆನ್ ಚಿತ್ರವನ್ನು ನಾವು ಸೃಷ್ಟಿಸಿದ್ದೇವೆ.
ಲೈವ್ ಕ್ಯಾಮೆರಾ ಟ್ರೈ-ಆನ್ ಡೇಟಾ
ಅನ್ವಯಿಸುವುದಿಲ್ಲ
ನಿಮ್ಮ ದೇಹವು ಕ್ಯಾಮೆರಾ ಫ್ರೇಮ್ನೊಳಗೆ ಇರುವಾಗ, ನೀವು ಆಯ್ಕೆ ಮಾಡಿದ ಉತ್ಪನ್ನವ(ಗಳ)ನ್ನು ಸೂಕ್ತವಾಗಿ ಅನ್ವಯಿಸಲು ದೇಹದ ಭಾಗಗಳು ಎಲ್ಲಿವೆ ಎಂದು ಗುರುತಿಸುವುದಕ್ಕೆ ಆ ವಸ್ತುಗಳ ಕುರಿತ ಮಾಹಿತಿಯನ್ನು ಸಾಧನದಲ್ಲಿ ಪ್ರಕ್ರಿಯೆಗೊಳಿಸಲಾಗುತ್ತದೆ.
ಇದು ನಿಮ್ಮ ಮುಖ, ಕೈಗಳು ಮತ್ತು ದೇಹದ ಕುರಿತ ಮಾಹಿತಿಯನ್ನು ಬಳಸಬಹುದು. ಇನ್ನಷ್ಟು ತಿಳಿಯಿರಿ
ಲೈವ್ ಕ್ಯಾಮೆರಾ ಟ್ರೈ-ಆನ್ ಡೇಟಾವನ್ನು ನಿಮ್ಮ ಸಾಧನದಲ್ಲಿ ರಚಿಸಲಾಗುತ್ತದೆ . ನಾವು ಈ ಮಾಹಿತಿಯನ್ನು ಸಂಗ್ರಹಿಸುವುದಿಲ್ಲ
Shopping Suite ಬಳಕೆದಾರ ID ಗಳು
ಇವು ನಾವು ನಿಮಗೆ ನಿಯೋಜಿಸುವ ವಿಶಿಷ್ಟ ಕೋಡ್(ಗಳು). ಅವುಗಳು 'ಹ್ಯಾಶ್ಡ್' IP ವಿಳಾಸವನ್ನು ಒಳಗೊಂಡಿರಬಹುದು ಮತ್ತು ಕುಕೀಗಳಲ್ಲಿ ನಿಮ್ಮ ಸಾಧನದಲ್ಲಿ ಸಂಗ್ರಹಣೆಯಾಗಬಹುದು.
ಕೋಡ್ಗಳು ಹೀಗೆ ಕಾಣಬಹುದು: s%3AURyekqSxqbWNDr1uqUTLeQ6InbJ-_qwK.ZDEycZECULwUmwSp2sVvLd-Ge431SMSpNo4wWGuvsPwI
ನಮ್ಮ ಸೇವೆ ಈ ID ಗಳನ್ನು ರಚಿಸುತ್ತದೆ
ಅಂಗಡಿ ಬಳಕೆದಾರ ID (ಲಭ್ಯವಿದ್ದಲ್ಲಿ)
ಇದು ವಿಶಿಷ್ಟ ಐಡೆಂಟಿಫೈಯರ್ ಆಗಿದ್ದು ನೀವು ಭೇಟಿ ನೀಡುತ್ತಿರುವ ಅಂಗಡಿಯು ನಿಮಗೆ ನಿಯೋಜಿಸುತ್ತದೆ ಮತ್ತು ನಮ್ಮೊಂದಿಗೆ ಹಂಚಿಕೊಳ್ಳಬಹುದು.
ಇದು ಸಾಮಾನ್ಯವಾಗಿ ಒಂದು ಹೊಸ ಅಕ್ಷರ ಮತ್ತು ಅಂಕಿಗಳ ಕೋಡ್ ಆಗಿರುತ್ತದೆ (ಉದಾ. 908773243473), ಆದರೆ ನಿಮ್ಮ ಬ್ರೌಸರ್/ಸಾಧನವನ್ನು ಗುರುತಿಸಲು ಈಗಾಗಲೇ ಅಂಗಡಿಯು ಬಳಸುತ್ತಿರುವ ಇತರ ID(ಗಳು) ಕೂಡ ಆಗಿರಬಹುದು.
ಅಂಗಡಿ ಮಾಲೀಕ(ರು)
ಖರೀದಿ ಮತ್ತು ಹಿಂತಿರುಗಿಸುವಿಕೆ ಡೇಟಾ
ಪಾಲುದಾರರ ಅಂಗಡಿಗಳಲ್ಲಿ ನೀವು ಮಾಡುವ ಖರೀದಿಗಳ ವಿವರಗಳು, ನೀವು ಅವುಗಳನ್ನು ಹಿಂತಿರುಗಿಸಿದ್ದೀರಾ ಎನ್ನುವುದು ಸೇರಿದಂತೆ. ಇದು ಹಿಂದಿನ ಖರೀದಿಗಳು ಮತ್ತು ಹಿಂದಿರುಗಿಸುವಿಕೆಗಳ ವಿವರಗಳನ್ನೂ ಒಳಗೊಂಡಿರಬಹುದು.
ಆರ್ಡರ್: 10343432; ಉತ್ಪನ್ನ: 245323; ಗಾತ್ರ L; ವಾಪಸು ಕೊಡಲಾಗಿದೆ
ಅಂಗಡಿ ಮಾಲೀಕ(ರು) (ಮತ್ತು ಒಂದು ವೇಳೆ ಹೋಸ್ಟಿಂಗ್ ಮಾಡುತ್ತಿದ್ದಲ್ಲಿ Shopify)
ಈವೆಂಟ್ ಡೇಟಾ
ಇದು ನಮ್ಮ Shopping Suite ವೈಶಿಷ್ಟ್ಯಗಳು ಮತ್ತು ನಮ್ಮ ಪಾಲುದಾರರ ಶಾಪ್ ವೆಬ್ಸೈಟ್ಗಳು ಮತ್ತು ಆ್ಯಪ್ನ ನಿಮ್ಮ ಬಳಕೆಯ ಕುರಿತ ಮಾಹಿತಿಯಾಗಿದೆ.
ಉದಾಹರಣೆಗಳು: ಉತ್ಪನ್ನ A ಕುರಿತು ಶಿಫಾರಸುಗಳನ್ನು ನೋಡಿದ್ದಾರೆ; ಶಾಪ್ Y ನಲ್ಲಿ ಪುಟ X ಮೇಲೆ ಕ್ಲಿಕ್ ಮಾಡಿದ್ದಾರೆ; ProductID 245323 ನೋಡಿದ್ದಾರೆ; Fit Finder ತೆರೆದಿದ್ದಾರೆ; ಶಾಪರ್ ಪ್ರೊಫೈಲ್ ಸಲ್ಲಿಸಿದ್ದಾರೆ; ಶಿಫಾರಿತ ಗಾತ್ರ M
ನಮ್ಮ ಸೇವೆಯು ಈ ಡೇಟಾವನ್ನು ರಚಿಸುತ್ತದೆ
ತಾಂತ್ರಿಕ ಡೇಟಾ
ಇದು ಸಾಧನ, ವ್ಯಾಪಾರಿ ಆ್ಯಪ್ ಮತ್ತು/ಅಥವಾ ನಮ್ಮ Shopping Suite ವೈಶಿಷ್ಟ್ಯಗಳನ್ನು ಪ್ರವೇಶಿಸಲು ನೀವು ಬಳಸುತ್ತಿರುವ ಬ್ರೌಸರ್ ಕುರಿತ ಮಾಹಿತಿಯಾಗಿದೆ
ಬ್ರೌಸರ್ ಅಥವಾ ಆ್ಯಪ್ ವಿಧ + ಆವೃತ್ತಿ, ಆಪರೇಟಿಂಗ್ ಸಿಸ್ಟಂ, ಸಾಧನದ ಹೆಸರು, IP ವಿಳಾಸ, ನೀವು ಯಾವುದರ ಮೇಲೆ ಕ್ಲಿಕ್ ಮಾಡುತ್ತೀರಿ ಮತ್ತು ಉಂಟಾಗುವ ದೋಷಗಳು.
ನಿಮ್ಮ ಸಾಧನ, ವ್ಯಾಪಾರಿ ಆ್ಯಪ್ ಮತ್ತು/ಅಥವಾ ಬ್ರೌಸರ್
ಪಾಲುದಾರರ ಶಾಪ್ ವೆಬ್ಸೈಟ್ ಅಥವಾ ಆ್ಯಪ್ನಲ್ಲಿ ನಮ್ಮ Shopping Suite ಬಳಸುವಾಗ, ನಾವು ಸಂಗ್ರಹಿಸುವ ವೈಯಕ್ತಿಕ ಮಾಹಿತಿಯನ್ನು ನಾವು ಇವುಗಳಿಗಾಗಿ ಬಳಸಬಹುದು:
ಉದ್ದೇಶ
ವಿವರಣೆ
ಡೇಟಾ ಪ್ರವರ್ಗಗಳು
ಸಮರ್ಥನೆ (EU/UK GDPR ಮತ್ತು ಅದೇ ರೀತಿಯವುಗಳ ಅಡಿಯಲ್ಲಿ ಕಾನೂನುಬದ್ಧ ಆಧಾರ)
ಗಾತ್ರ ಮತ್ತು ಸ್ಟೈಲ್ ಶಿಫಾರಸುಗಳು
ನೀವು ವಿನಂತಿಸಿದಾಗ ನಮ್ಮ ಸ್ವಯಂ-ಸುಧಾರಿಸುವ ಗಾತ್ರ, ಫಿಟ್ ಮತ್ತು ಸ್ಟೈಲ್ ಶಿಫಾರಸು ಪರಿಹಾರಗಳನ್ನು ಒದಗಿಸಲು. ಲಭ್ಯವಿರುವಲ್ಲಿ, ನಿಮ್ಮ ಮತ್ತು ಇತರರ ಹಿಂದಿನ ನಡವಳಿಕೆಗಳಿಂದ ಕಲಿತುಕೊಂಡು, ಉತ್ಪನ್ನ ಗಾತ್ರ ಮತ್ತು ಸ್ಟೈಲ್ ಶಿಫಾರಸುಗಳನ್ನು ನಿಮ್ಮ ಗಾತ್ರ ಮತ್ತು ಸ್ಟೈಲ್ಗೆ ಹೊಂದಿಕೆಯಾಗುವಂತೆ ಮಾಡಲಾಗಿದೆ ಎಂದು ಖಚಿತಪಡಿಸಿಕೊಳ್ಳುವ ಗುರಿಯನ್ನು ಇದು ಹೊಂದಿದೆ.
- Shopper ಪ್ರೊಫೈಲ್
- Shopping Suite ಬಳಕೆದಾರ ID
- ಅಂಗಡಿ ಬಳಕೆದಾರ ID
- ಖರೀದಿ ಮತ್ತು ಹಿಂತಿರುಗಿಸುವಿಕೆ ಡೇಟಾ
- ಈವೆಂಟ್ ಡೇಟಾ
ಒಪ್ಪಂದ. ನಮ್ಮ ನಿಯಮಗಳ ಅಡಿಯಲ್ಲಿ ನೀವು ವಿನಂತಿಸಿದ ಸೇವೆಗಳನ್ನು ನಿಮಗೆ ಒದಗಿಸಲು ಈ ಪ್ರಕ್ರಿಯೆಗೊಳಿಸುವಿಕೆ ಅವಶ್ಯಕವಾಗಿದೆ.
ಟ್ರೈ-ಆನ್
ನೀವು ವಿನಂತಿಸಿದಾಗ ನಮ್ಮ AR ಟ್ರೈ-ಆನ್ ಸೇವೆಯನ್ನು (ಅಪ್ಲೋಡ್ ಮಾಡಿದ ಚಿತ್ರಗಳು ಮತ್ತು ಲೈವ್ ಕ್ಯಾಮೆರಾದೊಂದಿಗೆ) ನಿಮಗೆ ಒದಗಿಸಲು. ಲಭ್ಯವಿರುವಲ್ಲಿ, ನೀವು ವೀಕ್ಷಿಸುತ್ತಿರುವ ಉತ್ಪನ್ನಕ್ಕಾಗಿ ನಿಮ್ಮ ಅಪ್ಲೋಡ್ ಮಾಡಿದ ಚಿತ್ರದಲ್ಲಿ ವರ್ಚುವಲ್ ಟ್ರೈ-ಆನ್ ಅನುಭವವನ್ನು ನಿಮಗೆ ಒದಗಿಸುವ ಗುರಿಯನ್ನು ಇದು ಹೊಂದಿದೆ.
ಅಪ್ಲೋಡ್ ಮಾಡಿದ ಚಿತ್ರ ಟ್ರೈ-ಆನ್ ಡೇಟಾ
ಲೈವ್ ಕ್ಯಾಮೆರಾ ಟ್ರೈ-ಆನ್ ಡೇಟಾ
ಒಪ್ಪಂದ. ನಮ್ಮ ನಿಯಮಗಳ ಅಡಿಯಲ್ಲಿ ನೀವು ವಿನಂತಿಸಿದ ಸೇವೆಗಳನ್ನು ನಿಮಗೆ ಒದಗಿಸಲು ಈ ಪ್ರಕ್ರಿಯೆಗೊಳಿಸುವಿಕೆ ಅವಶ್ಯಕವಾಗಿದೆ.
ಲೈವ್ ಕ್ಯಾಮೆರಾ ಟ್ರೈ-ಆನ್ ಡೇಟಾವನ್ನು ಸಾಧನದಲ್ಲಿ ಪ್ರಕ್ರಿಯೆಗೊಳಿಸಲಾಗುತ್ತದೆ ಎನ್ನುವುದನ್ನು ಗಮನದಲ್ಲಿಡಿ. ನಾವು ಈ ಮಾಹಿತಿಯನ್ನು ಸ್ವೀಕರಿಸುವುದಿಲ್ಲ.
ಕಮಿಷನ್ ವಿಧಿಸುವಿಕೆ
ನಮ್ಮ Shopping Suite ವೈಶಿಷ್ಟ್ಯವನ್ನು ನೀವು ಬಳಸಿದ ನಂತರ ನಿಮ್ಮ ಖರೀದಿಗಳನ್ನು ಟ್ರ್ಯಾಕ್ ಮಾಡಲು, ಇದರಿಂದಾಗಿ ಪಾಲುದಾರರ ಶಾಪ್ಗೆ ನಾವು ಕಮಿಷನ್ ವಿಧಿಸಬಹುದು
- Shopping Suite ಬಳಕೆದಾರ ID
- ಖರೀದಿ ಮತ್ತು ಹಿಂತಿರುಗಿಸುವಿಕೆ ಡೇಟಾ
ಒಪ್ಪಂದ. ನಮ್ಮ ನಿಯಮಗಳ ಅಡಿಯಲ್ಲಿ ನೀವು ವಿನಂತಿಸಿದ ಸೇವೆಗಳನ್ನು ನಿಮಗೆ ಒದಗಿಸಲು ಈ ಪ್ರಕ್ರಿಯೆಗೊಳಿಸುವಿಕೆ ಅವಶ್ಯಕವಾಗಿದೆ.
ಅನಾಮಧೇಯ ಅಂಕಿಅಂಶಗಳು
ಸೇವಾ ಕಾರ್ಯಕ್ಷಮತೆಯನ್ನು ಅಳೆಯಲು, ಸುಧಾರಣೆಗಳನ್ನು ಚಾಲನೆಗೊಳಿಸಲು ಮತ್ತು ನಮ್ಮ ಪಾಲುದಾರರು ಹಾಗೂ ಇತರರೊಂದಿಗೆ ಹಂಚಿಕೊಳ್ಳಲು ಅಂಕಿಅಂಶಗಳನ್ನು ಸಿದ್ಧಪಡಿಸುವುದಕ್ಕಾಗಿ.
ಎಲ್ಲ (ಅಪ್ಲೋಡ್ ಮಾಡಿದ ಚಿತ್ರಗಳ ಟ್ರೈ-ಆನ್ ಡೇಟಾ ಮತ್ತು ಲೈವ್ ಕ್ಯಾಮೆರಾ ಟ್ರೈ-ಆನ್ ಡೇಟಾ)
ಕಾನೂನುಬದ್ಧ ಹಿತಾಸಕ್ತಿ. ಈ ಪ್ರಕ್ರಿಯೆಗೊಳಿಸುವಿಕೆಯು ಎಲ್ಲರಿಗೂ ಪ್ರಯೋಜನಕಾರಿಯಾಗಿದೆ (ನೀವು ಸೇರಿದಂತೆ). ಅಂಕಿಅಂಶಗಳನ್ನು ಅನಾಮಧೇಯಗೊಳಿಸಲಾಗುತ್ತದೆ ಮತ್ತು ವೈಯಕ್ತಿಕವಲ್ಲದ, ಒಟ್ಟುಗೂಡಿಸಿದ ವಿಧಾನದಲ್ಲಿ ಪ್ರಸ್ತುತಪಡಿಸಲಾಗುತ್ತದೆ.
ಸುಧಾರಣೆ ಮತ್ತು ಅಭಿವೃದ್ಧಿ
ಇದಕ್ಕಾಗಿ ಹೆಚ್ಚುವರಿ ಮಾಹಿತಿಯನ್ನು ಸಂಗ್ರಹಿಸಲು ಅಥವಾ ಇನ್ನಷ್ಟು ಸಾಮಾನ್ಯ ವಿಶ್ಲೇಷಣೆಗಳ ಬಳಕೆಗಾಗಿ ಮತ್ತು Snap ಉತ್ಪನ್ನ ಮತ್ತು ಸೇವೆಯ ಸುಧಾರಣೆ ಮತ್ತು ಅಭಿವೃದ್ಧಿಗಾಗಿ.
- Shopping Suite ಬಳಕೆದಾರ ID
- ಹೆಚ್ಚುವರಿ ಖರೀದಿ ಮತ್ತು ಹಿಂದಿರುಗಿಸುವಿಕೆ ಡೇಟಾ, ಈವೆಂಟ್ ಡೇಟಾ, ತಾಂತ್ರಿಕ ಡೇಟಾ
ಕಾನೂನುಬದ್ಧ ಹಿತಾಸಕ್ತಿ. ಈ ಪ್ರಕ್ರಿಯೆಗೊಳಿಸುವಿಕೆ ನಮಗೆ ಮತ್ತು ನಮ್ಮ ಉತ್ಪನ್ನಗಳು ಹಾಗೂ ಸೇವೆಗಳ ಬಳಕೆದಾರರಿಗೆ ಪ್ರಯೋಜನಕಾರಿಯಾಗಿದೆ. ಪಾಲುದಾರರ ಶಾಪ್ ವೆಬ್ಸೈಟ್ಗಳು, ಆ್ಯಪ್ಗಳಲ್ಲಿ ಒಂದು ವೇಳೆ ನೀವು ಅವಶ್ಯಕವಲ್ಲದ ಕುಕೀಗಳನ್ನು ತಿರಸ್ಕರಿಸಿದರೆ, ಈ ಉದ್ದೇಶಕ್ಕಾಗಿ ಸಂಗ್ರಹಿಸಿದ ಡೇಟಾವನ್ನು ಇದು ಮಿತಿಗೊಳಿಸುತ್ತದೆ.
ಕಾರ್ಪೊರೇಟ್
ಕಾನೂನು (ನಮ್ಮ ಸೇವೆಯ ನಿಯಮಗಳನ್ನು ಜಾರಿಗೊಳಿಸುವುದು ಸೇರಿದಂತೆ), ಸುರಕ್ಷತೆ, ಭದ್ರತೆ, ಲೆಕ್ಕಪರಿಶೋಧನೆ, ಆಡಿಟ್ ಮತ್ತು ವ್ಯವಹಾರ/ಸ್ವತ್ತುಗಳ ಮಾರಾಟ (ಅಥವಾ ಅದಕ್ಕೆ ಸಮನಾದದ್ದು) ಉದ್ದೇಶಗಳಿಗಾಗಿ
ಎಲ್ಲ (ಲೈವ್ ಕ್ಯಾಮೆರಾ ಟ್ರೈ-ಆನ್ ಡೇಟಾ ಹೊರತುಪಡಿಸಿ)
ಕಾನೂನು ಬಾಧ್ಯತೆ ಅಥವಾ ಕಾನೂನುಬದ್ಧ ಹಿತಾಸಕ್ತಿ. ಪ್ರಕ್ರಿಯೆಗೊಳಿಸುವಿಕೆಯು ಇವೆರಡರಲ್ಲಿ ಒಂದಕ್ಕೆ ಸಂಬಂಧಿಸಿರುತ್ತದೆ: (1) ಕಾನೂನಿನ ಅನುಸಾರ ಅಗತ್ಯವಿರುತ್ತದೆ; ಅಥವಾ (2) ನಿಮ್ಮನ್ನು, ನಮ್ಮನ್ನು ಅಥವಾ ಪಾಲುದಾರರ ಅಂಗಡಿಗಳು ಮತ್ತು/ಅಥವಾ ತೃತೀಯ ಪಕ್ಷಗಳನ್ನು (ಉದಾ. ಹೂಡಿಕೆದಾರರು/ಖರೀದಿದಾರರು) ರಕ್ಷಿಸುವ ಕಾನೂನುಬದ್ಧ ಹಿತಾಸಕ್ತಿಗಾಗಿ ಮುಖ್ಯವಾಗಿರುತ್ತದೆ.
ನಿಮ್ಮ ಕುರಿತು ನಾವು ಸಂಗ್ರಹಿಸುವ ವೈಯಕ್ತಿಕ ಮಾಹಿತಿಯನ್ನು ನಾವು ಕೆಲವು ತೃತೀಯ ಪಕ್ಷಗಳೊಂದಿಗೆ ಹಂಚಿಕೊಳ್ಳಬಹುದು:
ಉದ್ದೇಶಗಳು
ತೃತೀಯ ಪಕ್ಷಗಳು
ಯಾಕೆ?
ಡೇಟಾ ಪ್ರವರ್ಗಗಳು
ಎಲ್ಲವೂ
ಸೇವಾ ಪೂರೈಕೆದಾರರು (Snap ಅಂಗಸಂಸ್ಥೆ ಮತ್ತು ಸಹ ಕಂಪನಿಗಳು ಸೇರಿದಂತೆ)
ಮೇಲೆ ವಿವರಿಸಿರುವ ಉದ್ದೇಶಗಳಿಗಾಗಿ ವೈಯಕ್ತಿಕ ಮಾಹಿತಿಯನ್ನು ಪ್ರಕ್ರಿಯೆಗೊಳಿಸುವುದಕ್ಕೆ ಸಹಾಯ ಮಾಡಲು ಈ ತೃತೀಯ ಪಕ್ಷಗಳು ನಮ್ಮ ಪರವಾಗಿ ಕೆಲಸ ಮಾಡುತ್ತವೆ. ಇದು ಡೇಟಾ ವಿಶ್ಲೇಷಣೆ, ಹೋಸ್ಟಿಂಗ್, ಪ್ರಕ್ರಿಯೆಗೊಳಿಸುವಿಕೆ, ಭದ್ರತೆ ಮತ್ತು ಬೆಂಬಲ ಸೇವೆಗಳನ್ನು ಒಳಗೊಂಡಿರಬಹುದು.
ಎಲ್ಲ (ಲೈವ್ ಕ್ಯಾಮೆರಾ ಟ್ರೈ-ಆನ್ ಡೇಟಾ ಹೊರತುಪಡಿಸಿ)
ಕಾನೂನು (ನಮ್ಮ ಸೇವೆಯ ನಿಯಮಗಳನ್ನು ಜಾರಿಗೊಳಿಸುವುದು ಸೇರಿದಂತೆ), ಭದ್ರತೆ, ಅಕೌಂಟಿಂಗ್, ಆಡಿಡ್ ಮತ್ತು ವ್ಯವಹಾರ/ಸ್ವತ್ತುಗಳ ಮಾರಾಟ (ಅಥವಾ ಅದಕ್ಕೆ ಸಮನಾದದ್ದು)
ವಕೀಲರು, ಅಕೌಂಟಂಟ್ಗಳು, ಸಮಾಲೋಚಕರು, ಆಡಿಟರ್ಗಳು, ಖರೀದಿದಾರರು, ನಿಯಂತ್ರಕರು, ನ್ಯಾಯಾಲಯಗಳು ಅಥವಾ ಅದಕ್ಕೆ ಸಮನಾದದ್ದು
ಸಲಹೆ ನೀಡಲು, ಅಪಾಯ/ಮೌಲ್ಯವನ್ನು ನಿರ್ಧರಿಸಲು ಅಥವಾ ಅವರ ಕರ್ತವ್ಯಗಳನ್ನು ಮಾಡಲು ಈ ತೃತೀಯ ಪಕ್ಷಗಳು ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ನೋಡಬೇಕಾಗಬಹುದು. ಇದು ಹೇಗೆ ನಡೆಯುತ್ತದೆ ಎನ್ನುವುದನ್ನು ಅವು ನಿಯಂತ್ರಿಸುತ್ತವೆ, ಆದರೆ ಅವರು ಏನು ಮಾಡಬಹುದು ಎನ್ನುವುದಕ್ಕೆ ಸಂಬಂಧಿಸಿ ಕಾನೂನು ಅಥವಾ ಕರಾರಿನಿಂದ ಮಿತಿಗೊಳಪಟ್ಟಿರುತ್ತಾರೆ.
ಎಲ್ಲ (ಲೈವ್ ಕ್ಯಾಮೆರಾ ಟ್ರೈ-ಆನ್ ಡೇಟಾ ಹೊರತುಪಡಿಸಿ)
ಕುಕೀಗಳು ಮತ್ತು ಇತರ ಟ್ರ್ಯಾಕಿಂಗ್ ವಸ್ತುಗಳು ನಮ್ಮಿಂದ ಅಥವಾ ನಮ್ಮ ಪಾಲುದಾರರ ಶಾಪ್ನ ವೆಬ್ ಸರ್ವರ್ಗಳಿಂದ ಕಳುಹಿಸಲಾಗುವ ಡೇಟಾದ ಸಣ್ಣ ತುಣುಕುಗಳಾಗಿವೆ ಮತ್ತು ನೀವು ಒಂದು ವೆಬ್ಸೈಟ್ ಬ್ರೌಸ್ ಮಾಡುವಾಗ ನಿಮ್ಮ ವೆಬ್ ಬ್ರೌಸರ್ನಿಂದ ನಿಮ್ಮ ಕಂಪ್ಯೂಟರ್ನಲ್ಲಿ ಶೇಖರಣೆ ಮಾಡಲಾಗುತ್ತದೆ. ನೀವು ನಮ್ಮ ಪಾಲುದಾರರ ಅಂಗಡಿಯ ವೆಬ್ಸೈಟ್ಗಳು, ಆ್ಯಪ್ಗಳು, Snapchat ಸ್ಟೋರ್ಗಳು ಅಥವಾ Shopify ಸ್ಟೋರ್ಗಳಲ್ಲಿ ಒಂದನ್ನು ಬ್ರೌಸ್ ಮಾಡಿದಾಗ, ನಮ್ಮ ಕೋಡ್ ಆ ವೆಬ್ಸೈಟ್ನಲ್ಲಿರುವ ಕುಕೀಗಳು ಮತ್ತು ಇತರ ಟ್ರ್ಯಾಕ್ ಮಾಡುವ ವಸ್ತುಗಳನ್ನು ಓದುತ್ತದೆ ಮತ್ತು ಅವುಗಳನ್ನು ನಮ್ಮ ಸಿಸ್ಟಂಗಳಿಗೆ ಕಳುಹಿಸುತ್ತದೆ. ವೆಬ್ಸೈಟ್ಗಳು ಮತ್ತು ಆ್ಯಪ್ಗಳ ಮೂಲಕ ಸೇವೆಗಳನ್ನು ಒದಗಿಸುವ ಕಂಪನಿಗಳಿಗೆ, ಮಾಹಿತಿಯನ್ನು ನೆನಪಿಟ್ಟುಕೊಳ್ಳಲು ಮತ್ತು/ಅಥವಾ ಒಬ್ಬ ಸಂದರ್ಶಕರ ಬ್ರೌಸಿಂಗ್ ಚಟುವಟಿಕೆಯನ್ನು ದಾಖಲಿಸಲು ವಿಶ್ವಾಸಾರ್ಹ ಕಾರ್ಯವಿಧಾನವಾಗಿ ಕುಕೀಗಳು ಮತ್ತು ಇತರ ಟ್ರ್ಯಾಕ್ ಮಾಡುವ ವಸ್ತುಗಳನ್ನು ವಿನ್ಯಾಸಗೊಳಿಸಲಾಗಿದೆ.
ನೀವು ನಮ್ಮ ಪಾಲುದಾರರ ಶಾಪ್ಗಳ ವೆಬ್ಸೈಟ್ಗಳು ಮತ್ತು ಆ್ಯಪ್ಗಳಿಗೆ ಭೇಟಿ ನೀಡಿದಾಗ ಈ ಕೆಳಗಿನ ಕುಕೀಗಳು ಮತ್ತು ಟ್ರ್ಯಾಕಿಂಗ್ ವಸ್ತುಗಳನ್ನು ನಮ್ಮ Shopping Suite ವೈಶಿಷ್ಟ್ಯಗಳು ಶೇಖರಣೆ ಮಾಡಬಹುದು ಅಥವಾ ಪ್ರವೇಶಿಸಬಹುದು. ಅಗತ್ಯವಿರುವಲ್ಲಿ, ನಮ್ಮ ಪಾಲುದಾರರ ಶಾಪ್ಗಳ ಕುಕೀ ಸಮ್ಮತಿ ಕಾರ್ಯವಿಧಾನದ ಮೂಲಕ ನೀವು ಸಮ್ಮತಿ ಒದಗಿಸದ ಹೊರತು ಅವಶ್ಯಕವಲ್ಲದ ಕುಕೀಗಳನ್ನು ನಾವು ಪ್ರವೇಶಿಸುವುದಿಲ್ಲ ಅಥವಾ ಶೇಖರಣೆ ಮಾಡುವುದಿಲ್ಲ.
ಹೆಸರು
ಅದನ್ನು ಯಾವಾಗ ಪ್ರವೇಶಿಸಬಹುದು?
ಪ್ರಕಾರ
ಕಾರ್ಯವೈಶಿಷ್ಟ್ಯ
ಅವಧಿ
sc-ares-sid.[shop domain]
ಮೊದಲ ಪಕ್ಷ: ಈ ಕುಕೀಯನ್ನು ರಚಿಸಲಾದ ಅಂಗಡಿಯ ವೆಬ್ಸೈಟ್ನಿಂದ Snap ಇದನ್ನು ಪ್ರವೇಶಿಸಬಹುದು.
(ಶಾಪ್ ಬಳಕೆದಾರ ID ಯನ್ನು ಕೂಡ ಈ ಕುಕೀಗೆ ಬದಲಿ / ಹೆಚ್ಚುವರಿಯಾಗಿ ವೆಬ್ ಪುಟದಿಂದ ಪ್ರವೇಶಿಸಬಹುದು)
ಅತ್ಯಗತ್ಯ
ನಿರ್ದಿಷ್ಟ ಪಾಲುದಾರರ ಶಾಪ್ನಲ್ಲಿ ನಿಮ್ಮ ಕುರಿತ ಡೇಟಾವನ್ನು ನೆನಪಿಟ್ಟುಕೊಳ್ಳಲು ಮತ್ತು ನೀವು ವಿನಂತಿಸಿದಂತೆ ನಮ್ಮ Shopping Suite ವೈಶಿಷ್ಟ್ಯಗಳನ್ನು ಒದಗಿಸಲು.
ಹಿಂದಿನ ಬಳಕೆಯಿಂದ 13 ತಿಂಗಳುಗಳು
sc-ares-guid
f
ತೃತೀಯ ಪಕ್ಷ: ನೀವು ಯಾವುದೇ ಪಾಲುದಾರರ ಅಂಗಡಿಯ ವೆಬ್ಸೈಟ್ಗೆ ಭೇಟಿ ನೀಡಿದಾಗ ಈ ಕುಕೀಯನ್ನು Snap ಆ್ಯಕ್ಸೆಸ್ ಪ್ರವೇಶಿಸಬಹುದು. ಗಮನಿಸಿ: ನಿಮ್ಮ ಬ್ರೌಸರ್ ಆಧರಿಸಿ, ನಿಮ್ಮ ಬ್ರೌಸರ್ ಸೆಟ್ಟಿಂಗ್ಗಳಲ್ಲಿ ನೀವು ಈ ಕುಕೀಯನ್ನು ಅನುಮತಿಸಬೇಕಾಗಬಹುದು ಇಲ್ಲದಿದ್ದಲ್ಲಿ ಅದನ್ನು ನಿರ್ಬಂಧಿಸಲಾಗುತ್ತದೆ.
(ಶಾಪ್ ಬಳಕೆದಾರ ID ಯನ್ನು ಕೂಡ ಈ ಕುಕೀಗೆ ಬದಲಿ / ಹೆಚ್ಚುವರಿಯಾಗಿ ವೆಬ್ ಪುಟದಿಂದ ಪ್ರವೇಶಿಸಬಹುದು)
ಅತ್ಯಗತ್ಯ
ನಿರ್ದಿಷ್ಟ ಪಾಲುದಾರರ ಶಾಪ್ನಲ್ಲಿ ನಿಮ್ಮ ಕುರಿತ ಡೇಟಾವನ್ನು ನೆನಪಿಟ್ಟುಕೊಳ್ಳಲು ಮತ್ತು ನೀವು ವಿನಂತಿಸಿದಂತೆ ನಮ್ಮ Shopping Suite ವೈಶಿಷ್ಟ್ಯಗಳನ್ನು ಒದಗಿಸಲು.
ಹಿಂದಿನ ಬಳಕೆಯಿಂದ 13 ತಿಂಗಳುಗಳು
sc-ares-uid.[shop domain]
ಪ್ರಥಮ ಪಕ್ಷ: ಈ ಕುಕೀಯನ್ನು ರಚಿಸಲಾದ ಶಾಪ್ ವೆಬ್ಸೈಟ್ನಿಂದ Snap ಪ್ರವೇಶಿಸಬಹುದು.
( ಶಾಪ್ ಬಳಕೆದಾರ ID ಯನ್ನು ಈ ಕುಕೀಗೆ ಬದಲಿ / ಹೆಚ್ಚುವರಿಯಾಗಿ ವೆಬ್ ಪುಟದಿಂದ ಕೂಡ ಪ್ರವೇಶಿಸಲ್ಪಡಬಹುದು)
ಅತ್ಯಗತ್ಯ
ನಮ್ಮ Shopping Suite ವೈಶಿಷ್ಟ್ಯಗಳನ್ನು ಬಳಸಿಕೊಂಡ ನಂತರ ನೀವು ಮಾಡುವ ಖರೀದಿಗಳನ್ನು ಟ್ರ್ಯಾಕ್ ಮಾಡಲು, ಇದರಿಂದಾಗಿ ನಾವು ಪಾಲುದಾರರ ಶಾಪ್ಗೆ ಕಮಿಷನ್ ವಿಧಿಸಬಹುದು.
ಕೊನೆಯ ಬಳಕೆಯಿಂದ 40 ದಿನಗಳು
sc-ares-merchant-uid[shop domain]
ಪ್ರಥಮ ಪಕ್ಷ: ಈ ಕುಕೀಯನ್ನು ರಚಿಸಲಾದ ಶಾಪ್ ವೆಬ್ಸೈಟ್ನಿಂದ Snap ಅದನ್ನು ಪ್ರವೇಶಿಸಬಹುದು (ವೆಬ್ಸೈಟ್ ಕುಕೀ ಸಮ್ಮತಿ ಕಾರ್ಯವಿಧಾನವನ್ನು ಹೊಂದಿರುವಲ್ಲಿ ನೀವು ಸಮ್ಮತಿಯನ್ನು ನಿರಾಕರಿಸದ ಹೊರತು).
(ಶಾಪ್ ಬಳಕೆದಾರ ID ಯನ್ನು ಕೂಡ ಈ ಕುಕೀಗೆ ಬದಲಿ / ಹೆಚ್ಚುವರಿಯಾಗಿ ವೆಬ್ ಪುಟದಿಂದ ಪ್ರವೇಶಿಸಬಹುದು)
ಅವಶ್ಯಕವಲ್ಲದ ವಿಶ್ಲೇಷಣೆಗಳು
ಸಾಮಾನ್ಯ ವಿಶ್ಲೇಷಣೆಗಳು ಹಾಗೂ Snap ಉತ್ಪನ್ನ ಮತ್ತು ಸೇವೆಗಳ ಸುಧಾರಣೆ ಮತ್ತು ಅಭಿವೃದ್ಧಿಗಾಗಿ ನಿರ್ದಿಷ್ಟ ಪಾಲುದಾರರ ಶಾಪ್ನಲ್ಲಿ ನಿಮ್ಮ ಶಾಪಿಂಗ್ ವರ್ತನೆಯ ಕುರಿತ ಹೆಚ್ಚುವರಿ ಅವಶ್ಯಕವಲ್ಲದ ಡೇಟಾವನ್ನು ನೆನಪಿಟ್ಟುಕೊಳ್ಳಲು
ಹಿಂದಿನ ಬಳಕೆಯಿಂದ 13 ತಿಂಗಳುಗಳು
ಕೊನೆಯ ಬಾರಿ ಬಳಕೆಯಿಂದ 13 ತಿಂಗಳುಗಳ ನಂತರ ನಾವು ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ಅಳಿಸುತ್ತೇವೆ ಅಥವಾ ಅನಾಮಧೇಯಗೊಳಿಸುತ್ತೇವೆ, ಇವುಗಳನ್ನು ಹೊರತುಪಡಿಸಿ:
ಕಾರ್ಯಾಚರಣೆಯ ಕಾರಣಗಳಿಗಾಗಿ ತಾತ್ಕಾಲಿಕವಾಗಿ ಸಂಗ್ರಹಣೆ ಮಾಡಿರುವ, ಹ್ಯಾಶ್ ಮಾಡದ IP ವಿಳಾಸಗಳು.
ಉತ್ಪನ್ನವನ್ನು ತೋರಿಸುವ ಚಿತ್ರವನ್ನು ಒದಗಿಸಿದ ಬಳಿಕ ತಕ್ಷಣವೇ ಅಳಿಸಲಾಗುವ, ಅಪ್ಲೋಡ್ ಮಾಡಿದ ಚಿತ್ರಗಳ ಟ್ರೈ-ಆನ್ ಡೇಟಾ.
ಸಾಧನದಲ್ಲಿ ಪ್ರಕ್ರಿಯೆಗೊಳಿಸುವ ಮತ್ತು ನಾವು ಪ್ರವೇಶಿಸದ, ಲೈವ್ ಕ್ಯಾಮೆರಾ ಟ್ರೈ-ಆನ್ ಡೇಟಾ
ಕೊನೆಯ ಬಳಕೆಯಿಂದ 40 ದಿನಗಳ ನಂತರ ಅನಾಮಧೇಯಗೊಳಿಸಲಾಗುವ, ಕಮಿಷನ್ ವಿಧಿಸುವ ಏಕೈಕ ಉದ್ದೇಶಕ್ಕಾಗಿ Shopping Suite ಬಳಕೆದಾರ ID ಗಳ ಜೊತೆ ಸಂಗ್ರಹಿಸಲಾಗುವ ಖರೀದಿ ಮತ್ತು ಹಿಂತಿರುಗಿಸುವಿಕೆ ಡೇಟಾ (ಗಮನಿಸಿ: ಈ ವೈಶಿಷ್ಟ್ಯವು ಖರೀದಿ ಮತ್ತು ಹಿಂತಿರುಗಿಸುವಿಕೆ ಡೇಟಾದ ಬಳಕೆಯನ್ನು ಕೂಡ ಮಾಡುವುದರಿಂದ ಮತ್ತು ಕೊನೆಯ ಬಳಕೆಯಿಂದ 13 ತಿಂಗಳುಗಳ ನಂತರ ಅಳಿಸುವುದರಿಂದ ಅಥವಾ ಅನಾಮಧೇಯಗೊಳಿಸುವುದರಿಂದ, ನೀವು ನಮ್ಮ ಗಾತ್ರ ಮತ್ತು ಸ್ಟೈಲ್ ಶಿಫಾರಸುಗಳನ್ನು ವಿನಂತಿಸಿದರೆ ಇದು ಅನ್ವಯಿಸುವುದಿಲ್ಲ.)
ನಮ್ಮ ಸಿಸ್ಟಂಗಳು ಅಳಿಸುವಿಕೆ ಮತ್ತು ಅನಾಮಧೇಯಗೊಳಿಸುವಿಕೆಯನ್ನು ಸ್ವಯಂಚಾಲಿತವಾಗಿ ನಡೆಸುವಂತೆ ವಿನ್ಯಾಸಗೊಳಿಸಲ್ಪಟ್ಟಿದ್ದರೂ ಸಹ, ನಿರ್ದಿಷ್ಟ ಸಮಯ ಚೌಕಟ್ಟಿನೊಳಗೆ ಅಳಿಸುವಿಕೆ ಮತ್ತು ಅನಾಮಧೇಯಗೊಳಿಸುವಿಕೆ ನಡೆಯದಿರುವ ಸಂದರ್ಭಗಳು ಇರಬಹುದು ಎನ್ನುವುದನ್ನು ಗಮನದಲ್ಲಿ ಇಟ್ಟುಕೊಳ್ಳಿ. ನಿಮ್ಮ ಡೇಟಾವನ್ನು ಶೇಖರಣೆ ಮಾಡಬೇಕಾದ ಕಾನೂನು ಅಗತ್ಯಗಳು ಇರಬಹುದು ಮತ್ತು ಮಾಹಿತಿಯನ್ನು ಸಂರಕ್ಷಿಸುವಂತೆ ನಮ್ಮನ್ನು ಕೋರಿದ ಮಾನ್ಯವಾದ ಕಾನೂನು ಪ್ರಕ್ರಿಯೆಗಳನ್ನು ಸ್ವೀಕರಿಸಿದರೆ ಅಥವಾ ಸೇವೆಯ ನಿಯಮಗಳ ಉಲ್ಲಂಘನೆಗಳ ವರದಿಗಳನ್ನು ನಾವು ಸ್ವೀಕರಿಸಿದರೆ ಆ ಅಳಿಸುವಿಕೆ ಅಭ್ಯಾಸಗಳನ್ನು ನಾವು ಅಮಾನತುಗೊಳಿಸಬೇಕಾಗಬಹುದು. ಅಂತಿಮವಾಗಿ, ನಾವು ಕೆಲವು ಮಾಹಿತಿಯನ್ನು ಬ್ಯಾಕ್ಅಪ್ನಲ್ಲಿ ಸೀಮಿತ ಅವಧಿಗೆ ಅಥವಾ ಕಾನೂನಿನ ಅಗತ್ಯಕ್ಕೆ ಅನುಸಾರವಾಗಿಯೂ ಉಳಿಸಿಕೊಳ್ಳಬಹುದು.
ನಮ್ಮ Shopping Suite ವೈಶಿಷ್ಟ್ಯಗಳು ಶಾಪ್ ವೆಬ್ಸೈಟ್ಗಳು ಮತ್ತು ಆ್ಯಪ್ಗಳ ಒಳಗೆ ಕಾರ್ಯನಿರ್ವಹಿಸುತ್ತವೆ. ಈ ಸೈಟ್ಗಳು ಮತ್ತು ಆ್ಯಪ್ಗಳು ವೈಯಕ್ತಿಕ ಮಾಹಿತಿಯನ್ನು ಸಂಗ್ರಹಿಸಬಹುದು ಮತ್ತು/ಅಥವಾ ನಮ್ಮ ಸೇವೆಗಳಿಂದ ಸ್ವತಂತ್ರವಾಗಿ, ನಿಮ್ಮ ಕಂಪ್ಯೂಟರ್ನಲ್ಲಿ ತಮ್ಮದೇ ಆದ ಕುಕೀಗಳನ್ನು ಇರಿಸಬಹುದು. ನಾವು ಈ ಶಾಪ್ ವೆಬ್ಸೈಟ್ಗಳು ಮತ್ತು ಆ್ಯಪ್ಗಳನ್ನು ನಿಯಂತ್ರಿಸುವುದಿಲ್ಲ ಮತ್ತು ಅವರ ಅಭ್ಯಾಸಗಳನ್ನು ಅರ್ಥಮಾಡಿಕೊಳ್ಳಲು ನೀವು ಅವರ ಗೌಪ್ಯತೆ ನೀತಿಗಳನ್ನು ಪರಿಶೀಲಿಸಬೇಕು.
ನಿಮ್ಮ ಡೇಟಾವನ್ನು ನಿಮ್ಮ ದೇಶದ ಹೊರಗೆ ನಿಮ್ಮ ವೈಯಕ್ತಿಕ ಮಾಹಿತಿಗಾಗಿ ಅದೇ ಮಟ್ಟದ ರಕ್ಷಣೆಯನ್ನು ಹೊಂದಿರದ ಸ್ಥಳಗಳಿಗೆ ವರ್ಗಾಯಿಸಬಹುದು. ಹೀಗಾದಲ್ಲಿ, ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ರಕ್ಷಿಸಲು ಕಾನೂನು ಒದಗಿಸಿರುವ ಪರ್ಯಾಯ ಕಾರ್ಯವಿಧಾನಗಳನ್ನು ನಾವು ಬಳಸುತ್ತೇವೆ. ಹೆಚ್ಚಿನ ಮಾಹಿತಿಯನ್ನು ನಮ್ಮ Snap ಗೌಪ್ಯತಾ ನೀತಿಯಲ್ಲಿ ಒದಗಿಸಲಾಗಿದೆ.
ವಿಶ್ವಾದ್ಯಂತದ ಗೌಪ್ಯತೆ ಕಾನೂನುಗಳು ಬಳಕೆದಾರರಿಗೆ ತಮ್ಮ ವೈಯಕ್ತಿಕ ಮಾಹಿತಿಯನ್ನು ನಿರ್ವಹಿಸುವ ನಿಯಂತ್ರಣದ ಹಕ್ಕನ್ನು ನೀಡುತ್ತವೆ. ಇವುಗಳಲ್ಲಿ ಈ ಕೆಳಗಿನವು ಸೇರಿರಬಹುದು:
ಮಾಹಿತಿ. ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ಹೇಗೆ ಬಳಸಲಾಗುತ್ತದೆ ಎನ್ನುವುದನ್ನು ತಿಳಿದುಕೊಳ್ಳುವ ಹಕ್ಕು
ಪ್ರವೇಶಾವಕಾಶ. ನಿಮ್ಮ ವೈಯಕ್ತಿಕ ಮಾಹಿತಿಯ ಒಂದು ಪ್ರತಿಯನ್ನು ಪಡೆಯುವ ಹಕ್ಕು
ತಿದ್ದುಪಡಿ. ನಾವು ನಿಮ್ಮ ಕುರಿತು ಹೊಂದಿರುವ ತಪ್ಪಾದ ವೈಯಕ್ತಿಕ ಮಾಹಿತಿಯನ್ನು ತಿದ್ದುಪಡಿ ಮಾಡುವ ಹಕ್ಕು.
ಅಳಿಸುವಿಕೆ. ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ಅಳಿಸುವ ಹಕ್ಕು.
ಆಕ್ಷೇಪಣೆ. ನೇರ ಮಾರ್ಕೆಟಿಂಗ್ ಸೇರಿದಂತೆ, ನಿಮ್ಮ ವೈಯಕ್ತಿಕ ಮಾಹಿತಿಯ ಬಳಕೆಯನ್ನು ಆಕ್ಷೇಪಿಸುವ ಹಕ್ಕು.
ತಾರತಮ್ಯ ಮಾಡದಿರುವಿಕೆ. ನೀವು ನಿಮ್ಮ ಹಕ್ಕುಗಳನ್ನು ಚಲಾಯಿಸಿದಾಗ ನಾವು ನಿಮ್ಮ ವಿರುದ್ಧ ಪ್ರತೀಕಾರ ಕೈಗೊಳ್ಳುವುದಿಲ್ಲ.
ನಿಮ್ಮ ರಾಜ್ಯ ಅಥವಾ ಪ್ರದೇಶದಲ್ಲಿ ನೀವು ಇತರ ನಿರ್ದಿಷ್ಟ ಗೌಪ್ಯತೆ ಹಕ್ಕುಗಳನ್ನು ಹೊಂದಿರಬಹುದು. ಉದಾಹರಣೆಗೆ, ಯುನೈಟೆಡ್ ಸ್ಟೇಟ್ಸ್ನಲ್ಲಿ, ಕ್ಯಾಲಿಫೋರ್ನಿಯಾ ಮತ್ತು ಇತರ ರಾಜ್ಯಗಳ ನಿವಾಸಿಗಳು ನಿರ್ದಿಷ್ಟ ಗೌಪ್ಯತೆ ಹಕ್ಕುಗಳನ್ನು ಹೊಂದಿದ್ದಾರೆ. ಯುರೋಪಿಯನ್ ಆರ್ಥಿಕ ಪ್ರದೇಶ (EEA), UK, ಬ್ರೆಜಿಲ್ ಮತ್ತು ರಿಪಬ್ಲಿಕ್ ಆಫ್ ಕೊರಿಯಾ ಮತ್ತು ಇತರ ಅಧಿಕಾರ ವ್ಯಾಪ್ತಿಗಳಲ್ಲಿನ ಜನರು ನಿರ್ದಿಷ್ಟ ಹಕ್ಕುಗಳನ್ನು ಕೂಡ ಹೊಂದಿದ್ದಾರೆ. ಹೆಚ್ಚಿನ ಮಾಹಿತಿಗಾಗಿ ಅಥವಾ ನಿಮ್ಮಲ್ಲಿ ಪ್ರಶ್ನೆಗಳಿದ್ದರೆ ಅಥವಾ ನಿಮ್ಮ ಹಕ್ಕುಗಳನ್ನು ಚಲಾಯಿಸಲು ಬಯಸಿದ್ದರೆ ನಮ್ಮನ್ನು ಸಂಪರ್ಕಿಸಲು Snap ಗೌಪ್ಯತಾ ನೀತಿಯನ್ನು ನೋಡಿ. ನಿರ್ದಿಷ್ಟವಾಗಿ, ರಾಜ್ಯ ಮತ್ತು ಪ್ರಾಂತ್ಯಕ್ಕೆ ನಿರ್ದಿಷ್ಟವಾದ ಬಹಿರಂಗಪಡಿಸುವಿಕೆಗಳ ಅವಲೋಕನವನ್ನು ನಾವು ಇಲ್ಲಿ ಇರಿಸುತ್ತೇವೆ.
ಪಾಲುದಾರರ ಶಾಪ್ ವೆಬ್ಸೈಟ್ಗಳು ಮತ್ತು ಆ್ಯಪ್ಗಳಲ್ಲಿ ನಮ್ಮ Shopping Suite ವೈಶಿಷ್ಟ್ಯಗಳನ್ನು ಬಳಸಲು, ನೀವು ಹೀಗೂ ಮಾಡಬಹುದು:
ನಿಮ್ಮ ಬ್ರೌಸರ್ ಸೆಟ್ಟಿಂಗ್ಗಳ ಮೂಲಕ ನಿಮ್ಮ ಸಾಧನದಲ್ಲಿ ಶೇಖರಣೆಯಾಗಿರುವ ನಮ್ಮ ಕುಕೀಗಳನ್ನು ಅಳಿಸಿ.
Fit Finder ವೈಶಿಷ್ಟ್ಯಕ್ಕಾಗಿ ಡೇಟಾ ಸಂಗ್ರಹಿಸುವುದನ್ನು ನಿಲ್ಲಿಸುವಂತೆ ನಮ್ಮನ್ನು ಕೇಳಿ ಮತ್ತು ನಮ್ಮ Fit Finder ವೈಶಿಷ್ಟ್ಯಗಳಲ್ಲಿ 'ಪ್ರೊಫೈಲ್ ತೆರವುಗೊಳಿಸಿ' ಸೆಟ್ಟಿಂಗ್ ಮೂಲಕ ನಿಮ್ಮ ಶಾಪರ್ ಪ್ರೊಫೈಲ್ ಅಳಿಸಿ. ಮತ್ತೊಮ್ಮೆ ಸೇವೆಯನ್ನು ಬಳಸಿಕೊಂಡು ಯಾವುದೇ ಸಮಯದಲ್ಲಿ ನೀವು ಒಂದು ಹೊಸ ಪ್ರೊಫೈಲ್ ಸೃಷ್ಟಿಸಬಹುದು ಮತ್ತು ಡೇಟಾ ಸಂಗ್ರಹಣೆಯನ್ನು ಮರುಆರಂಭಿಸಬಹುದು.
ಈ ಫಾರ್ಮ್ ಮೂಲಕ Shopping Suite ನಿಂದ ಬಳಸಿದ ನಿಮ್ಮ ವೈಯಕ್ತಿಕ ಡೇಟಾವನ್ನು ಅಳಿಸುವಂತೆ ನಮ್ಮನ್ನು ಕೇಳಿ.
ನೀವು ಹಲವು ಬ್ರೌಸರ್ಗಳು ಮತ್ತು ಸಾಧನಗಳಲ್ಲಿ Shopping Suite ವೈಶಿಷ್ಟ್ಯಗಳನ್ನು ಬಳಸಿದ್ದರೆ, ಪ್ರತಿ ಸಾಧನದಲ್ಲಿನ ಪ್ರತಿ ಬ್ರೌಸರ್ಗೆ ಈ ನಿಯಂತ್ರಣಗಳನ್ನು ಪ್ರತ್ಯೇಕವಾಗಿ ಅನ್ವಯಿಸಬೇಕಾಗಬಹುದು ಎನ್ನುವುದನ್ನು ದಯವಿಟ್ಟು ಗಮನಿಸಿ.
ನಮ್ಮ Shopping Suite ವೈಶಿಷ್ಟ್ಯಗಳು—13 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರಿಗಾಗಿ ಉದ್ದೇಶಿತವಾಗಿಲ್ಲ—ಮತ್ತು ನಾವು ಅವುಗಳನ್ನು ಅವರಿಗಾಗಿ ನಿರ್ದೇಶಿಸುವುದಿಲ್ಲ. ವಯಸ್ಕರು ಮಕ್ಕಳಿಗಾಗಿ Shopping Suite ವೈಶಿಷ್ಟ್ಯಗಳನ್ನು ವಿನಂತಿಸಬಹುದು, ಆದರೆ ಸಂಬಂಧಿಸಿದ ಡೇಟಾ (ಶಾಪರ್ ಪ್ರೊಫೈಲ್ ಸೇರಿದಂತೆ), ಸೇವೆಯನ್ನು ಕೋರುವ ವಯಸ್ಕರೊಂದಿಗೆ ಸಂಯೋಜಿಸಲ್ಪಡುತ್ತದೆ. 13 ಕ್ಕಿಂತ ಕಡಿಮೆ ವಯಸ್ಸಿನ ಯಾರಿಂದಲೂ ನಾವು ತಿಳಿದಿದ್ದೂ ವೈಯಕ್ತಿಕ ಮಾಹಿತಿಯನ್ನು ಸಂಗ್ರಹಿಸುವುದಿಲ್ಲ.
ಸಂಪರ್ಕ ಮತ್ತು ದೂರುಗಳು
ಈ ಗೌಪ್ಯತೆ ಸೂಚನೆ ಅಥವಾ ನಿಮ್ಮ ಗೌಪ್ಯತೆ ಹಕ್ಕುಗಳ ಕುರಿತು ನೀವು ಯಾವುದೇ ಪ್ರಶ್ನೆಗಳನ್ನು ಹೊಂದಿದ್ದರೆ, Snap ಗೌಪ್ಯತಾ ನೀತಿಯಲ್ಲಿನ ಲಿಂಕ್ ಬಳಸಿಕೊಂಡು ನೀವು ನಮ್ಮನ್ನು ಸಂಪರ್ಕಿಸಬಹುದು.
ನಿಮ್ಮ ವಿನಂತಿಗೆ ನಾವು ಸಮರ್ಪಕವಾಗಿ ಉತ್ತರಿಸಿದ್ದೇವೆ ಎಂದು ಒಂದು ವೇಳೆ ನೀವು ಭಾವಿಸದಿದ್ದಲ್ಲಿ, ನಿಮ್ಮ ದೇಶದಲ್ಲಿ ಗೌಪ್ಯತೆ ಮತ್ತು ಡೇಟಾ ರಕ್ಷಣೆಗಾಗಿ ಜವಾಬ್ದಾರರಾಗಿರುವ ಮೇಲ್ವಿಚಾರಣಾ ಪ್ರಾಧಿಕಾರ ಅಥವಾ ಇತರ ಸಂಬಂಧಿತ ಸರ್ಕಾರಿ ಪ್ರಾಧಿಕಾರವನ್ನು ಸಹ ನೀವು ಸಂಪರ್ಕಿಸಬಹುದು.