Jekk tgħix ġewwa l-Istati Uniti tal-Amerka qed taqbel mat-Termini ta' Snap Inc. Lens Studio misjuba hawn.

Jekk tgħix barra l-Istati Uniti, qed taqbel mat-Termini ta' Snap Group Limited Lens Studio li jinsabu hawn.

JEKK JOGĦĠBOK INNOTA LI: FTIT IKTAR 'IL QUDDIEM F'DAWN IT-TERMINI HEMM DISOPIŻZZJONI TAL-ARBITRAĠĠ. ĦLIEF GĦAL ĊERTI TIPI TA’ TWISSIJIET MSEMMIJA FL-ARBITRAĠĠ TAT-TERMINI TAS-SERVIZZ TA' SNAP INC., INTI U SNAP INC. TAQBLU LI T-TILWIM TA' BEJNIETKOM JINQATA' B'ARBITRAĠĠ OBBLIGATORJU U LI INTI U SNAP INC. TIĊĦDU KULL JEDD LI TIEĦDU SEHEM F'KAWŻA JEW ARBITRAĠĠ BI PROĊEDIMENTI KOLLETTIVI.

Jekk jogħġbok aqra dawn it-Termini ta' Snap Group Limited Lens Studio (“Termini”) bir-reqqa. Dawn it-Termini jiffurmaw kuntratt legalment vinkolanti bejnek (jew l-organizzazzjoni tiegħek) u Snap Group Limited ("Snap"), u jirregolaw is-sottomissjoni tiegħek ta' Lenti ("Lenti"), ikona tal-Lenti, u komponenti relatati (kollettivament, il-materjali li tissottometti huma l-"Assi") permezz ta' Lens Studio. Il-prodotti u s-servizzi msemmija f'dawn it-Termini huma “Servizzi” skont it-tifsira mogħtija lilhom mit-Termini tas-Servizz ta' Snap Inc.. Jekk tgħix ġewwa l-Istati Uniti tal-Amerka jew jekk qed tuża s-Servizzi f'isem negozju bbażat ġewwa l-Istati Uniti tal-Amerka, dawn it-Termini jirregolaw is-sottomissjoni tiegħek. Jekk tgħix barra l-Istati Uniti tal-Amerka jew qed tuża s-Servizzi f'isem negozju bbażat barra l-Istati Uniti tal-Amerka, it-Termini ta' Snap Group Limited Lens Studio huma dawk li jgħoddu għalik

Jekk jogħġbok stampa kopja ta' dawn it-Termini u żommhom għar-referenza tiegħek. Biex tibgħat l-Assi jeħtieġlek taqbel mal-Ftehim tal-Liċenzja ta' Snap Inc. Lens Studio li jiġi ppreżentat lilek meta tniżżel jew inkella taċċessa l-Lens Studio (“Softwer tal-Lenti”). Jekk ma taqbilx ma' dawn it-Termini, la għandek tniżżel u lanqas tiftaħ is-Software tal-Lenti u lanqas m'għandek tibgħat l-Assi. Jaf nitolbuk tidħol bil-kont ta' Snapchat tiegħek biex tibgħat l-Assi.

Dawn it-Termini jinkorporaw b'referenza, it-Termini tas-Servizz ta' Snap Inc., ir-Regoli tal-Komunità, il-Linji Gwida tad-Ditta ta' Snapchat, il-Linji Gwida ta' Kif Tuża Snapcode u l-Linji Gwida għall-Kontenut Mibgħut fuq Lens Studio u għalhekk aqra kull dokument bir-reqqa. Fost affarijiet oħra dan ifisser li l-Assi li tibgħat jaqgħu taħt iċ-ċaħdiet u l-limitazzjonijiet tar-responsabbiltà msemmija fit-Termini tas-Servizz ta' Snap Inc. Jekk jogħġbok aqra l-Politika tal-Privatezza tagħna wkoll biex issir taf kif nipproċessaw l-informazzjoni meta tuża s-Servizzi. Inti taqbel li nistgħu niġbru, nużaw, u naqsmu l-informazzjoni tiegħek kif deskritt f'dik il-politika u kwalunkwe aġġornament għal dik il-politika. Jekk dawn it-Termini b'xi mod ma jaqblux mat-Termini tas-Servizz ta' Snap Inc., mat-Termini tal-Komunità, mal-Linji Gwida tad-Ditta ta' Snapchat, mal-Linji Gwida ta' Kif Tuża Snapcode jew mal-Linji Gwida għall-Kontenut Mibgħut fuq Lens Studio, dawn it-Termini se jirregolaw.

Inti tafferma li għandek mill-inqas 18-il sena (jew l-età fejn titqies maġġorenni fil-post fejn tgħix) u li int kompetenti u awtorizzat li taqbel ma' u tosserva dawn it-Termini. Jekk tixtieq tibgħat xi Assi u għadek taħt l-età, teħtieġ permess ċar mingħand il-ġenituri tiegħek.

Int taqbel li l-kliem “int” u “tiegħek” kif jintużaw f'dawn ir-Regoli jgħoddu, skont il-każ, kemm għalik kif ukoll għan-negozju tiegħek.

Inti tagħti lil Snap u lill-affiljati tagħna liċenzja dinjija mhux esklussiva, mhux ristretta, inkondizzjonata, illimitata, trasferibbli, subliċenzjabbli, irrevokabbli, royalty-free, narkivjaw, nikkupjaw, naħżnu kopja temporanja, nikkodifikaw, naħżnu, nikkuppjaw, nirreġistraw, inbigħu, noħorġu liċenzja għal ħaddieħor, inqassmu, nibagħtu, inxandru, nissinkronizzaw, naddattaw, neditjaw, nibdlu, nuru pubblikament, inwettqu pubblikament, nippubblikaw, nippubblikaw mill-ġdid, nirriklamaw, nuru, noħolqu xogħlijiet imsejsa fuq u nużaw b'kull mod ieħor l-Assi fuq, jew b'rabta mas-Servizzi u mar-riklami, mat-tiswiq u mar-riklamar tagħhom b'kull format, mod jew mezz tax-xandir magħruf jew li jista' jinħoloq iktar 'il quddiem; b'kull teknoloġija jew tagħmir magħrufa jew li jinħolqu iktar 'il quddiem. Dil-liċenzja tiġbor fiha l-jedd li Snap u l-imsieħba tagħna jagħtu l-Assi lill-utenti ta' Snapchat u servizzi oħra, biex l-Assi jinqasmu minn dawk l-utenti u biex jerfgħu l-Assi fuq it-tagħmir tagħhom. Il-liċenzja biex l-Assi jkunu disponibbli fis-Servizzi testendi għal 90 jum wara d-data meta jintemm il-ħin tal-eżekuzzjoni tal-Lenti fuq is-Servizzi, sabiex inkunu nistgħu nwasslu Snaps li jinkludu l-Lenti. Il-liċenzja testendi b'mod perpetwu għall-għanijiet limitati ta’ reklamar, kummerċjalizzazzjoni, u promozzjoni tas-Servizzi, u għal Memorji fuq Snapchat.

Jekk iddaħħal xi isem, marka kummerċjali, xebh, ritratt, stampa, kompożizzjoni tal-użika, lirika, effetti tal-ħoss, reġistrazzjoni tal-ħoss, koreografija jew xi materjal ieħor (magħrufa bħala “Elementi Oħra”) fl-Assi, taqbel li dil-liċenzja tingħata wkoll għall-Elementi l-Oħra kollha.

Inti tirrikonoxxi li partijiet terzi jistgħu jużaw l-Assi għal skopijiet jew b'modi oħra milli kont antiċipat. Inti taqbel li użi bħal dawn jikkostitwixxu kontenut iġġenerat mill-utent li għalih la Snap u lanqas l-affiljati tagħna ma għandhom l-ebda responsabbiltà. Inti taqbel li la Snap u lanqas l-affiljati tagħna ma huma responsabbli għal xi pretensjonijiet jew telf ibbażati fuq jew li jirriżultaw minn kwalunkwe kontenut iġġenerat mill-utent, inkluż kontenut li jagħmel użu mill-Assi, kemm fis-Servizzi jew lil hinn.

Int tifhem u taqbel li Snap u l-imsieħba tagħna għandhom il-jeddijiet kollha marbuta mas-servizz Lentijiet, fosthom Lens Studio, Lens Software u kull għodda kreattiva oħra li nistgħu nagħtuk biex toħloq l-Assi (bħall-mudelli jew il-Bitmoji).

Inti taqbel li la Snap u lanqas l-affiljati tagħna ma huma taħt l-ebda obbligu li jħallsu lilek jew lil xi parti terza xi konsiderazzjoni jew kumpens għall-Assi jew kwalunkwe użu tal-Assi. Sal-limitu permissibbli mil-liġi, inti tirrinunzja b'mod irrevokabbli—jew taqbel li ma tasserixxix kontra Snap jew l-affiljati tagħna sal-punt li ma tkunx permessa rinunzja—kwalunkwe drittijiet morali jew drittijiet ekwivalenti li jista' jkollok fl-Assi madwar id-dinja.

Int tifhem u taqbel li Snap għandha l-jedd (imma mhux l-obbligu) li tgħarfek bħala l-ħallieq tal-Assi jew li l-Assi marbuta mal-kont tiegħek billi tippubblika dettalji bħal ismek, isem in-negozju tiegħek (jekk ikun il-każ), isem il-Lenti, l-isem tal-utent tal-kont ta' Snapchat jew il-laqam tiegħek fuq il-pjattaforma u l-belt, l-istat u l-pajjiż tiegħek.

L-Assi għandhom jimxu mal-Linji Gwida tal-Kontenut ta' Lens Studio u l-Linji Gwida tal-Komunità u għandhom ikunu addattati għan-nies minn 13-il sena 'l fuq.

Nistgħu nibagħtulek notifiki elettroniċi dwar is-sottomissjoni tiegħek, dwar il-prodott Lens, jew dwar il-prodotti jew is-servizzi l-oħra tagħna, billi nużaw l-informazzjoni ta' kuntatt sottomessi minnek, jew marbuta mal-kont Snapchat tiegħek, kif applikabbli. Billi tissottometti Assi inti tagħti l-kunsens li tirċievi mingħand Snap u l-affiljati tagħna l-komunikazzjonijiet elettroniċi deskritti f'dawn it-Termini.

Int taqbel li kull xorta ta' ftehim, avviż, informazzjoni u messaġġ li nibagħtulek b'mod elettroniku jista' jitqies bil-liġi bħallikieku kien messaġġ mibgħut bil-miktub.

L-Assi għandhom jikkonformaw mar-rekwiżiti tekniċi magħmula disponibbli minn Snap. Aħna ma niggarantixxux il-kunsinna tal-Lenti u ma niggarantixxux li xi ħadd jagħżel li juża l-Lenti.

Wara li tibgħat l-Assi, snap tista' tagħtik kodiċi li jista' jiġi skennjat (“Snapcode”). L-użu ta' dan lis-Snapcode għandu jikkonforma mall-Linji Gwida tad-Ditta ta' Snapchat u mal-Linji Gwida dwar l-użu ta' Snapcode.

L-utenti ta' Snapchat se jingħataw l-għażla li jaċċessaw il-Lenti billi jiskennjaw l-iSnapcode jew permezz ta' mezzi oħra pprovduti minn Snap (kull wieħed, "jiftaħ"). Kwalunkwe utent ta' Snapchat jista' jiftaħ il-Lenti.

Snap tirriżerva d-dritt li tiddiżattiva l-ftuħ u tidderieġi mill-ġdid il-ftuħ, kull wieħed fid-diskrezzjoni unika ta' Snap. Snap għandha l-jedd li tiċħad jew tikkanċella Lenti meta trid, anki wara li tkun ħarġitilha Snapcode, jekk int jew il-Lenti tkunu qed tiksru t-termini jew il-linji gwida tagħna jew għal kull raġuni oħra skont ma jidhrilha hi.

Snap tista' tagħtik l-għażla li tehmeż sejħa għall-għemil mal-Lenti li meta tagħmel swipe-up tiftaħ paġna, il-ħanut tiegħek fuq is-Servizzi tan-Negozji ta' Snap jew xi kontenut ieħor. Kull sejħa għall-għemil se tkun parti mil-Assi.

Snap tista', fid-diskrezzjoni tagħha, taqsam l-informazzjoni miegħek dwar kif qed tintuża l-Lenti. Sakemm ma nagħtukx permess ċar bil-miktub, ma tistax tuża dik l-informazzjoni għal għanijiet kummerċjali.

Jekk tuża l-Lentijiet jew xi parti mis-Servizzi bħala parti minn lotterija, kompetizzjoni, offerta jew promozzjoni oħra (kull waħda magħrufa bħala “Offerta”), inti unikament responsabbli għall-konformità mal-liġijiet, ir-regoli u r-regolamenti applikabbli kollha kull fejn tiġi offruta l-Promozzjoni tiegħek, kif ukoll mar-Regoli tal-Promozzjonijiet tagħna. Sakemm ma naqblux espressament mod ieħor bil-miktub, la Snap u lanqas l-affiljati tagħna mhux ser ikunu sponsors jew amministraturi tal-Promozzjoni tiegħek.

Minbarra l-istqarrijiet u l-garanziji li tagħti skont it-Termini tas-Servizz ta' Snap Inc., tistqarr u tagħti garanzija wkoll li (a) għandek il-jeddijiet u l-permessi meħtieġa kollha biex tagħti liċenzja għall-Assi u l-Kontenut l-Ieħor kollu li jintuża mill-Assi u li tiċħad kull jedd marbut mal-Assi u l-Kontenut l-Ieħor li jintuża mill-Assi għal Snap u l-imsieħba tagħna; (b) li l-Assi ma jiksrux it-Termini, ir-Regoli tal-Komunità jew il-Linji Gwida għall-Kontenut Mibgħut fuq Lens Studio; (ċ) li l-Assi ma jiksrux jeddijiet, ma jużawx bil-qerq u ma jikkuppjaw l-ebda kontenut li jaqa' taħt privattiva, jedd tal-awtur (fosthom il-jeddijiet tal-awtur marbuta mal-mużika bħal xi jeddijiet ta' master, sinkronizzazzjoni jew prestazzjoni pubblika), trejdmark, jeddijiet tal-privatezza drittijiet ta' pubbliċità, jew kwalunkwe dritt ieħor ta' kwalunkwe persuna jew entità; (d) inti ma assenjajtx, liċenzjajt, jew iggravajt b'xi mod ieħor l-Assi lil xi persuna jew entità oħra; (e) li għall-mużika li tuża bħala Kontenut Ieħor, ħallast u se tħallas is-somom kollha li għandek jew li jaf ikollok tħallas lil kull aġenzija tal-mużika, pubblikaturi tal-mużika, organizzazzjonijiet tal-prestazzjoni pubblika (bħal American Society of Composers, Authors and Publishers, Broadcast Music, Society of European Stage Authors and Composers, Society of Authors, Composers and Publishers of Music), mużiċisti, kompożituri u detenturi tad-drittijiet oħra bħala riżultat ta’ tali mużika tiġi sfruttata skont dawn it-Termini; (f) li l-Assi huma skont il-liġijiet, ir-regoli u r-regolamenti kollha u li huma addattati għal nies minn 13-il sena 'l fuq; (ġ) li l-Assi ma jwasslu u mhu se jwasslu għal ebda malafama, bullying, ħsara jew korriment jew uġigħ psikoloġiku fuq xi ħadd ieħor; u (ħ) li kull informazzjoni li tajt lil Snap b'rabta mal-Assi u l-kontenut li bgħatt hija tajba u eżatta. Jekk Snap ittella' l-Assi fuq is-Servizzi tagħha, bl-ebda mod ma tkun qed tnaqqaslek jew tħollok mill-istqarrijiet u l-garanziji ta' dawn ir-Regoli.

Int tirrappreżenta u tiggarantixxi wkoll li (a) la int, u lanqas, jekk inti negozju, xi kumpanija affiljata, ma huma inklużi f'xi waħda mil-listi ta' partijiet ristretti miżmuma mill-Gvern tal-Istati Uniti tal-Amerka -- fosthom il-lista ta' Specially Designated Nationals List u Foreign Sanctions Evaders List mill-Uffiċju ta' Kontroll ta' Assi Barranin ("OFAC") tat-Teżor tal-Istati Uniti u l-lista ta' Denied Parties List, Unverified List u Entity List tad-Dipartiment tal-Industrija u s-Sigurtà tad-Dipartiment tal-Kummerċ tal-Istati Uniti tal-Amerka -- jew minn xi awtorità tal-gvern tal-pajjiż fejn tgħix jew twettaq il-ħidma tiegħek; (b) jekk int negozju, li l-ebda persuna naturali jew legali b'restrizzjonijiet ta' dix-xorta imposti fuqha ma għandha sjieda jew sehem fit-temxxija tan-negozju tiegħek; u (ċ) li la tinsab, la toqgħod u lanqas int inkorporat skont il-liġijiet ta' xi pajjiż li, skont l-OFAC jew sanzjonijiet oħra li obbligati nimxu magħhom, ma nistgħux ninnegozzjaw miegħu.

Jekk qed tibgħat l-Assi f'isem negozju, qed tistqarr u tagħti garanzija wkoll li qed twettaq dal-għemil f'isem in-negozju u li għandek is-setgħa torbot lin-negozju b'dawn it-Termini u li qed taqbel f'isem in-negozju li tintrabat b'dawn it-Termini.

Minbarra l-obbligi ta' indennizz tiegħek skont ir- Regoli tas-Servizz ta' Snap Inc., taqbel ukoll li, sakemm permess mill-liġi, tindenizza, tiddefendi u tħoll mir-responsabbiltà lil Snap, u l-imsieħba, id-diretturi, it-tmexxija, l-azzjonisti, il-ħaddiema, is-sidien tal-propjetà intellettwali u l-aġenti minn u kontra kull ilment, talbiet għall-kumpens, danni, telf, nefqiet, responsabbiltajiet u spejjeż (fosthom l-ispejjeż tal-avukati) minħabba, li jirriżultaw minn, jew li għandhom x'jaqsmu b'xi mod ma' (a) kif Snap jew persuni oħra jużaw l-Assi, fosthom l-Elementi l-Oħra, jekk ikun il-każ, b'rabta mas-Servizzi; (b) kif tuża s-Servizzi u l-għemil tiegħek b'rabta mas-Servizzi; (ċ) il-ksur jew il-xilja tal-ksur ta' xi liġijiet, regoli jew regolamenti b'rabta ma' kif tuża s-Servizzi jew l-għemil tiegħek b'rabta mas-Servizzi; (d) kull talba għall-kumpens b'rabta mal-fatt li l-Assi jiksru, jużaw bla permess jew jieħdu vantaġġ mhux xieraq minn xi jedd tal-awtur, marka kummerċjali, sigriet kummerċjali, jedd ta' disinn, dehra kummerċjali, privattiva, riklam, privatezza jew xi jedd ieħor ta' persuna jew entità; (e) kif tuża s-servizzi jew il-prodotti mogħtija minn persuna oħra b'rabta mas-Servizzi, anki jekk suġġeriti jew approvati minn Snap; (f) kwalunkwe frodi jew rappreżentazzjoni ħażina min-naħa tiegħek jew (ġ) kull ksur jew xilja ta' ksur ta' dawn it-Termini minnek, fosthom kwalunkwe ksur attwali jew allegat tar rappreżentazzjonijiet, il-garanziji jew l-obbligazzjonijiet tiegħek.

Int tirrikonoxxi li l-ebda klawżola minn dawn it-Termini ma tista' tintuża biex timplika impriża konġunta, aġent prinċipali, jew relazzjoni ta' impjieg bejnek, Snap jew l-affiljati tagħna.

Dawn ir-Regoli jaqgħu taħt id-dispożizzjoniiet tal-Għażla tal-Liġi u tal-Għażla tal-Qorti tar-Regoli tas-Servizz ta' Snap Inc.

AVVIŻ DWAR L-ARBITRAĠĠ: ĦLIEF FIL-KAŻ TA' ĊERTU TILWIM IMSEMMI FID-DISPOŻIZZJONI TAL-ARBITRAĠĠ TAR-REGOLI TAS-SERVIZZ TA' SNAP INC., INT U SNAP TAQBLU LI T-TALBIET U T-TILWIM KOLLHA TA' BEJNIETKOM, FOSTHOM IT-TALBIET U T-TILWIM MARBUT MAL-LIĠI, GĦANDU JINQATA' B'ARBITRAĠĠ OBBLIGATORJU U LI JORBOT LIŻ-ŻEWĠ NAĦAT SKONT IL-PROĊEDURI TAL-ARBITRAĠĠ IMSEMMIJA FID-DISPOŻIZZJONI TAL-ARBITRAĠĠ TAR-REGOLI TAS-SERVIZZ TA' SNAP INC. INT TAQBEL LI ĊĊEDI KULL JEDD LI TIEĦU SEHEM F'KAWŻA JEW ARBITRAĠĠ BI PROĊEDIMENTI KOLLETTIVI.

Jekk bgħatt l-Assi f'isem negozju, id-dispożizzjoni tal-Arbitraġġ tar-Regoli tas-Servizz ta' Snap Inc. xorta se tgħodd bid-differenza li minflok ir-Regoli tal-Arbitraġġ għall-Konsumaturi ta' AAA, se nużaw ir-Regoli tal-Arbitraġġ Kummerċjali tal-AAA.

Nistgħu kull tant żmien nibdlu dawn it-Termini. Tista' tiċċekkja d-data "Fis-seħħ minn" li tinsab fuq nett ta' dawn ir-Regoli biex tifhem meta l-aħħar li nbidlu. Kwalunkwe bidla f'dawn it-Termini, se jidħlu fis-seħħ meta nippubblikaw i-Termini l-ġodda fuq is-sit tagħna. Dawn il-bidliet se jgħoddu għal kull Assi li tibgħat minn dak il-ħin 'il quddiem. Jekk tibgħat xi Assi wara li dawn it-Termini jkunu nbidlu, aħna se nqisu li qbilt mat-Termini l-ġodda. Jekk f'kwalunkwe ħin ma taqbilx ma' xi parti minn dawn it-Termini, tissottomettix Assi.

Dawn ir-Regoli ma joħolqu jew jagħtu l-ebda jedd għall-persuni li mhux parti mill-ftehim. Jekk nagħżlu li ma nwettqux xi dispożizzjoni minn dawn it-Termini, dan m'għandux iwassal biex id-dispożizzjoni titqies miċħuda. Aħna nżommu l-jeddijiet kollha li ma tajniekx bl-iktar mod ċar. Jekk xi qorti jew arbitru bil-ġurisdizzjoni meħtieġa jqisu li xi dispożizzjoni ta' dawn it-Termini, għal xi raġuni, invalida, kontra l-liġi, nulla jew ma tistax titwettaq, dik id-dispożizzjoni għandha titqies maqtugħa għaliha mill-bqija ta' dawn it-Termini u l-fatt li mhix tajba mhux se taffetwa t-twettiq tal-bqija ta' dawn it-Termini (li se jibqgħu kollha fis-seħħ mingħajr ma jitilfu l-effett tagħhom). Il-kelma “fosthom” f'dawn it-Termini tfisser “eżempji fost oħrajn mingħajr limiti”. Meta trid u mingħajr mhi meħtieġa tgħarrfek, Snap tista' tgħaddi l-jeddijiet u l-obbligazzjonijiet li għandha skont dawn it-Termini, kollha kemm huma jew parti minnhom, lil persuna oħra. Int ma tistax tgħaddi l-jeddijiet jew l-obbligazzjonijiet tiegħek taħt dawn it-Termini jew tqabbad lil ħaddieħor jaqdi dmirijietek mingħajr il-permess bil-miktub min-naħa ta' Snap. Dawn it-Termini nkitbu bl-ilsien Ingliż u jekk it-traduzzjoni ta' dawn it-Termini ma taqbilx mal-verżjoni tal-ilsien Ingliż, il-verżjoni bl-ilsien Ingliż għandha titqies bħala t-tajba.

Snap tapprezza l-kummenti, il-mistoqsijiet, it-tħassib u s-suġġerimenti tiegħek kollha. Jekk jogħġbok ibgħat l-kummenti u l-ħsibijiet tiegħek billi żżur support.snapchat.com. Tista' wkoll tikkuntattjana bi kwalunkwe ilment jew feedback fuq dawn l-indirizzi:

Indirizz tal-posta: 3000 31st Street, Santa Monica, California 90405, l-Istati Uniti tal-Amerka

Aħna dejjem nieħdu gost nisimgħu lil-utenti tagħna. Biss tajjeb li żżomm f'moħħok li jekk tagħtina xi feedback jew suġġerimenti, aħna nistgħu nużaw l-ideat tiegħek mingħajr ma nagħtuk kumpens.

Tagħrif dwar l-Arbitraġġ: Jekk qed tuża s-servizzi f'isem negozju, in-negozju huwa marbut bid-diżpożizzjoni tal-Arbitraġġ li se tissemma iktar tard f'dawn it-Termini.

Jekk jogħġbok aqra dawn it-Termini ta' Snap Group Limited Lens Studio (“Termini”) bir-reqqa. Dawn it-Termini jiffurmaw kuntratt legalment vinkolanti bejnek (jew l-organizzazzjoni tiegħek) u Snap Group Limited ("Snap"), u jirregolaw is-sottomissjoni tiegħek ta' Lenti ("Lenti"), ikona tal-Lenti, u komponenti relatati (kollettivament, il-materjali li tissottometti huma l-"Assi") permezz ta' Lens Studio. Il-prodotti u s-servizzi msemmija f'dawn it-Termini huma “Servizzi” skont it-tifsira mogħtija lilhom mit-Termini tas-Servizz ta' Snap Group Limited. Jekk tgħix barra l-Istati Uniti tal-Amerka jew jekk qed tuża s-Servizzi f'isem negozju bbażat barra l-Istati Uniti tal-Amerka, dawn it-Termini jirregolaw is-sottomissjoni tiegħek. Jekk tgħix ġewwa l-Istati Uniti tal-Amerka jew qed tuża s-Servizzi f'isem negozju bbażat hemm, it-Termini ta' Snap Inc. Lens Studio huma dawk li jgħoddu għalik.

Jekk jogħġbok stampa kopja ta' dawn it-Termini u żommhom għar-referenza tiegħek. Biex tibgħat l-Assi jeħtieġlek taqbel mal-Ftehim tal-Liċenzja ta' Snap Group Limited Lens Studio li jiġi ppreżentat lilek meta tniżżel jew inkella taċċessa l-Lens Studio (“Softwer tal-Lenti”). Jekk ma taqbilx ma' dawn it-Termini, la għandek tniżżel u lanqas tiftaħ is-Software tal-Lenti u lanqas m'għandek tibgħat l-Assi. Jaf nitolbuk tidħol bil-kont ta' Snapchat tiegħek biex tibgħat l-Assi.

Dawn it-Termini jinkorporaw b'referenza, it-Termini tas-Servizz ta' Snap Group Limited, ir-Regoli tal-Komunità, il-Linji Gwida tad-Ditta ta' Snapchat, il-Linji Gwida ta' Kif Tuża Snapcode u l-Linji Gwida għall-Kontenut Mibgħut fuq Lens Studio u għalhekk aqra kull dokument bir-reqqa. Fost affarijiet oħra, dan ifisser li l-Assi li tibgħat jaqgħu taħt iċ-ċaħdiet u l-limitazzjonijiet tar-responsabbiltà msemmija fit-Termini tas-Servizz ta' Snap Group Limited. Jekk jogħġbok aqra l-Politika tal-Privatezza tagħna wkoll biex issir taf kif nipproċessaw l-informazzjoni meta tuża s-Servizzi. Inti taqbel li nistgħu niġbru, nużaw, u naqsmu l-informazzjoni tiegħek kif deskritt f'dik il-politika u kwalunkwe aġġornament għal dik il-politika. Jekk dawn it-Termini b'xi mod ma jaqblux mat-Termini tas-Servizz ta' Snap Group Limited, mat-Termini tal-Komunità, mal-Linji Gwida tad-Ditta ta' Snapchat, mal-Linji Gwida ta' Kif Tuża Snapcode jew mal-Linji Gwida għall-Kontenut Mibgħut fuq Lens Studio, dawn it-Termini se jirregolaw.

Inti tafferma li għandek mill-inqas 18-il sena (jew l-età fejn titqies maġġorenni fil-post fejn tgħix) u li int kompetenti u awtorizzat li taqbel ma' u tosserva dawn it-Termini. Jekk tixtieq tibgħat xi Assi u għadek taħt l-età, teħtieġ permess ċar mingħand il-ġenituri tiegħek.

Int taqbel li l-kliem “int” u “tiegħek” kif jintużaw f'dawn ir-Regoli jgħoddu, skont il-każ, kemm għalik kif ukoll għan-negozju tiegħek.

Inti tagħti lil Snap u lill-affiljati tagħna liċenzja dinjija mhux esklussiva, mhux ristretta, inkondizzjonata, illimitata, trasferibbli, subliċenzjabbli, irrevokabbli, royalty-free, narkivjaw, nikkupjaw, naħżnu kopja temporanja, nikkodifikaw, naħżnu, nikkuppjaw, nirreġistraw, inbigħu, noħorġu liċenzja għal ħaddieħor, inqassmu, nibagħtu, inxandru, nissinkronizzaw, naddattaw, neditjaw, nibdlu, nuru pubblikament, inwettqu pubblikament, nippubblikaw, nippubblikaw mill-ġdid, nirriklamaw, nuru, noħolqu xogħlijiet imsejsa fuq u nużaw b'kull mod ieħor l-Assi fuq, jew b'rabta mas-Servizzi u mar-riklami, mat-tiswiq u mar-riklamar tagħhom b'kull format, mod jew mezz tax-xandir magħruf jew li jista' jinħoloq iktar 'il quddiem; b'kull teknoloġija jew tagħmir magħrufa jew li jinħolqu iktar 'il quddiem. Dil-liċenzja tiġbor fiha l-jedd li Snap, Snap Inc. u l-imsieħba tagħna jagħtu l-Assi lill-utenti ta' Snapchat u servizzi oħra, biex l-Assi jinqasmu minn dawk l-utenti u biex jerfgħu l-Assi fuq it-tagħmir tagħhom. Il-liċenzja biex l-Assi jkunu disponibbli fis-Servizzi testendi għal 90 jum wara d-data meta jintemm il-ħin tal-eżekuzzjoni tal-Lenti fuq is-Servizzi, sabiex inkunu nistgħu nwasslu Snaps li jinkludu l-Lenti. Il-liċenzja testendi b'mod perpetwu għall-għanijiet limitati ta’ reklamar, kummerċjalizzazzjoni, u promozzjoni tas-Servizzi, u għal Memorji fuq Snapchat.

Jekk iddaħħal xi isem, marka kummerċjali, xebh, ritratt, stampa, kompożizzjoni tal-użika, lirika, effetti tal-ħoss, reġistrazzjoni tal-ħoss, koreografija jew xi materjal ieħor (magħrufa bħala “Elementi Oħra”) fl-Assi, taqbel li dil-liċenzja tingħata wkoll għall-Elementi l-Oħra kollha.

Inti tirrikonoxxi li partijiet terzi jistgħu jużaw l-Assi għal skopijiet jew b'modi oħra milli kont antiċipat. Inti taqbel li tali użu jikkostitwixxu kontenut iġġenerat mill-utent li għalih la Snap, Snap Inc., u lanqas l-affiljati tagħna ma għandhom ebda responsabbiltà. Inti taqbel li la Snap, Snap Inc., u lanqas l-affiljati tagħna ma huma responsabbli għal xi pretensjonijiet jew telf ibbażati fuq, jew li jirriżultaw minn kwalunkwe kontenut iġġenerat mill-utent, inkluż kontenut li jagħmel użu mill-Assi, kemm fis-Servizzi jew lil hinn.

Int tifhem u taqbel li Snap, Snap Inc. u l-imsieħba tagħna għandhom il-jeddijiet kollha marbuta mas-servizz Lentijiet, fosthom Lens Studio, Lens Software u kull għodda kreattiva oħra li nistgħu nagħtuk biex toħloq l-Assi (bħall-mudelli jew il-Bitmoji).

Inti taqbel li la Snap, Snap Inc., u lanqas l-affiljati tagħna ma huma taħt l-ebda obbligu li jħallsu lilek jew lil xi parti terza xi konsiderazzjoni jew kumpens għall-Assi jew kwalunkwe użu tal-Assi. Sal-limitu permissibbli mil-liġi, inti tirrinunzja b'mod irrevokabbli—jew taqbel li ma tasserixxix kontra Snap, Snap Inc, jew l-affiljati tagħna sal-punt li ma tkunx permessa rinunzja—kwalunkwe drittijiet morali jew drittijiet ekwivalenti li jista' jkollok fl-Assi madwar id-dinja.

Int tifhem u taqbel li Snap għandha l-jedd (imma mhux l-obbligu) li tgħarfek bħala l-ħallieq tal-Assi jew li l-Assi marbuta mal-kont tiegħek billi tippubblika dettalji bħal ismek, isem in-negozju tiegħek (jekk ikun il-każ), isem il-Lenti, l-isem tal-utent tal-kont ta' Snapchat jew il-laqam tiegħek fuq il-pjattaforma u l-belt, l-istat u l-pajjiż tiegħek.

L-Assi għandhom jimxu mal-Linji Gwida tal-Kontenut Mibgħut fuq Lens Studio u l-Linji Gwida tal-Komunità tagħna u għandhom ikunu addattati għan-nies minn 13-il sena 'l fuq.

Nafu nibagħtulek tagħrif elettroniku fuq id-dettalji tal-kuntatt li tkun tajtna jew dawk marbuta mal-kont ta' Snapchat tiegħek (skont il-każ) dwar il-kontenut li tkun bgħattilna, dwar is-servizz ta' Lenti jew dwar prodotti u servizzi oħra tagħna. Meta tibgħat l-Assi tkun qed taqbel li tirċievi t-tagħrif elettroniku msemmija f'dawn ir-Regoli mingħand Snap, Snap Inc. u l-imsieħba tagħna.

Int taqbel li kull xorta ta' ftehim, avviż, informazzjoni u messaġġ li nibagħtulek b'mod elettroniku jista' jitqies bil-liġi bħallikieku kien messaġġ mibgħut bil-miktub.

L-Assi għandhom jikkonformaw mar-rekwiżiti tekniċi magħmula disponibbli minn Snap. Aħna ma niggarantixxux il-kunsinna tal-Lenti u ma niggarantixxux li xi ħadd jagħżel li juża l-Lenti.

Wara li tibgħat l-Assi, snap tista' tagħtik kodiċi li jista' jiġi skennjat (“Snapcode”). L-użu ta' dan lis-Snapcode għandu jikkonforma mall-Linji Gwida tad-Ditta ta' Snapchat u mal-Linji Gwida dwar l-użu ta' Snapcode.

L-utenti ta' Snapchat se jingħataw l-għażla li jaċċessaw il-Lenti billi jiskennjaw l-iSnapcode jew permezz ta' mezzi oħra pprovduti minn Snap (kull wieħed, "jiftaħ"). Kwalunkwe utent ta' Snapchat jista' jiftaħ il-Lenti.

Snap tirriżerva d-dritt li tiddiżattiva l-ftuħ u tidderieġi mill-ġdid il-ftuħ, kull wieħed fid-diskrezzjoni unika ta' Snap. Snap għandha l-jedd li tiċħad jew tikkanċella Lenti meta trid, anki wara li tkun ħarġitilha Snapcode, jekk int jew il-Lenti tkunu qed tiksru t-termini jew il-linji gwida tagħna jew għal kull raġuni oħra skont ma jidhrilha hi.

Snap tista' tagħtik l-għażla li tehmeż sejħa għall-għemil mal-Lenti li meta tagħmel swipe-up tiftaħ paġna, il-ħanut tiegħek fuq is-Servizzi tan-Negozji ta' Snap jew xi kontenut ieħor. Kull sejħa għall-għemil se tkun parti mil-Assi.

Snap tista', fid-diskrezzjoni tagħha, taqsam l-informazzjoni miegħek dwar kif qed tintuża l-Lenti. Sakemm ma nagħtukx permess ċar bil-miktub, ma tistax tuża dik l-informazzjoni għal għanijiet kummerċjali.

Jekk tuża l-Lentijiet jew xi parti mis-Servizzi bħala parti minn lotterija, kompetizzjoni, offerta jew xi promozzjoni oħra (kull waħda magħrufa bħala “Offerta”), int unikament responsabbli għall-konformità mal-liġijiet, ir-regoli u r-regolamenti applikabbli kollha kull fejn tiġi offruta l-Promozzjoni tiegħek, kif ukoll mar-Regoli tal-Promozzjonijiet tagħna. Sakemm ma naqblux espressament bil-miktub, la Snap, Snap Inc., u lanqas l-affiljati tagħna mhux se jkunu sponsors jew amministraturi tal-Promozzjoni tiegħek

Minbarra l-istqarrijiet u l-garanziji li tagħti skont it-Termini tas-Servizz ta' Snap Group Limited, tistqarr u tagħti garanzija wkoll li (a) għandek il-jeddijiet u l-permessi meħtieġa kollha biex tagħti liċenzja għall-Assi u l-Kontenut l-Ieħor kollu li jintuża mill-Assi u li tiċħad kull jedd marbut mal-Assi u l-Kontenut l-Ieħor li jintuża mill-Assi għal Snap, Snap Inc. u l-imsieħba tagħna; (b) li l-Assi ma jiksrux it-Termini, ir-Regoli tal-Komunità jew il-Linji Gwida għall-Kontenut Mibgħut fuq Lens Studio; (ċ) li l-Assi ma jiksrux jeddijiet, ma jużawx bil-qerq u ma jikkuppjaw l-ebda kontenut li jaqa' taħt privattiva, jedd tal-awtur (fosthom il-jeddijiet tal-awtur marbuta mal-mużika bħal xi jeddijiet ta' master, sinkronizzazzjoni jew prestazzjoni pubblika), trejdmark, jeddijiet tal-privatezza drittijiet ta' pubbliċità, jew kwalunkwe dritt ieħor ta' kwalunkwe persuna jew entità; (d) inti ma assenjajtx, liċenzjajt, jew iggravajt b'xi mod ieħor l-Assi lil xi persuna jew entità oħra; (e) li għall-mużika li tuża bħala Kontenut Ieħor, ħallast u se tħallas is-somom kollha li għandek jew li jaf ikollok tħallas lil kull aġenzija tal-mużika, pubblikaturi tal-mużika, organizzazzjonijiet tal-prestazzjoni pubblika (bħal American Society of Composers, Authors and Publishers, Broadcast Music, Society of European Stage Authors and Composers, Society of Authors, Composers and Publishers of Music), mużiċisti, kompożituri u detenturi tad-drittijiet oħra bħala riżultat ta’ tali mużika tiġi sfruttata skont dawn it-Termini; (f) li l-Assi huma skont il-liġijiet, ir-regoli u r-regolamenti kollha u li huma addattati għal nies minn 13-il sena 'l fuq; (ġ) li l-Assi ma jwasslu u mhu se jwasslu għal ebda malafama, bullying, ħsara jew korriment jew uġigħ psikoloġiku fuq xi ħadd ieħor; u (ħ) li kull informazzjoni li tajt lil Snap b'rabta mal-Assi u l-kontenut li bgħatt hija tajba u eżatta. Jekk Snap ittella' l-Assi fuq is-Servizzi tagħha, bl-ebda mod ma tkun qed tnaqqaslek jew tħollok mill-istqarrijiet u l-garanziji ta' dawn ir-Regoli.

Int tirrappreżenta u tiggarantixxi wkoll li la int, u lanqas, jekk int negozju, kwalunkwe kumpanija affiljata, ma huma inklużi fi kwalunkwe lista ta' partijiet ristretti miżmuma mill-Istati Uniti tal-Amerika, l-Unjoni Ewropea, ir-Renju Unit, jew awtorità governattiva rilevanti oħra -- bħal per eżempju, il-lista ta' Ċittadini Iddeżignati b'mod Speċjali, Foreign Sanctions Evaders List, Denied Parties List, Unverified List u Entity List u l-listi konsolidati tar-Renju Unit u tal-UE ta’ persuni u entitajiet soġġetti għal miri ta’ sanzjonijiet finanzjarji; li inti (jekk inti negozju) m'intix proprjetà jew ikkontrollat ​​minn tali parti ristretta; u li m'intix residenti, tinsab fi, jew organizzat taħt il-liġijiet ta' kwalunkwe pajjiż li miegħu l-kummerċ huwa pprojbit mis-sanzjonijiet deskritti hawn fuq.

Jekk qed tibgħat l-Assi f'isem negozju, qed tistqarr u tagħti garanzija wkoll li qed twettaq dal-għemil f'isem in-negozju u li għandek is-setgħa torbot lin-negozju b'daen ir-Regoli u li qed taqbel f'isem in-negozju li tintrabat b'dawn ir-Regoli.

Minbarra l-obbligi ta' indennizz tiegħek skont it-Termini tas-Servizz ta' Snap Group Limited, taqbel ukoll li, sakemm permess mill-liġi, tindenizza, tiddefendi u tħoll mir-responsabbiltà lil Snap, Sanp Inc., u l-imsieħba, id-diretturi, it-tmexxija, l-azzjonisti, il-ħaddiema, is-sidien tal-propjetà intellettwali u l-aġenti minn u kontra kull ilment, talbiet għall-kumpens, danni, telf, nefqiet, responsabbiltajiet u spejjeż (fosthom l-ispejjeż tal-avukati) minħabba, li jirriżultaw minn, jew li għandhom x'jaqsmu b'xi mod ma' (a) kif Snap jew persuni oħra jużaw l-Assi, fosthom l-Elementi l-Oħra, jekk ikun il-każ, b'rabta mas-Servizzi; (b) kif tuża s-Servizzi u l-għemil tiegħek b'rabta mas-Servizzi; (ċ) il-ksur jew il-xilja tal-ksur ta' xi liġijiet, regoli jew regolamenti b'rabta ma' kif tuża s-Servizzi jew l-għemil tiegħek b'rabta mas-Servizzi; (d) kull talba għall-kumpens b'rabta mal-fatt li l-Assi jiksru, jużaw bla permess jew jieħdu vantaġġ mhux xieraq minn xi jedd tal-awtur, marka kummerċjali, sigriet kummerċjali, jedd ta' disinn, dehra kummerċjali, privattiva, riklam, privatezza jew xi jedd ieħor ta' persuna jew entità; (e) kif tuża s-servizzi jew il-prodotti mogħtija minn persuna oħra b'rabta mas-Servizzi, anki jekk suġġeriti jew approvati minn Snap; (f) kwalunkwe frodi jew rappreżentazzjoni ħażina min-naħa tiegħek jew (ġ) kull ksur jew xilja ta' ksur ta' dawn it-Termini minnek, fosthom kwalunkwe ksur attwali jew allegat tar rappreżentazzjonijiet, il-garanziji jew l-obbligazzjonijiet tiegħek.

Int tirrikonoxxi li l-ebda klawżola minn dawn it-Termini ma tista' tintuża biex tagħti x'tifhem li hemm relazzjoni ta' impriża konġunta, aġent prinċipali, jew relazzjoni ta' impjieg bejnek u Snap, Snap Inc., jew l-affiljati tagħna.

Dawn ir-Regoli jaqgħu taħt id-dispożizzjoni tal-Għażla tal-Liġi tar-Regoli tas-Servizz ta' Snap Group Limited u taħt id-dispożizzjoni tar-Riżoluzzjoni tat-Tilwim tar-Regoli tas-Servizz ta' Snap Group Limited.

Jekk int konsumatur privat (mhux negozju) li tgħix ġewwa l-Unjoni Ewropea: għal iktar dettalji dwar ir-riżoluzzjoni tat-tilwim, jekk jogħġbok iftaħ dil-ħolqa għall-Pjattaforma tal-Internet għar-Riżoluzzjoni tat-Tilwim tal-Kummissjoni Ewropea.

Id-dispożizzjoni tal-Arbitraġġ tar-Regoli tas-Servizz ta' Snap Group Limited tgħodd jekk qed tuża s-Servizzi f'isem ta' negozju.

Nistgħu kull tant żmien nibdlu dawn it-Termini. Tista' tiċċekkja d-data "Fis-seħħ minn" li tinsab fuq nett ta' dawn ir-Regoli biex tifhem meta l-aħħar li nbidlu. Kwalunkwe bidla f'dawn it-Termini, se jidħlu fis-seħħ meta nippubblikaw i-Termini l-ġodda fuq is-sit tagħna. Dawn il-bidliet se jgħoddu għal kull Assi li tibgħat minn dak il-ħin 'il quddiem. Jekk tibgħat xi Assi wara li dawn it-Termini jkunu nbidlu, aħna se nqisu li qbilt mat-Termini l-ġodda. Jekk f'kwalunkwe ħin ma taqbilx ma' xi parti minn dawn it-Termini, tissottomettix Assi.

Jekk inti konsumatur privat (mhux negozju), l-ebda ħaġa minn dawn it-Termini mhi se tolqot il-jeddijiet u l-kumpensi li għandek jedd għalihom bil-liġijiet għall-ħarsien tal-konsumatur tal-pajjiż tiegħek. Dawn it-Termini ma joħolqu jew jagħtu l-ebda jedd għall-persuni li mhux parti mill-ftehim. Jekk nagħżlu li ma nwettqux xi dispożizzjoni minn dawn it-Termini, dan m'għandux iwassal biex id-dispożizzjoni titqies miċħuda. Aħna nżommu l-jeddijiet kollha li ma tajniekx bl-iktar mod ċar. Jekk xi qorti jew arbitru bil-ġurisdizzjoni meħtieġa jqisu li xi dispożizzjoni ta' dawn it-Termini, għal xi raġuni, invalida, kontra l-liġi, nulla jew ma tistax titwettaq, dik id-dispożizzjoni għandha titqies maqtugħa għaliha mill-bqija ta' dawn it-Termini u l-fatt li mhix tajba mhux se taffetwa t-twettiq tal-bqija ta' dawn it-Termini (li se jibqgħu kollha fis-seħħ mingħajr ma jitilfu l-effett tagħhom). Il-kelma “fosthom” f'dawn it-Termini tfisser “eżempji fost oħrajn mingħajr limiti”. Meta trid u mingħajr mhi meħtieġa tgħarrfek, Snap tista' tgħaddi l-jeddijiet u l-obbligazzjonijiet li għandha skont dawn it-Termini, kollha kemm huma jew parti minnhom, lil persuna oħra. Int ma tistax tgħaddi l-jeddijiet jew l-obbligazzjonijiet tiegħek taħt dawn it-Termini jew tqabbad lil ħaddieħor jaqdi dmirijietek mingħajr il-permess bil-miktub min-naħa ta' Snap. Dawn it-Termini nkitbu bl-ilsien Ingliż u jekk it-traduzzjoni ta' dawn it-Termini ma taqbilx mal-verżjoni tal-ilsien Ingliż, il-verżjoni bl-ilsien Ingliż għandha titqies bħala t-tajba.

Snap tapprezza l-kummenti, il-mistoqsijiet, it-tħassib u s-suġġerimenti tiegħek kollha. Jekk jogħġbok ibgħatilna l-kummenti u l-ħsibijiet tiegħek billi żżur support.snapchat.com. Il-kumpanija responsabbli mis-Servizzi barra l-Istati Uniti tal-Amerka jisimha Snap Group Limited; kumpanija rreġistrata ġewwa l-Ingilterra bl-Indirizz 7-11 Lexington Street, Londra W1F 9AF, ir-Renju Unit. In-numru tal-kumpanija huwa 09763672.

Dejjem nieħdu gost meta l-utenti tagħna jiktbulna. Biss tajjeb li żżomm f'moħħok li jekk tagħtina xi feedback jew suġġerimenti, aħna nistgħu nużaw l-ideat tiegħek mingħajr ma nagħtuk kumpens.