Self-Serve Advertising Terms
Fis-seħħ minn: 25 ta’ Lulju 2023
AVVIŻ DWAR L-ARBITRAĠĠ: INT MARBUT/A BID-DISPOŻIZZJONI TAL-ARBITRAĠĠ SKONT IR-REGOLI TAS-SERVIZZ TAN-NEGOZJU. JEKK SE TIDĦOL FI FTEHIM MA' SNAP INC., INT U SNAP INC. IĊĊEDU KULL JEDD LI TIEĦDU SEHEM F'KAWŻA JEW ARBITRAĠĠ BI PROĊEDIMENTI KOLLETTIVI.
Dawn ir-Regoli għar-Riklami Maħluqa Minnek huma ftehim b'rabta legali bejnek u bejn Snap, jgħoddu għal kif tuża s-Servizzi għan-Negozju biex toħloq, tieħu ħsieb u xxandar il-kontenut, fosthom ir-riklami u l-katalgi, u huma parti mir-Regoli tas-Servizzi għan-Negozju. Fir-Regoli tas-Servizzi tan-Negozju tista' ssib it-tifsira ta' wħud mill-kliem użati f'dawn ir-Regoli għar-Riklami Maħluqa Minnek.
a. Jekk tibgħat xi kontenut fuq is-Servizzi għan-Negozju biex jixxandar bħala riklam, int tagħti lil Snap u lill-imsieħba tagħha liċenzja mhux esklussiva, li ma tistax tingħadda lil ħaddieħor (ħlief kif spjegat hawn), li tista' tinqasam ma' ħaddieħor, għal dejjem, dinjija u mingħajr royalties biex tuża, tarkivja, tikkopja, taħżen kopja, tikkodifika, tirreġistra, taħżen, tikkoppja, tqassam, ixxandar, taddatta, tibdel, tippubblika, tirriklama, turi, tissinkronizza, turi pubblikament, tagħti kopja u twettaq pubblikament il-kontenut li tapprova jew tibagħtilna int fuq Servizzi għan-Negozju skont kif spjegat f'dawn ir-Regoli għar-Riklami Maħluqa Minnek.
b. Sa fejn nistgħu nagħmlu hekk skont il-Liġi fis-Seħħ, int iċċedi kull jeddijiet dinjija morali jew jeddijiet oħra bħalhom li jaf ikollok marbuta mal-kontenut li tapprova jew li tibgħat fuq Servizzi għan-Negozju. Jekk ma tistax iċċedi dawn il-jeddijiet, int taqbel li ma tressaq ebda talba msejsa fuq dawn il-jeddijiet kontra Snap u l-imsieħba tagħha.
a. Minbarra l-obbligi msemmija fir-Regoli tas-Servizzi għan-Negozju u dawn ir-Regoli għar-Riklami Maħluqa Minnek, għandek timxi wkoll mal-Politiki għar-Riklami.
b. Jekk tuża l-għodod li tagħtik Snap fis-Servizzi għan-Negozju biex toħloq il-kontenut, dak il-kontenut tista' tużah biss b'rabta mas-Servizzi għan-Negozju. Kull kontenut li toħloqlok Snap jaqa' taħt ir-Regoli għas-Servizzi Kreattivi ta' Snap jew, jekk tuża l-faċilità tal-katalgu ta' Snap, ir-Regoli tal-Katalgu.
ċ. Jekk tibgħat xi kontenut bħala riklam u Snap taċċettah, Snap se tibda xxandar ir-riklam malli jkollha post għalih jew skont kif qbilt ma' Snap mis-Servizzi għan-Negozju.
d. Snap minn jeddha tista' turi tikketta jew messaġġ biex tavża lill-utenti li l-kontenut li tapprova u tibgħat fuq is-Servizzi għan-Negozju huwa tiegħek u, jekk ikun il-każ, li l-kontenut huwa riklam. Snap tista' tagħti dik l-informazzjoni flimkien ma' informazzjoni oħra dwar il-wiri ta' dak il-kontenut fil-biblijoteki tar-riklami tagħna.
e. Snap u l-imsieħba tagħha jistgħu jagħtuk l-għażla li taddatta r-riklami skont l-etajiet tal-utenti b'rabta ma' dak il-kontenut li tapprova jew tibgħat mis-Servizzi tan-Negozju. Jekk il-kontenut li skont l-istandards tal-industrija jew il-Liġi fis-Seħħ jeħtieġ li jiġi addattat għall-età tal-udjenza jintwera, int se tkun responsabbli li tagħżel l-etajiet ix-xierqa mill-għodda tagħna. Jekk ma tagħmilx hekk, Snap mhux se tinżamm responsabbli. Jekk ma jkunx hemm l-għażla li taddatta r-riklami skont l-etajiet tal-utenti, jekk jogħġbok tibgħatx dak il-kontenut.
f. Snap minn jeddha se tagħżel il-qies, it-tqegħid u l-post tal-kotenut li tapprova jew li tibgħat fuq is-Servizzi għan-Negozju.
ġ. Sakemm tista' tagħmel hekk bil-Liġi fis-Seħħ, Snap mhux se tagħti garanzija tar-riżultati, tal-kampanji, tat-tikketti, tas-Servizzi jew li l-kontenut li tapprova jew li tibgħat fuq is-Servizz għan-Negozju se jasal għand l-udjenza mixtieqa. Għalkemm Snap għandha sistemi li jippruvaw jaqbdu l-għemil qarrieqi, Snap mhix responsabbli għal dax-xorta ta' għemil qarrieqi jew għall-problemi teknoloġiċi li jistgħu jolqtu n-nefqa jew ir-riżultati tar-riklami tiegħek. Snap ma tagħtix garanzija li r-riklami se jintwerew kif tixtieq int.
ħ. Snap u l-imsieħba tagħha ma jagħtu ebda garanzija li r-riklami u l-kontenut tiegħek se jkunu uniċi u li mhux se jintwerew riklami tal-kompetituri tiegħek.
i. Int tifhem li l-utenti jistgħu jużaw il-kontenut li tapprova jew li tibgħat fuq is-Servizzi għan-Negozju għal skopijiet jew b'modi oħra minn dak li tistenna. Int taqbel li dan jitqies bħal kontenut maħluq mill-utenti u għalhekk Span u l-imsieħba tagħha mhux responsabbli tiegħu. Int taqbel li la Snap u lanqas l-imsieħba tagħha mhu se jkunu responsabbli għal talbiet jew għal telf marbuta ma' jew ġej mill-kontenut maħluq mill-utenti, fosthom kontenut maħluq mill-utenti li juża l-kontenut tiegħek, kemm fuq is-Servizzi kif ukoll f'imkejjen oħra.
j. Snap, l-imsieħba tagħha u l-operaturi tas-servizzi li taħdem magħhom, skont il-każ, jistgħu jwettqu studji jew stħarriġ marbut mal-kontenut li xxandar fuq is-Servizzi għan-Negozju u meta jagħmlu hekk jistgħu jużaw ismek u l-logo tiegħek.
k. Snap u l-imsieħba tagħha jistgħu jużaw il-kontenut li xxandar fuq is-Servizzi għan-Negozju għak skopijiet ta' tiswiq u reklamar meta dak il-kontenut ikun beda jixxandar.
l. Snap se tagħtik rapport tar-riklami tiegħek fuq is-Servizzi għan-Negozju. Jekk qed toħloq jew tieħu ħsieb xi kontenut bħala aġent għal xi persuna naturali jew persuna legali oħra, se tagħmel l-almu kummerċjalment raġjonevoli tiegħek biex tgħaddi dawk ir-rapporti lil dik il-persuna naturali jew dik il-persuna legali jekk int jew Snap meħtieġa tagħmlu hekk bil-Liġi fis-Seħħ.
a. Int se tħallas għall-ordnijiet kollha li tibgħat fuq Serviziz għan-Negozju, fosthom ir-riklami li xxandar u s-servizzi kreattivi li tagħtik Snap, skont ir-Regoli tal-Ħlasijiet.
b. Jekk qed toħloq jew tieħu ħsieb xi kontenut bħala aġent għal persuna naturali jew persuna legali oħra, se tgħaddi lil Snap l-indirizz tal-email jew l-indirizz tal-posta ta' dik il-persuna naturali jew persuna legali u taqbel li Snap tista' tibgħat il-fatturi lil dik il-persuna naturali jew persuna legali direttament jekk il-Liġi fis-Seħħ jew Snap jitolbuk tagħmel hekk.
a. Tista' tikkanċella riklam mis-Servizzi għan-Negozju meta trid imma dak ir-riklam jista' jibqa' jintwera sa 24 siegħa wara li Snap tiġi mgħarrfa bil-kanċellazzjoni.
b. Il-liċenzja għall-kontenut li tapprova jew tibgħat fuq is-Servizzi għan-Negozju tintemm wara li jgħaddi ż-żmien tax-xandir ta' dak il-kontenut imma tibqa' fis-seħħ għal kontenut li ma jitneħħiex għal xi żmien wara ż-żmien tar-riklam magħżul minnek (fosthom Snaps li ma jkunux għadhom infetħu jew Snaps merfugħa f'Memorja), għall-kontenut li jinsab f'faċilitajiet oħra (fosthom il-biblijoteki tar-riklami tagħna) u għal skopijiet ta' tiswiq u riklami. Dak il-kontenut jista' jibqa' jintuża u jintwera għal dejjem.
a. Użu tad-Dejta. Sakemm Snap ma tagħtikx permess ċar bil-miktub, u sakemm ma tmurx kontra r-restrizzjonijiet imsemmija f'dawn ir-Regoli għar-Riklami Maħluqa Minnek, int u jew l-aġenti tiegħek tistgħu taqsmu jew tużaw id-Dejta tas-Servizzi għan-Negozju biss b'mod anonimu u bħala grupp għal skopijiet ta' tfassil, titjib u qejsien tal-effettività u l-ħidma tal-kampanji li qed tmexxi mis-Servizzi, jew jekk qed toħloq u tieħu ħsieb il-kontenut bħala aġent għal persuna naturali jew persuna legali oħra, għall-kampanji li dik il-persuna naturali jew persuna legali tmexxi fuq is-Servizzi.
b. Tikketti. Fis-Servizzi għan-Negozju tista' titlob li riklam ikun fih tikketta minn operatur ta' servizz ieħor approvat minn Snap biex tkejjel ir-riżultati tal-kampanja tar-riklami. Sakemm Snap ma tagħtikx permess ċar bil-miktub, la int u lanqas l-aġenti tiegħek ma tistgħu: (i) tibdlu, taddattaw jew tibdlu dawk it-tikketti; jew (ii) tqarrqu bit-tikketti jew tużaw tikketti li mhux tagħkom. Snap minn jeddha tista' tneħħi jew tissospendi t-tikketti meta trid. Int tifhem li Snap u l-imsieħba tagħha mhux se jinżammu responsabbli jekk int jew xi operatur ta' servizz ieħor tużaw id-dejta miksuba mit-tikketti għal skopijiet li jmorru kontra l-liġi jew li jmorru kontra l-permessi mogħtija.
ċ. Politika tal-Privatezza. Int se tippubblika politika tal-privatezza fuq is-sit jew l-app tal-mowbajl tiegħek li tkun skont il-Liġi fis-Seħħ u se tħalli l-politika tal-privatezza ppubblikata u dejjem se timxi mal-politika tal-privatezza sakemm dawn ir-Regoli għar-Riklami Maħluqa Minnek ikunu fis-seħħ għalik.
Fi ftit kliem: Jekk tibagħtilna xi kontenut tar-riklami, int se tibqa' sid dak il-kontenut imma tħalli lilna, l-imsieħba tagħna, lill-utenti u lil persuni oħra jużaw għal għadd ta' raġunijiet, fosthom li jxandru r-riklami tiegħek jekk naċċettaw dak li tibagħtilna. Snap ma tagħtik l-ebda garanzija marbut mar-riżultati jew it-tqegħid tar-riklam u mhux responsabbli li turi r-riklam tiegħek biss lill-etajiet mixtieq minnek, għaħ għemil qarrieqi minn oħrajn, għal problemi bit-teknoloġija jew kif il-kontenut tiegħek jinqasam jew jintuża minn utenti oħra. Jeħtieġlek tħallas għall-ordnijiet li tibgħat u, għalkemm tista' tikkanċella riklam meta trid, dak ir-riklam jista' jibqa' jintwera għal żmien qasir wara li tikkanċellah u jista' jinħażen u jintwera għal dejjem fil-biblijoteki tar-riklami tagħna. Ma tistax tuża d-dejta li tiġbor jew tikseb minn dawn is-servizzi ħlief b'mod anonimu u bħala grupp u hemm xi limitazzjonijiet għall-iskopijiet li tista' tintuża. Jeħtieġlek ukoll tippubblika politika tal-privatezza fuq is-sit jew il-pjattaforma tiegħek. Għalkemm tista' titlob li r-riklami jkollhom xi tikketti, dil-ħaġa għandha xi restrizzjonijiet marbuta magħha u Snap tista' tneħħi dawk it-tikketti meta trid.